AlcoholicFoodie_HK's Profile

啱啱去完韓國旅行返嚟，仲係好掛住果邊嘅美食 ❤️ 今次發現到紅磡嘉里酒店入面，竟然有間可以望到 180 度海景嘅韓國餐廳，而且價錢仲要咁親民！呢間新開嘅餐廳乾淨企理，餐具同烤爐都係新款，細節位好齊整，令人覺得舒服，而且採用木系同金屬元素，燈光偏暖色，感覺幾 chill。今日涼返少少可以坐 outdoor 望住個靚景慢慢燒肉，成個 vibe 好似去咗韓國露營咁，輕鬆又自在 😌叫咗個 K-BBQ 套餐，三款湯品之中又係揀咗海鮮豆腐湯，湯底帶少少辣味，入面都幾多料。尤其坐出面吹住少少風，飲返啖湯暖笠笠咁好舒服。套餐入面有五款串燒，配埋蒜片、泡菜、生菜包住食，感覺滋味又滿足！~ 黑毛安格斯雪花牛  ~ 調味牛肋條 ~ 牛肋條：牛味好香濃~ 豬腩肉：肥瘦相間，燒到脆卜卜~ 豬頰肉：肉質比較彈牙，燒完仲有少少肉汁串燒配生啤真係無得輸，冰凍啤酒同燒肉嘅油香互相中和，一啖肉一啖啤，一個字，爽！呢度環境新淨又有心思，海景加露營 vibe，而且店員親切友善，會同食客交流傾計，確實係一個好好嘅 camping 韓燒體驗 ❤️…Read More

呢間由東京銀座過江龍開到嚟香港嘅燒肉店，嚴選鹿兒島A4黑毛和牛，仲有好多稀有部位都可以食到！餐廳環境闊落，坐得舒服，唔會逼迫。最正係用日本燒肉專用網去燒，火力均勻，肉汁一燒即鎖，食落啖啖都係滋味。除咗多款 sake，Asahi 生啤仲有得 half & half，夠晒爽呀！😋 和牛里肌芯 ~ 呢個部位係牛背脊中間最嫩嘅部分，油花分佈靚仔，燒到五成熟就啱啱好。入口軟腍，牛味濃郁，唔需要多調味，灑少少鹽已經好出色。😋 厚切上等牛舌芯 ~ 食落爽口有彈性，咬落仲有肉汁滲出，加少少青檸檬汁一齊食，清新解膩。😋 和牛龜之甲 ~ 呢個係牛肩胛附近嘅稀有部位，由大腿四頭筋（赤身部位）中只能取得兩成左右，油脂分佈較少，肉質帶少少嚼勁，但入口好嫩滑。😋 日本產雞肉三味 ~ 有雞腿肉、雞頸柳同雞胸肉三個部位，最正係雞腿肉！油脂豐富，燒完外脆內嫩，咬落去仲係啖啖肉汁，食落好 juicy，所以要再追加一份 🤣🤣另外好欣賞呢度每碟肉都會跟京蔥，口感辛甜可以清清味蕾，平衡返個油膩感 😊…Read More

最近喺沙田搵到間好 chill 嘅日式 cafe，裝修走木系和風路線，採用柔和嘅燈光，坐低已經覺得心情平靜咗好多。晚市有一人套餐，啱晒想靜靜地嘆個人晚餐嘅朋友。😋 吉列豬鞍白咖喱烏冬 ~ 一上枱已經俾大大塊嘅吉列豬鞍吸引咗，炸得金黃酥脆，厚切但唔鞋口唔會太乾，咬落仲有肉汁滲出嚟，啖啖都係滿足感。白咖喱加咗忌廉，令成個醬汁更加滑溜，味道唔會太濃，反而多咗層奶香同甜味。烏冬煙韌得嚟又吸晒咖喱汁，食落好有口感！😋 安格斯牛肉月見蛋丼 ~ 薄切安格斯牛肉，中間放咗隻日本「曉」生蛋黃，一撈開即刻變身滑蛋牛肉丼，個飯吸晒牛肉汁同蛋香，真係一啖接一啖！😋 紫薯芋泥麻糬梳乎厘 ~ 呢個甜品真係打卡一流，厚厚嘅 pancake 上面鋪咗煙韌嘅麻糬皮同紫薯粉，顏色好夢幻。Pancake 口感綿密，味道香甜但唔膩，仲有少少天然芋頭香。😋 開心果慕絲撻 ~ 呢個撻就比較精緻，底層係牛油撻皮，上面係濃濃嘅開心果慕絲，入口即溶，堅果香味好突出，上面仲有碎果仁做點綴，口感豐富。呢度真係一個好適合放鬆心情嘅餐廳，無論係想一個人靜靜地食餐飯，定係同朋友傾下計都好適合。食物有心思，擺盤靚，味道又唔馬虎。下次經過沙田，不妨入去坐低慢慢嘆返餐。…Read More

