Willow Yellow's Profile

嚟呢度食生日飯，一定令你稱心滿意，滿滿的儀式感，步入餐廳，當服務員帶到去張枱，已經成枱都係生日佈置👍🏻生日Menu 寫明日子同埋人客名稱，令你有個好好嘅紀念，再加上佢哋嘅即影即有生日卡，實在令你full of birthday memories 🥰嚟到當然要試佢哋嘅牛扒，我哋叫咗Porterhouse Steak，二人份量絕對足夠，甚至乎食唔晒添。牛扒煮得好香，好有肉味，大滿足。頭盤龍蝦湯夠濃，另外好想稱讚嘅就係佢哋嘅甜品platter ，整得好靚，又好味，令一個生日飯畫上一個完美嘅句號。…Read More

呢間地區小店一定要大力推介。今日試咗佢哋嘅下午茶，叫咗Pizza🍕，同埋hotdog 🌭。講咗Pizza先，首先已經俾佢個心形❤️die cut 給吸引咗，已經心心眼😍。味道正常，最欣賞就係佢哋個批做得好脆，無論第一啖，或者去到最尾嗰啖，一切落去嗰批都係脆卜卜。至於個熱狗，佢哋仲有薯條同埋沙律菜，一定要讚佢個薯條，大條夠粗，同埋炸到脆卜卜，同個Pizza批一樣，就算食到最尾嗰條，佢都仲係脆卜卜，真係十分欣賞，至於個熱狗本身味道都喺到位嘅。下午茶餐仲有嘢飲，有啲就加$5 ，好抵食👍🏻…Read More

太古城雖然多餐廳，但係都人頭湧湧，難得呢間餐廳12:30nn 前可以訂位，就試吓佢。二人前，一個要咗all day breakfast ，另外一個就叫咗carbonara。All day breakfast 賣相幾好，個多士同隻蛋🍳整得好靚，仲有兩大塊雞扒。至於個carbonara 就正常發揮，個汁好Creamy，意粉個口感整得好好，不過啲煙肉就比較肥，冇乜點食。Pancake 🥞整得好鬆軟，連埋啲cream 一齊食好好味。兩個人都飲咗Americano ，一凍一熱，兩個都好飲，有回甘味。想讚吓佢哋嘅服務，殷勤有禮。…Read More

唔係第一次嚟，但今次嘅體驗舒服啲，因為上次覺得好嘈，不過佢哋啲燈光都係偏昏暗。服務仍然都係咁好，貼心嘅。我哋兩個人，叫咗兩個湯，包括「杏汁竹笙螺頭菜膽燉白鴿蛋」，同埋「川貝海底椰瑤柱燉到杜克豬展」，足料嘅，但我覺得稍為偏咸。至於主菜我哋就叫咗「古法鹽焗雞」、「蟹皇四川蝦球」同「方魚炒芥蘭」，個雞煮得好好味，皮脆肉滑。另外嗰兩個就到位啦，食得到食材係新鮮嘅，但未刺激到味蕾。最後再叫咗「濃湯蝦皇稻庭烏冬」同「鮑魚石頭鍋飯」，相比下個飯出色啲，好入味。…Read More

之前好想嚟，但永遠都大排長龍，居然今日冇人排隊，好開心。餐廳有好靚嘅設計，配合埋餐具亦都好decent 。咖啡十分多選擇，真係眼花撩亂，好彩佢哋嘅服務員好細心，慢慢解釋再加埋佢哋嘅提議，最終選擇咗「Kahwa! Kahwa!Decaffeinated Coffee」，佢哋係成壼上，真係夠幾個人一齊飲。另外佢哋都有好多款cake，同埋croissant 選擇，最後我哋選擇咗「Pastry Of The Month - Chestnut 」、「Pistachio Cheesecake」同埋「Creme Brulee Croissant」，一個order 有兩件🥐， croissant 係偏細件啲嘅。咁多樣食物中最出色嘅就係Pistachio Cheesecake👍🏻…Read More

