lazyguy's Profile

一推門～成個感覺好「懷舊復古風」，但又意外哋，佢哋又幾好生意，可能係星期六，都差唔多『爆』。以前啲人話港式西餐就係豉油西餐，全部嘢都好深色，今晚終於俾我見識到！叫咗個瑞士雞翼餐，西冷牛扒餐同疏乎厘～雞翼餐有沙律或餐湯選擇，跟著三隻瑞士雞翼，同焗豬扒飯，甜品同餐茶。牛扒餐一樣有餐湯或沙律，甜品同餐茶。我哋揀咗各一，餐湯同沙律，餐湯（牛尾湯）～好深色，味道濃～感覺同間餐廳一樣好有歷史感，黑「媽媽」但又唔知咩味，好似煮咗好耐咁。沙律～港式果隻，中間有啲薯仔同雜果，仲有一隻大蝦～呢個好啲。等咗幾個字，終於上呢度比較出名嘅「瑞士汁雞翼」，一樣都係深色，味道唔似我想像甜，反而一啲澀味，雞翼係好滑，但味道真係一般，無驚喜。另一名物～焗豬扒飯，一樣勁深色，味道可以，起碼唔太鹹，豬扒邊有小小焦香同脆邊，一塊豬扒切開幾件，無乜要求下，都可以接受，但係個盤邊，又係有歷史feel, 黑成咁都仲用，又佰年歷史？另一半叫嘅牛扒，由飲完湯到上枱，足足半小時過外，亦都一如一般嘅餐廳，好有儀式感喺你面前淋啲汁上扒度，咁當然係「沙沙聲」，咁好處係無用「鬆肉粉」，但換來嘅係「鞋」同「韌」～正常。無論點樣飽都一定要叫埋另一名物～呢個疏乎厘，真係大大「舊」，唔食得都睇得同打咭得，味道係點，留返俾你自己試。埋單8舊幾。回頭度：4/10唔係佢唔好食，係我呢啲check精唔識欣賞，咁佢哋標榜百年歴史，咁佰幾年前可能真係無咁多好嘢食同無咁多選擇，佢哋梗係高檔野，但現今世代咁多選擇，同咁嘅價錢，後生點會入去？再講啲瑞士汁以前可能啲人自己做唔到，依家乜汁都有現成，自己屋企煮都不會差得過你成舊水幾隻雞翼，一哥豬扒飯都未必差過佢，所以個人覺得呢度真係食「懷緬」。都係果句，呢個價錢，真係有好多選擇。以上純粹個人食後分享，絶無收受任何利益同優惠，亦願意承擔所有責任。…Read More

通常食九龍城泰菜咁多年都係食啲小店，一來係夠鑊氣，夠地道～同貪平～唔使加一🤣🤣。今次想座得舒服啲，同睇吓係咪好味啲～揀咗佢～黄珍珍～選擇困難症下～揀咗～珍珍推介二人餐～$588.0冬蔭功湯 什錦串燒沙爹法式麵包金柚大蝦沙律 泰式炸蝦餅 馬拉盞炒通菜椰汁青咖咖喱羊腩甜品拼盤芒果沙冰特飲鮮椰汁綠豆冰冬陰功湯正正常常，咁細碗嘢入面有二隻大頭蝦，收貨青咖哩羊腩，羊腩炆得好腍，冇羊羶味，亦沒有咖哩味，反而個法包不俗。串燒二雞二豬，豬肉都爽口，雞肉肉質都可以，唯獨個醬汁，明明似一般沙爹醬，但好鬼「酸」。蝦餅～正正常常，彈牙，面頭乾身，但一反轉件蝦餅～好油。金柚大蝦沙律～賣相隨咗大蝦，碟嘢真係唔吸引，味道就係柚子肉加大蝦。最頂癮係呢碟～馬拉盞通菜，成碟都係菜框，得右手邊幾條葉，我哋要求伙記更換，個侍應話泰國通菜係咁～真係當我未食過泰菜，最後換咗椰菜苗～真係成件事唔同晒，佢哋嘅椰菜苗炒得出色多，但既然係馬拉盞應該有少少辣會野味啲，但呢碟唔辣。椰汁西米糕，大大件，不太甜，作為飯後甜品～可以。套餐加二杯飲品，埋單～$756.價錢算可以，不算太貴。回頭度～3/10作為區內最大間～歷史悠久而又扮到高級嘅店，服務水平可否做好一點？個男侍應放底碟菜，佢唔係放枱中間，係放我左手邊枱角，我手踭位，真係大排檔都唔會咁，第二，送甜品阿姐，一碟甜品，一隻碟，二支叉，隻碟點樣二份用？真係懶成咁定慳成咁？第三，碟通菜無葉，阿姐就話「泰國通菜」係咁，無乜葉嘅。坦白講味道真係一般般，真係周邊小店嘅味道正宗同地道好多，比如咁講～港式西餐，呢度可能係港式泰菜，真係無乜泰菜嘅神緒。…Read More