一入去呢間餐廳就感受到高級日式餐廳嘅靜謐氛圍，最正係坐窗邊望出去就係無敵大海景，食住和牛睇住維港，真係寫意到不得了。今日分別試咗兩個 set，同樣都係咁出色！🍽 日山．和牛盛宴  呢個 set 真係牛魔王必食，嚴選咗七個唔同部位嘅A5和牛：腰脊、肩胛、牛柳、牛肋、內裙、西冷、肉眼，每款都有唔同嘅油花分佈同口感，牛味濃郁但唔會太 heavy。😋 A5和牛肩胛刺身 ~ 呢道好有驚喜，肩胛位油花分佈平均，切得薄薄地，幾乎入口即溶。上面鋪咗一片片黑松露，牛脂嘅甘香同黑松露嘅濃郁味道互相提升，簡直係奢華嘅享受！😋 A5和牛腰脊紫菜脆餅 ~ 感覺係高級 fusion 之作，底層係香脆紫菜脆片，中間鋪咗微炙嘅A5和牛腰脊粒，油脂香濃但唔膩。最上面鋪咗海膽，鮮甜滑溜，入口即溶，食落去層次感好豐富！🍽 日山．松  呢個 set 就偏向海鮮，有刺身、清酒蒸鱈場蟹等等，啱晒鍾意清新口味嘅人。😋 日山嘅壽喜燒真係無得頂！肉質嫩滑，油花融化得啱啱好，加埋生蛋汁一齊食，口感更加滑溜，牛肉嘅香氣同蛋香嘅融合，幸福感滿滿！配埋支自家製日山 HARU 清酒，微甘口，啱晒慢慢嘆住食 ❤️…Read More

講到尖沙咀韓國餐廳，開業咁耐仲保持人氣嘅真係唔多，呢間元祖就係其中一間。由2001年開業到而家，價錢仲係咁親民，menu 上又多選擇，係感覺地道嘅韓國菜！店內燈光偏暖色，唔會太暗，裝修簡單乾淨，以木枱木椅為主。呢度主打年青一族，播放住韓國流行歌，一邊食野一邊聽 K-pop，氣氛好好，啱晒成班朋友放工聚會或者情侶約會。  😋 醬油蟹 ~ 呢度嘅招牌之一就係醬油蟹！蟹膏啖啖香甜，唔會過鹹，入口有少少黏口感覺，配埋紫菜飯團一齊食，蟹膏混合飯粒同紫菜嘅香味，真係好邪惡！食到最後仲要用匙羹刮埋 d 蟹膏，完全唔浪費！ 😋 豆腐海鮮湯 ~ 韓國餐廳必備嘅豆腐海鮮湯，辣度唔算嚇人，入面有蜆、魷魚，仲有大大舊好滑溜嘅豆腐，滋味十足！😋 公仔麵炒年糕 ~ 呢個就係年輕人最鍾意嘅邪惡組合！麵條韌度適中，吸晒d 辣醬汁又幾惹味；年糕夠晒煙韌彈牙，食落好有口感，直頭食唔停口 🤣 🤣🍶  Makgeolli 米酒 ~ Kook Soon Dang出品嘅米酒入口微甜，帶少少乳酸香，酒精度唔高，好易入口。配炒年糕或者海鮮湯一齊飲，真係好解膩。雖然呢度唔係走高級路線，但勝在菜式夠地道，價錢合理，選擇多。無論係想試下韓國傳統味道，定係同朋友輕鬆聚餐，都係一個唔錯嘅選擇。…Read More