二人前入到嚟，就叫咗個「芝麻糊豆腐花」、「薑汁豆腐花」，同埋六粒燒賣要少辣。首先嚟咗個芝麻糊豆腐花，正正常常，偏大碗嘅。跟住嚟個燒賣，個服務員攞到埋嚟，跟住就同我哋講「哎呀，廚房唔記得咗落辣油」，於是乎又拎返去廚房加返辣椒油俾我哋。到燒賣同埋碗芝麻糊豆腐花都差唔多食晒，都未嚟個薑汁豆腐花， check返單，原來佢哋漏咗，唔緊要我哋行出去，都費事話佢漏咗，直接話我哋想加單。可惜最後又落錯單，嚟咗「冰糖豆腐花」，其實當時候成間舖頭只係得5個客，唔知點解咁混亂，咁我哋都冇換啦，是但啦，食完就走。…Read More

行過見到唔係好長龍，就即管一試，其實都好快有位，當然係坐得比較逼夾嘅。試咗佢signature 嘅雲吞麵，同埋牛腩麵，再加咗一碟芥蘭。雲吞確係出色嘅，食到入邊隻蝦係新鮮，仲要大大隻，質素遠遠拋離其他貴價嘅雲吞麵舖嘅雲吞👍🏻。至於個面嘅質素就只屬一般，冇乜特別。牛腩麵個腩汁出色，係成碗麵嘅靈魂，牛腩都好味，唔韌，不過就冇乜牛筋。芥蘭正常發揮。不過啲麵嘅份量都係偏細，如果lunch淨係食一碗真係未必夠飽，要之後再搵吓其他小食填補空虛。…Read More

深水埗而家有好多文青打卡Cafe，今日就試吓呢間先。佢哋應該係同 Y3 crossover ，成間Cafe都係以Y3 做主題，樓上就再特別啲，有一個camping ⛺️打卡位，整得幾靚嘅。不過地方唔算大，樓上可能因為擺咗個⛺️，所以地方比較窄，只係得兩張細枱。試咗佢哋嘅「開心果牛油果奶昔」同埋「白土玫瑰梳打」，ok正常發揮，冇乜特別。另外叫咗一個「焦糖香蕉雜果樹頭麵包配伯爵茶意式雪糕」share。至於個服務就比較cool嗰啲，欠缺啲溫度。…Read More

呢間餐廳真係開咗好多年，經過疫情都屹立不倒，都戥佢開心，好耐冇嚟今日再食返，感覺普通咗，唔似以前每一次嚟都好有滿足感，不過都唔係差嘅。lunch set 我哋叫咗「鐵板黑椒野菜牛舌飯」同埋「銀雪魚西京燒」。另外每人加$50要咗三串串燒（記得以前唔使加錢），串燒叫咗牛舌、豆腐、鹽燒雞翼、日本小甜薯、澳洲牛肋串，同埋汁燒帶子。鹽燒雞翼仲係以前咁好味👍🏻，但係牛舌就普通咗好多，其他串燒就正常發揮。佢哋仲會包一杯嘢飲，我哋兩個都叫咗「巨峰梳打」。…Read More

見呢間餐廳呢排人氣咁高，一於嚟試吓。我哋都係主攻海鮮，選擇都算多，例如有蟹、大頭蝦、花螺、蜆、鮑魚、花蚌。除咗選擇多，海鮮真係非常新鮮，啲大頭蝦仲扎扎跳，仲要隻隻都有蝦膏，啲蜆都脹卜卜，連啲花螺每一粒食落去都好鮮甜，真係食海鮮都已經可以回本。另外都試咗一啲熟食，例如有乳鴿、銀鱈魚、蠔等。牛肉都食咗少少，正常發揮，一定唔及海鮮吸引。甜品都有Häagen-Dazs雪糕任食，雪條，我哋仲食咗糍粑同埋炸榴槤。服務都算係咁㗎啦，咁多人食，食咁多海鮮，有好多殼要抌，服務員都不停幫我哋清垃圾。…Read More