好耐無食大榮華，今日入嚟元朗，專登走去食，睇吓水準得唔得。叫咗～椒鹽焗鮮魷 紅燒乳鴿 西湖豆腐牛肉羹 燒汁茄子牛仔骨 家鄉腰果小炒王炸漿薄，魷魚新鮮，正常水平～不錯顏色深色咗啲，但絶對無偏到鹹，如果肉汁再豐富啲仲好。茄子牛仔骨，無諗過係煲仔上，成煲滿滿，牛仔骨厚肉大大塊，舊肉易咬～「淋」同埋意外地牛肉味不俗，唯茄子🍆「失色」，唔知係煮過龍定什麼，唔係一條條嘅型態，係一pet pet。家鄉腰果小炒王～材料豐富，而且鑊氣同味道絶對不下於大排檔，唯一失望嘅係主角『腰果』竟然係「淋」嘅，呢個真係失望加失敗，但係好彩其他材料味道同鑊氣搭救同補分數。西湖豆腐牛肉羹～最簡單嘅嘢就係最考功夫，好簡單嘅材料，但係碗湯真係幾好飲，二個人清晒呢大煲，豆腐好滑，牛肉碎新鮮，芫荽，草菇加加埋埋～就係好飲，唔鹹味道剛剛好。埋單$671回頭度：7/10我首先想講嘅係，佢哋嘅所有員工嘅服務態度同水平都高過一般酒樓「幾班」，真心希望其他食肆學下嘢。傳統嘅酒樓好難改到有好多新派嘅菜式，所以能夠維持同生存到真係好難得，而且佢哋食材同味道都不錯，最難得「肥滔」老闆都有在場，真心希望佢哋能夠做落去，對我嚟講呢間真係山長水遠，但都希望短時間內再去多一次。…Read More

行過見到間新嘢，睇過份餐牌，見到都幾好選擇，決意試一試。叫咗～鐵板肉眼扒 芒果沙冰 二人餐 蜜椒薯仔牛柳粒 黃金脆皮蝦球 鮮茄炒滑蛋 石榴沙冰薯仔牛柳粒～薯仔正正常常，牛柳粒係淋但過鹹，質素都幾粗糙吓。睇係幾正，食落去面頭有層厚厚嘅『黄金漿』包住，入面啲蝦仁係彈牙，但無蝦味，真係一隻起二隻止。蕃茄炒蛋，最正常嘅一味餸，撈飯啱晒。黑椒肉眼扒，眼見咁多，明明menu 入面有薯角，上到嚟又無，真係慳皮，至於塊扒，真係不敢恭維，又靭又鞋，最重要真係唔知係乜嘢肉，所以食扒真係要選啱地方，攪到「中」不成「西」不就⋯⋯佢啲嘢睇真係唔錯，但如果食開炒餸嘅香港人，呢度啲相對「粗」啲，扒就更加唔使講，可能真係俾啲『貴賓』食，就等於早年外國食中餐，俾啲鬼佬食「雜碎」。回頭度～3/10真係見佢裝修肆正至選擇入去，但食物質素真係一般，除非年其他選擇，否則真係唔會嚟。以上純粹個人食後分享，絶無收受任何利益同優惠，亦願意承擔對以上所有責任。…Read More