最近同閨蜜去咗銅鑼灣嘅 Arcadia，一入門口已經感受到 Halloween 嘅節日氣氛，成間餐廳佈置得好有心思，有種型格嘅神秘感，好多位置都啱晒打卡！星期三至六 9-11pm 仲有 live music，氣氛一流！最近新出嘅魔法系列 Cocktail，夢幻得嚟又有儀式感，真係好有創意！🍸 一千零一夜 ~ 用 sake 做 base，帶有熱情果同伯爵茶香，重點係上枱前會用火燒一燒個盤，有種阿拉丁神燈嘅魔幻感，打卡一流！🍸 世外桃園 ~ 用 vanilla naked malt whisky 配 cold brew 蜜桃茶，入口有淡淡果香同茶味，尾段帶少少麥芽香，味道香甜。其他 classic cocktail 都沖得好好飲，感覺 bartender 好專業！！見到有新出嘅二人 Festival Dinner Set 好抵食，不過我地兩個女仔未必食得晒兩個主菜，所以叫 a la carte 都好開心~~😋 香煎日本刺身帶子伴三文魚籽 ~ 帶子煎到外脆內嫩，唔會過熟，配埋三文魚籽一齊食，口感好豐富。😋 薄切生和牛片 ~ 牛肉入口即溶，配埋少少醋汁，清新解膩。😋 火燒牛骨髓和牛生牛肉他他 ~ 牛骨髓燒到微焦，味道香濃，加埋生牛肉一齊食，夠晒層次感。😋 豬肋骨配莎莎醬 ~ 豬肋骨燒得好入味，肉質鬆化，莎莎醬酸酸辣辣咁幾開胃，半份啱啱好。😋 火焰雪山 ~ 又一個有儀式感嘅甜品！外層係蛋白霜，燒完後有少少焦香，入面係士多啤梨雪糕同蛋糕，夠晒甜甜蜜蜜 ❤️食飽之後上天台參觀下，真係超大，望出去成個銅鑼灣夜景盡收眼底，閃爍燈光加埋微風，簡直 chill 爆！…Read More

喺尖沙咀食串燒真係唔可以錯過呢一間！裝潢型格，主要係 bar 枱位，睇住師傅即場炭燒好有 feel，仲有戶外位啱晒一班朋友包場開 party 或者慶祝活動。主打由日本農場直送嘅香草雞肉，唔止新鮮，仲有好多稀有部位可以揀，師傅炭燒功力一流，每串都燒得啱啱好，外香內嫩，啖啖肉汁，真係好食到停唔到口！首先每枱都會有一碟五味調味盤：生椒粉、七味粉、一味粉、柚子鹽、咖喱鹽。個人最鍾意柚子鹽，口感清新，配雞肉一流，食完唔會膩。必食推介 🍢🍢😋 提燈 ~ 雞卵燒完之後色澤金黃微焦，賣相已經夠吸引，咬落去果下，外層薄脆，入面嘅雞卵一爆開係超級 juicy，成個口腔都係濃郁嘅蛋香，係我心目中 No.1 ❤️😋 糯米雞肉棒 ~ 外層糯米經炭火燒到微焦，帶住陣陣米香同焦香味，煙韌有口感。入面包住嘅雞軟骨肉，肉質嫩滑又有脆口，好豐富嘅層次感！ 😋 雞白子 ~ 燒白子真係好少見，而且呢度做得好出色！外層微微焦脆，入面仲保持到白子嘅軟綿綿口感，帶少少甘香，完全無腥味。連平時唔食白子嘅朋友都話有驚喜，值得一試！😋 新潟白舞茸 ~ 喺日本被譽為僅次於松茸嘅極品菇類，香氣十足，燒完仲保留到菇菌嘅鮮味，而且味道特別濃郁！仲有雞上髀肉、雞頸肉、雞心、雞肝等等都滋味十足！ 而家逢星期一至三同星期六都有酒水 promotion，同朋友一齊飲酒嘆串燒，爽 🍻🍻最後要讚下師傅同職員，好有禮貌又親切，令整個用餐體驗加分 ❤️…Read More

喺跑馬地搵間舒服又有意式風味嘅餐廳都唔容易，去到呢間餐廳感覺環境好 chill，座位夠闊落，仲有戶外位，帶埋毛孩一齊嚟食飯就最開心！$298 一個 set dinner 好抵食，而且份量都好足夠~~😋 意式凍肉及芝士拼盤 ~ 呢個前菜好適合開胃，拼盤有三款意大利風乾肉，鹹香味濃，加兩款芝士，配埋橄欖，幾啱配杯白酒。😋 羅馬肉丸 ~ 羅馬風味嘅肉丸，用牛肉同豬肉混合整成，質感鬆軟但唔散，入面仲幾 juicy，加上濃郁嘅芝士同番茄醬，酸甜平衡得好好，帶少少香草味，味道好有層次。😋 大蝦蘆筍意大利燉飯 ~ 呢個 risotto 煮得好好，飯粒硬度適中有咬口，配上龍蝦忌廉醬，好夠 creamy，每一啖都滋味十足！😋 意式烤豬腩 ~ 豬腩外皮烤到脆卜卜，入面肉質嫩滑，食落去有油脂香但唔膩，配菜有薯蓉，滑得嚟有奶香，成碟好有意大利鄉村風味。🍰 Tiramisu ~ 原個迷你 tiramisu做得幾傳統，食落去滑到好似奶油咁，咖啡味濃但唔會苦，底層手指餅吸晒咖啡酒，食落有啲酒香但唔會搶味，啱晒鍾意經典口味嘅人。🍮 意式白朱古力奶凍~ 呢個奶凍好滑，入口即溶，旁邊配有莓果醬，酸酸甜甜咁又幾好食。…Read More

喺銅鑼灣呢個咁繁忙嘅地方，竟然隱藏咗一間充滿藝術氣息嘅西餐廳！沿住樓梯行上去搭𨋢，去到二樓一出𨋢就覺得好似置身於另一個藝術國度，門口嘅裝潢好有特色，仲有隻雀仔歡迎我地 😁 店內裝修擺設都採用歐陸風格，環境寬敞，而且牆上掛滿梵高著名嘅畫作，仲有兩個打卡位，建議大家著淺色衫去影靚相 😍😍😋 黑松露蘑菇湯 ~ 由多種蘑菇打成嘅濃湯，香氣十足，入口香滑濃郁，仲有粒粒蘑菇蓉嘅口感，令個湯層次更加豐富！😋 烤美國封門柳 ~ menu 上有幾款健康料理之選，都係由專業營養師精心設計，上面仲有寫埋含幾多卡路里，好貼心~ 最後揀咗封門柳呢個 “高蛋白增肌餐” 😎 封門柳烤得剛剛好，肉質軟嫩，而且肉味濃郁，十分高質！😋 香煎格陵蘭比目魚 ~ 肉質鮮嫩多汁，味道清新，加上金黃色嘅外皮夠晒鬆脆，就算隔咗一陣先食用都保持到咁酥脆，頗有驚喜！最後叫咗兩個甜品~ 意式奶凍 & 焦糖燉蛋，爲呢餐豐富嘅午餐劃上完美嘅句號。…Read More

喺太和廣場經過見到呢間餐廳叫「別忘了」，感覺好特別，同時被店內兩棵好大嘅櫻花許願樹吸引咗，好奇一下原來係台式任食火鍋店 🤩 採用淺木色系裝修，環境舒適，乾淨企理，有種溫暖家嘅感覺，而且可以喺櫻花樹下打邊爐，成件事好浪漫~~ 一共有四個餐可以選擇，湯底款款都好想試，最後揀咗 120 分鐘 Set B，酒香麻油雞湯 x芝士牛奶湯 😎😎麻油雞湯有香嘅芝麻味，個湯濃郁得嚟帶點甘甜；芝士牛奶湯有濃濃嘅奶香味，加上芝士嘅鹹香令口感更加豐富，兩款湯底都係咁滋味十足 😋😋Set B 有七款肉可以任食~ 澳洲M7牛胸腹、澳洲M7大米龍、鹿兒島茶美豚梅肉、澳洲250日穀飼卡樂Beef、牛板腱、豬梅片、羊肉卷，每款肉都好新鮮，尤其澳洲M7牛胸腹好香肉味，又夠嫩滑，食足幾 round！ 最驚喜係呢度嘅台式飲品都係任！飲！可以瘋狂飲珍珠奶茶啦 🤣 仲有台式甜品 eg 芋圓、雪花冰、窩夫 🤤🤤🤤 有幾款指定甜品只可以每位揀一款，試咗個 真 芒果雪條，啖啖都係冰凍嘅果肉，大滿足！最後有書籤提供，俾大家留言掛上許願樹，好有儀式感！如店名一樣，希望大家別忘了身邊嘅一切 ❤…Read More