喺門口(check in)已經要揀食邊個餐，睇住個餐牌，揀咗二個$168嘅半自助午餐。份肉就係4+2咁多， 諗住出面都會有啲肉，原來係我「自作多情」，出面有沙律，湯，甜品，炒飯白飯，冷盤，有啲蔬菜菇類同「腸仔」，等等⋯⋯所以如果一心想食燒肉，你就真係要選all u can eat. 呢個半自助就一定滿足唔到你同我。講返啲肉，以為「貴精不貴多」點知真係不敢恭維，又靭又無牛味，唔夠飽唔緊要，出面白飯任裝，而且又有紫菜之類俾你撈飯，咁一定包你飽。既然選擇唔多，整返碗湯試吓～入面啲肉好味過俾你燒果啲，真係意外驚喜⋯⋯咁都有可取之處，可以自制沙律任你撈，同埋午餐時分都無乜人（咁嘅價錢咁嘅食物～梗係啦），可以靜靜的享受午餐，同埋咖啡雪糕任食，不過記住得一小時😂。埋單連九折$330。回頭度：3/10唔係話佢唔扺食，而係啲嘢真係唔好食，真係俾大家食飽個肚，但又唔好有質素同要求？係咪咁？出面任攞嘅預制食物好鹹，飲品之類除咗茶全部都係勁甜，真係挑戰大家個腎臟同肝臟，再講成個場黑孖孖，出面每樣野都有「名牌」寫住係乜，但問題又細又黑點睇？同埋我想講點解唔俾客坐低㨂餐？又唔係大x樂同老麥！以上純粹個人食後分享，絶無收受任何利益同優惠，亦願意承擔所有責任。…Read More

成日見人post 啲一格格點心，幾得意，又專登去試吓，睇吓得唔得⋯⋯叫咗～拉絲菠蘿包 港式奶茶(凍) 鳳爪拼黑椒金錢肚 三寶套餐 $79 龍遊精選燒賣系列 金牌脆皮乳鴿王拉絲菠蘿包，有温度，個包軟硬度很好，鬆同軟，絲唔係好拉到，但味道不錯。呢個組合唔錯，味道又剛剛好，墊底係紅腰豆～收貨套餐揀咗個燉湯，好足料，而且個温度非常高，熱到辣口～好飲。套餐第二選，揀咗龍蝦汁鮮竹卷，腐皮雖然係炸過，但唔脆口，而腐皮入面啲豬肉，鹹到一個點。套餐第三樣係鳳爪排骨飯，忘記影相，無乜特別，只能夠講，個豉油汁幾特別。燒賣，包裝過，同分咗六種味道，坦白講～一盤，都係傳統好啲。反而佢哋嘅乳鴿幾好食，雖然細隻咗啲，但肉汁保持同味道不錯。回頭度～6/10唔知點解，佢哋凡有豬肉嘅點心都偏向鹹～好鹹，鮮竹卷嘅肉，排骨飯嘅排骨，燒賣啲肉都係好鹹。整體讚嘅係，佢哋啲嘢好一「温度」，有啲酒樓，點心到都全部唔熱，呢度唔會。可以再嚟試其他，但一定唔會叫燒賣。以上純粹個人食後分享，絶無收受任何利益同優惠，亦願意承擔所有責任。…Read More

上次入嚟食酒店嘅lunch buffet , 見到呢間，今次特登入嚟試。叫咗～白鬚牛骨湯飯 真白鬚（淨牛丸） 酸辣鳳爪 蔬菜春卷（半份） 炸薯寶淨牛丸，有啲炸薄脆片，面頭牛丸，大約六粒，墊底係芽菜，湯小小濃～可以，牛丸口感同味道唔似出面牛腩麵檔果啲，又唔彈牙，味道又唔特出～一般般。牛骨湯飯～湯底清湯咁，無乜味，牛骨二舊仔，喺上面鋪左啲牛肉，牛腩條之類，一樣都係一般般。二樣小食唔使講，香口野無話唔好食，性價比以薯寶較好，三條春卷仔（半份）$26.酸辣鳳爪，面頭加啲甜酸酸菜,增加唔小分數。埋單$421，坦白講食完都唔係好飽。回頭度：4/10感覺食物選擇唔多，質素中間，比起一般嘅印尼餐廳係好啲，起碼衛生同格局都好好多，個人覺得食物未去到好好食果隻，唔會值得專登揸車入嚟食，但今晚佢哋又幾好生意，個人覺得會唔會係呢間酒店無其他選擇，而啲人又唔想行老遠去食？以上純粹個人食後分享，絶無收受任何利益或優惠，亦願意承擔所有責任。…Read More