入到去環境好大，燈光昏暗，感覺係高質嘅餐廳，不過聞到有陣噏味  見之前個 All-Day Bench Menu 好吸引所以先過嚟，不過佢地話最近轉咗 menu，就試試個「$438 尊尚午餐」。前菜：~ 熊本蕃茄配松葉蟹肉魚子醬~ 香辣吞拿魚他他，比較似吞拿魚腩蓉 🙈~ 刺身盛合~ 磯煮鮑魚，味道還可以主食：~ 鹿兒島A4和牛肉眼扒配米飯，肉質嫩滑，口感好好，但過多醬汁而且偏鹹，蓋過咗本身嘅肉味，好可惜…… 加上飯亦太硬……我地叫咗三份餐，頭兩份隻蛋黃都好靚，滿心歡喜迎來第三份竟然係爛咗，當時係極度失望，心想 “咁都上得枱？”，個 staff 有問需唔需要換，然後行政總廚 Mr Dow 走出嚟解釋，話其實最後隻蛋都係會撈埋嚟食，又問多次需唔需要換，我地最後決定唔換啦。不過覺得作爲一間高價餐廳，相信食客會有期望，就係食物基本 presentation 都好重要，如果有唔合乎標準嘅地方應該要即時處理，而唔係睇食客有冇問題先至決定換。是日甜品係生果，初初都還有一絲期待…… 唔甜嘅哈密瓜、又林又酸嘅車厘子、碗底仲要有輕微積水…… 唯一可以讚係個女職員服務態度好好，友善有禮貌，好用心解答我哋嘅問題，仲有主動幫忙影相~~…Read More

喺西環搵到呢間小店真係有 d 驚喜，地方唔算大，但裝修簡約溫馨，坐低就有種返屋企食飯嘅感覺。佢哋主打西式 fusion 菜，仲可以加錢轉 set，今日揀咗濃湯同有機三色藜麥雜菜沙律，夠晒清新開胃。😋 鮑魚鴨腿絲燴飯 ~ 呢個燴飯幾有心思，上面有一隻完整鮑魚，煮得啱啱好，唔會太韌，鮮味十足。另外鴨腿絲煙韌唔柴，仲帶少少甘香，令成個飯更加惹味。飯底吸晒湯汁精華，又唔會太濃，食落好有層次，啱晒鍾意中西合璧嘅朋友。😋 白酒忌廉蜆肉手工意粉 ~ 手工意粉粗身少少，口感非常煙韌！蜆肉份量唔少，白酒忌廉汁 creamy 得嚟唔會太膩，反而有種淡淡酒香，配埋蜆肉就啱晒。🍮 黑芝麻意大利奶凍 ~ 呢個奶凍真係幾特別，質地滑溜，黑芝麻味好濃郁，唔算太甜，好有驚喜！🍵 銀花甘草茶 ~ 入口微甜，甘草味唔會太搶，銀花有少少花香，飲完有種潤喉解膩嘅感覺，飲完成個人舒服晒。「張三」係一間有心做菜嘅小店，每道菜都盡見心思，味道平衡，價錢合理，啱晒鍾意呢種溫馨又有質素嘅朋友。下次想試埋佢哋其他手工菜式，睇吓仲有咩新驚喜！…Read More