某個網上平台買一送一中午自助餐，價錢吸引，而且個名～普慶餐廳，真係要嚟懷舊一下，𡃁仔年代周不時嚟普慶戲院睇戲。餐廳要落到去B2, 第一感環境唔錯，但後來發覺原來分佈嘅食物位置都幾「散下」，再者雖然好多物種選擇，但價錢真係反影到質素。食物較為「值錢」嘅只有麵包蟹同生蠔！剌身得三文魚，八爪魚同鯖魚，蒸魚係真係小見嘅「鯇魚」，而唔係常見嘅『班』。呢舊豬腩卷算最出色，皮脆肉嫩，反而則邊件牛肉，睇落半生熟好靚，但肉質唔掂～「韌」又無牛味，唔好食。雪糕算係另一樣值得食，其他甜品都可以接受。回頭度：3/10唯一可取係個價錢，但食物種類，味道，質素真係差一個級別，再者係填補食物嘅速度都慢，十二點開始，一點零，好多都無晒，無補充返，或者係補得慢。收碟又慢，一樣又係一點後，好似無晒伙記，真係唔知想點！？我今年食咗十幾次自助餐，未試過有咁嘅「待遇」。仲想講下，上面提過嘅平台，係唔會容許客人俾『負皮』，所以當大家選擇餐廳食飯時，要小心選擇平台參考！以上純粹個人食後分享，絶無收受任何利益或優惠，亦願意承擔所有責任。…Read More

機場附近影日落相，影完順便過東薈城食晚飯，星期六間間都排晒隊，揀咗間淨係等一張枱嘅試～羅麥記。印象中，用得人名做公司名，一般都會有返咁上下質素同歷史，呢間嘢歷史我無興趣知，但質素就⋯⋯叫咗～秘製香辣雞煲伴大蝦鐵板燒汁芥末牛柳粒海南雞飯避風塘鮮魷(辣)芥末牛柳粒～牛柳大家都知道肯定「淋」過西冷等其他扒，但呢碟牛柳粒個咬口係「硬」，唔係『韌』！真係唔夠牙力都攪唔掂，另外「芥末」，頭幾啖係有新鮮感，但有一啖食落去，食正成啖芥末，霎時間辛苦到爆。辣雞煲伴大蝦～啲雞係有辣味，唔知係咪星期六好繁忙，啲雞肉同牛柳一樣，煮到過晒火，「柴」到離晒譜，啲蝦一樣求其炸到熟曬至起貨～乾到呢。避風塘鮮魷～我嘅認知用得避風塘呢三個字，必定係大量蒜片之類，同好野味，呢碟蒜粒小量，大量嘅係厚厚嘅炸漿，咁厚嘅漿食一舊就夠。反而都係海南雞最正常，但係我哋食左以上三味一半，要催單至上枱。最奇怪嘅事係D5餐牌打$128，手機落單$138，問過佢哋，佢哋話跟apps, 事彈啦，唔通我要同你拗！？二口子埋單$444回頭度：3/10咁嘅質素，真係唔怪之得啲人要北上消費，又一話香港人依家食嘢係無要求？求其平同飽就得？以上純粹個人食後分享，絶無收受任何利益同優惠，亦對以上言論,承擔所有責任。…Read More

入嚟馬鞍山交收，女友推介行吓呢個商場，今次醒，食小小，可以分開試多一二開食肆，首先見到呢間～喜牛蘭州牛肉麵。十一點五十入場～包場，食嘢最驚係咁，真心怕有「伏」，叫咗～喜牛牛肉麵，三細（麵嘅粗度） 涼拌木耳 檸檬無骨鳳爪 鴨屎香檸檬茶先嚟二個小食～涼拌木耳，唔係一般有乜辣乜辣味，叫個係無味嘅，真係～涼～拌木耳（原味）。檸檬無骨鳳爪，呢個睇到都覺得味道會複雜啲，甜、小酸，唔辣，個味有啲特別，唔係平時我認知或者大家食開嘅味道～可以接受，但唔讀得上好好食。拉麵～一定係試啖湯先～失望，係有小小牛骨湯味，唔夠濃厚，個人覺得失色，牛𦟌～正常味道，加分位係大量嘅葱喺碗邊，同埋個麵真心拉得不錯，彈牙。我真係見識小，呢個粗度叫～三細。同埋最唔鍾意喺堂食，用咁多『紙品』嘢，外賣無得揀無辦法，堂食用呢啲真係覺得好唔尊重，其次至講唔環保！埋單當一人前$126回頭度3/10除咗麵質，其他真係無乜特別，香港人真係習慣晒，主食加嘢飲，依家普通都係加十元八塊，但呢度一杯普通嘅所謂鴨屎檸檬茶都$30～無套餐（當然係咪因為今日星期六冇，我唔知），所以真係欠吸引力。…Read More

尋日嚟過見排晒隊，今朝一早再嚟「挑戰」⋯⋯早嚟唔使排，真係「得閒飲茶」⋯⋯二條友已經好勞力，特登叫多幾款試真啲～沙爹金錢肚(優)得獎蝦餃之王糯米雞龍蝦湯鮮竹卷春風得意腸千島醬脆皮蘿蔔糕3.6牛乳太陽蛋瑪卡燉竹絲雞先嚟春風得意腸～咬落去口感層次好豐富，腸粉皮有水準～好食。招牌蝦餃～同樣個皮一樣出色,入面淨蝦仁調味啱啱好，係比一般嘅酒樓好。龍蝦湯鮮竹卷，賣相同色水都唔錯，但個龍蝦湯無味，鮮竹卷亦一樣，淨係個色同「相」可以，無「內涵」。千島醬脆皮蘿蔔糕，上網睇果時同上一個鮮竹卷都有啲期望，但現實係當你食第一啖之後，你會諗～又千島醬又咁厚炸漿入面又係粉～肥死🤣，所以我第二舊係，整走晒啲炸漿至食，發覺原來入面淨粉連臘肉都無，而且仲要無味，原本啲味淨嚟自個醬同上面啲柴魚片。糯米雞，正常味道，入面唔係傳統多啲蠔油色果隻，而係你見到右下角橙橙紅紅果隻。沙爹金錢肚，都幾重沙爹味，正常發揮，唯獨啲豆卜，好似事後放落去，個色同一般放底入晒味的不同，都收貨。燉湯，好清，味唔濃，唔知係咪因為一早，所以未夠火，我個人覺得欠火喉。呢個甜品，我個人幾欣賞同鍾意，口感有啲似燉奶，真心不錯。回頭度：6/10食咗八樣嘢埋單$270,呢個價錢同今日係星期日，真係好扺 扺食。暫時覺得唔係所有點心都出色，整體合格有餘，下次試吓其他。以上純粹個人食後分享，絶無收取任何報酬或優惠，對以上言行，本人原意承擔一切責任。…Read More

本來特登諗住去『得閑xx』,點知排晒隊，咁鬼熱梗係唔等，行過對面睇吓有乜選擇，結果誤打誤撞入咗呢間～金滿樓。叫咗～香煎蘿蔔糕 窩夫蝦春卷 櫻花蝦金菇牛肉腸 醬皇金錢肚 鳳爪排骨煲仔飯 桂花椰汁糕先嚟係腸粉，一放低睇到薄薄透透嘅「粉皮」，再加上厚厚嘅牛肉，熱辣辣～口感不錯，真係皮薄餡靚。跟著係春卷，首先個春卷皮係有別於其他傳統酒樓或點心店果隻，另外個醬汁，唔係用喼汁，係甜甜哋嘅～我個人覺得有小小似芒果醬，但又出奇地夾。金錢肚，正常味道，黑椒味重。煲仔飯，攪唔清佢夠竟係蒸還是「燒」，反正都ok好味，點解我咁講？因為上次試過煲仔飯有飯焦，但係煮燶晒，今次無飯焦,所以我分唔到。不過如果收$83煲咁小「料」，就有點兒那個。蘿蔔糕～無乜特別，正常水準。飯後甜品，呢個唔錯，清清甜甜，食完有好清新嘅感覺。回頭度5/10下次就算有機會嚟，都唔選擇假期或周六日，因為眼見啲孖寶三寶喺呢啲日子，加好多價上去，簡單啲講～平日平好好多，舉例有個三寶平日128.呢啲日子要加50就真係唔好攪。以上純粹個人食後分享，絶無收取任何報酬或優惠，亦對以上分享，承擔所有責任。…Read More