喺銅鑼灣登龍街搵到呢間 sake bar，主打清酒配搭創意日本菜，bar 枱形式坐得舒服又有氣氛，環境好有 feel，啱晒同朋友 chill 住食 chill 住飲。加上食物水準好高質，感受到大廚落足心機，真係一試難忘！專業唎酒師仲會根據你嘅喜好同菜式幫你揀清酒，飲得開心又唔會太 heavy，絕對係識飲識食之選 ❤️❤️😋 貓貓最中意餅沙律 ~「最中餅」做成招財貓造型好可愛，一上枱就好吸睛！入面係蟹肉沙律，底層仲有紫薯，餐前小食開胃一流！😋 唐揚河蝦仔 ~ 河蝦仔細細隻炸得好香脆，送酒 perfect！😋 煳麻唐揚炸雞 ~ 呢個真係驚喜！炸雞炸到金黃色，但保持肉質鮮嫩，配埋「兩姊妹涼皮」聯乘嘅煳麻醬，夠晒香口惹味，食完仲想 encore！😋 燒呑拿魚下顎 ~ 呑拿魚下顎脂肪豐富，燒到微焦，好重油香，食到最尾連魚骨都好香，呢個真心有驚喜！😋 炭燒頂級肉眼 ~ 肉眼燒到 rare 啱晒我，肉質鮮嫩，肉汁又鎖得好，牛味濃郁，另一個必食推介！😋 燒明太子飯團 ~ 外層燒到微脆，入面飯粒煙韌，明太子鹹香夠味。😋 雞白湯烏冬 ~ 湯底濃郁但唔滯，雞味突出，烏冬滑溜，吸晒湯汁，每啖都暖笠笠，好適合尾段收尾。記得 keep 好張收據，因爲 30 日內憑單再次消費有七折優惠，餐廳每個月都有 promotion，詳情可以留意返佢地 社交平台~…Read More

呢度主打 omakase 同鐵板燒，入到去感覺環境好乾淨，完全 feel 唔到有油煙。店內裝修簡約但有格調，坐位夠闊，而且有 cushion 挨住好舒服，好啱同朋友慢慢食慢慢傾。揀咗 omakase 套餐「焰月」，一共有 20 品料理，由前菜、刺身、壽司、手卷到甜品，每道菜都好驚喜！加上食材新鮮，擺盤又精緻，每一啖都幸福感滿滿 ❤️😋 日本產象拔蚌 ~ 師傳將部分刺身片用火槍炙燒過表面，令到入口帶有火炙香但內裡保持到鮮甜，口感爽脆。😋 北海道產嘅厚岸蠔  ~ 師傳喺面前即場處理，一打開蠔蓋，蠔嘅鮮味就一湧而出。生蠔肉身厚實，鮮甜十足，再配上醋啫喱，層次豐富。😋 秋刀魚刺身 ~ 肉質極新鮮，完全無細骨，顯示挑除魚刺十分認真。師傳亦都物盡其用，將魚骨油炸，入口香脆，配清酒一絕！另外叫咗個炸豬扒定食都好出色，豬扒炸得香脆唔油，外脆內嫩，搭配醬汁啱啱好！下次會再嚟試下個鐵板燒 😋😋…Read More

呢間係名古屋老字號嘅鰻魚專門店，主打名物「一本鰻」近年登陸銅鑼灣利園，再度掀起鰻魚熱潮！餐廳裝修走高級和風路線，木系設計，座位舒適，透過玻璃仲可以見到入面嘅師傅即場運用備長炭同竹炭原條碳燒鰻魚，充滿視覺享受！員工好有禮貌，介紹 menu 時唔單止講食材，仲會分享食法同配搭，感覺專業。😋 名物一本白燒定食 ~ 白燒鰻魚完全無落蒲燒醬汁，直接以炭火燒烤，燒到皮脆肉嫩，食落去有淡淡炭香，鰻魚本身油脂豐富但唔膩。白燒食法真係好考功夫，呢度做得好乾淨俐落，食到鰻魚本身最原始嘅鮮甜風味，值得一讚！😋 鰻燒和牛三吃丼 ~ 薄切日本A5宮崎和牛，油花靚，入口即溶。蒲燒鰻魚醬汁香甜但唔搶味，鰻魚燒得啱啱好，魚肉鬆軟肥厚，皮脆肉香，鰻魚三吃更加各有風味：1. 直嚐蒲燒原味2. 加入三吃配料3. 加入特製高湯製成茶泡飯🍵 鰻肝湯 ~ 呢個養生湯確實不容忽視，鰻肝處理得好乾淨，無腥味，湯底清澈但有深度，飲落去有少少甘香，感覺解膩，係一個好好嘅收尾 ❤️香港分店保留咗本店嘅精神，環境高雅，服務親切，鰻魚質素亦有水準。價錢唔算平，但以質素嚟講絕對值回票價。無論係想試下正宗名古屋蒲燒，定係想感受職人手藝，呢間過江龍都值得一試！…Read More