本來想去『碌鈴』，點知排晒隊，結果變咗揾食，一出嚟見到呢間～麵鮮醬油房周月，又「米豬蓮」，又拉麵，為食嘅我～唔係好肚餓都要試吓。叫咗～辣味噌拉麵，同埋～和牛拉麵。另外加咗碟～紫菜，呢碟紫菜有啲特別，係要加埋落碗湯麵一齊食至過癮好味。和牛拉麵（$143），價錢係有啲高，但由湯底，和牛，以至啲脆筍，都相當好水準，牛肉份量其實唔小，二塊大加二三塊小的，夠食有餘（總扺過上次二片雞肉），牛肉入口咬落去，牛嘅嫩度牛嘅油脂同牛味，雖然薄切，但到足以滿足到我，順帶一提，以前食日本拉麵都會經常有「筍」呢樣野，依家拉麵店真係小見咗好多。女友食呢個，辣味噌拉麵～入面燒果個日本黑豚肉，真心不錯，辣味噌湯夠味，唔夠辣，女友加埋啲辣椒粉～完滿。攞咗塊黑豚肉試，你哋睇吓幾有層次？！同埋都有相當厚度。紫菜幾得意，撈埋落麵食，真係又另一番口味。埋單三佰有找。回頭度～9/10真心好食，真係食得好開心，好耐未試過有咁嘅感覺，水準絶對對得住個價錢，期望佢哋保持水準之外，再多啲選擇！以上純粹個人食後分享，絶對沒有收受任何利益或優惠。對於本人所有嘅言辭，一律承擔所有責任。…Read More

路過青衣城朋友選咗呢度食午餐～熟客。睇吓得唔得～叫咗二個海南雞飯，雞絲大蝦湯粉，檳城海鮮喇沙。先講海南雞，真係食過咁多次，真係好小見到啲雞係白色而唔係黄色，雞肉唔夠滑，啲油飯又無油飯應該有嘅味，如果以馬拉或新加坡餐廳嘅收貨嚟講，真係唔收貨，除咗唔夠滑有一二件啲肉有啲梅嘅感覺，即是新鮮度嘅問題。另外加了二個小食，以單邊雞翼比較入味，網蝦春卷一般。其他二樣湯粉同喇沙，我無份食所以評論唔到.但見二人都清碗，應該不錯。另外想講吓呢度嘅服務同工作態度～先講下服務嘅質素，二海南雞飯放底咗，個盤無飯嘅？我以為墊喺啲雞嘅下面，撩開啲雞～又無，如是者，等咗五分鐘，開口問侍應，佢至記得攞嚟，真係咁者得？到埋單俾咭，個四眼哥哥俾張單我嘅時候，好似我欠佢好多錢咁，除咗應有嘅笑容無之外，真係多謝都無聲。如果你屬於經理級，你公司真係多得你唔小，你如果係茶記或大排檔，我真係唔會有呢個要求，你間店係中上店，就應該有中上嘅質素。要記得，你公司係有加一服務費！係～服務費！！埋單連加一，410回頭度～4/10食物質素同服務有待改善。以上純粹本人分享食後感，絕無收取任何利益和優惠。…Read More

睇演唱會前（獵食），最近係呢個場，女友話想食～叻沙，好唔情願之下～屈服咗。叫咗 ～海南雞叻沙滲滲同海南雞飯，無錯二個都係雞，小食又係果二組～雞翼同春卷。叻沙味道正常，湯濃有幾舊豆卜，另上嘅雞睇落算多，不錯～一陣再講缺點。海南雞飯正正常常，個油飯講真唔錯，雞睇落小左啲，雞肉亦都滑，正常水準。問題嚟喇～二樣野都係海南雞，除咗去骨之外，呢度嘅特式係幾乎連肉都無埋！呢件係其中一舊，係反轉對摺左嘅，未對摺其實係成塊雞皮雞油！呢度係二碟雞加埋嘅皮，其實都唔係全部，但都嚇親。真係食咁多海南雞，一周二三次未見過去骨去埋肉嘅海南雞飯。跟飯碗湯，鹹得滯。小食雞翼同春卷都正常收貨，二杯咖啡同奶茶都收貨。最後加埋二碗甜品如圖，建議可以慳返，圍住果啲芋丸唔似坊間，有咬口彈牙，呢度口感係～無味嘅蘿蔔糕再硬小小小，真係唔知想點？定還是我見識小？！跟著成碗嘢要撈埋至勉強叫好食啲。我會提議你哋叫其他嘢食，因為座位近，貼住隔離枱～𥄫到個咖哩牛腩好似好多⋯⋯😂😂唯一嘅好處係～價錢唔貴，埋單$270回頭度～4/10我揀海南雞係因為諗住穩陣，但連最穩陣嘅都出事，好難令我再嚟！以上純粹個人分享飲食嘅經歷，絶無收受利益同優惠，亦對以上嘅陳述「經歷」，願意承擔所有責任！特此聲明！…Read More