嚟到葵廣食嘢，一定要買杯凍飲，見到呢一間話自己「鴨屎香檸檬茶$20杯！累計銷量突破200,000杯！」，一於就試吓。$20一杯真係好抵，質素都十分滿意，夠大杯，茶膽夠濃，鴨屎香味都好吸引，絕對可以話係一杯性價比十分之高嘅檸檬茶👍🏻👍🏻。但真係要講一講佢嘅服務，望落去舖頭入邊有三位店員，都係後生女嚟嘅，我哋落order，佢哋都係用一個木無表情，再加mono tone款待我哋，雖然我哋唔係買好多錢嘅嘢食，明白唔可以要求好熱情嘅服務，但佢哋係特別cool，相對喺其他葵廣嘅舖頭買嘢食，其他人就有禮貌好多。由於葵廣好多人，我哋唔想阻到其他客人，就係舖頭對面等，其實都係好近，過咗一陣發現咗原來兩杯嘢飲已經準備好，擺咗喺櫃檯度，而三個服務員就自己喺度玩手機，其實我哋企得咁近，佢真係可以同我哋講聲，話嘢飲已經ready，唔可以話佢哋有錯，只可以話佢哋嘅服務冇溫度。…Read More

呢度主攻「香蕉煎餅」，用心做好一樣食品。至於個醬真係有好多選擇，例如花生醬、阿華田、朱古力、煉奶、法式焦糖，而我哋就就揀咗榛子朱古力。佢即場整，等咗一陣，不過唔使10分鐘，香噴噴、熱辣辣嘅煎餅就準備好啦，個餅整得好脆，每一啖食都要小心啲，因為真係熱辣辣嘅，溶咗嘅榛子朱古力醬滿滿鋪喺個煎餅上面，再加咗少少煉奶，真係好好味，大滿足。份量都真係唔細，數吓都分咗成16件，一個人好難食得晒，起碼都要兩個人嚟。…Read More

其實呢度都有好多嘢食嘅選擇，有啲眼花撩亂，最後決定咗食佢哋嘅「和牛漢堡串」、「千層和牛」同埋「經典和牛」。和牛漢堡好好味，每一啖咬落去都好刺激到味蕾， 除咗和牛，佢連個麵包，同埋青瓜生菜都好新鮮，十分享受😋。佢哋做緊優惠，買五送一，所以我哋另外再叫咗四串和牛串燒。「經典」對比「千層」，我哋就鍾意千層多啲，一片片嘅口感食落去好似再入味啲。要讚吓佢哋個燒汁真係煮得好好👍🏻。另外想讚吓佢哋嘅服務，個個服務員都好有禮貌，好有笑容，好有誠意，令到顧客都食得開心啲。…Read More

小店形式，冇華麗嘅裝修，但係食物質素方面，絕對會令到你滿意。今次試咗佢哋嘅lunch set menu，包括前菜，可以揀湯（個餐包🍞仲熱辣辣）或者有機雞胸薯仔沙律。主菜都有好多款選擇，我哋就揀咗「香煎多利魚柳配刁草忌廉汁」同埋「燒法國頂級珍珠野雞胸配黑松露醬」。服務員一早已經講明個雞係雞胸肉，問我介唔介意，結果食落去一啲都唔嚡，份量都唔細，仲配有薯菜添。個餐仲配有免費嘢飲，我哋都叫咗hot americano ☕️ ，味道正常發揮。店舖細細，會坐得迫狹少少。服務都稱心，整體客戶體驗幾好。…Read More

喺鰂魚涌行完山，近近地就去太古坊食lunch，好耐冇嚟，發現原來開咗好多新餐廳，揀咗呢一間，可以坐outdoor，好舒服。餐廳地方真係唔大，首先要自己去落咗order同埋俾埋錢先，跟住就搵個位坐，有人會拎嘢食俾你。行完山唔食咁Heavy，試咗佢哋嘅Toast，揀咗我最鍾意嘅avocado 🥑，再配一杯Hot americano ☕️ 。個toast 一啲都唔係輕食，好大份，佢整得好好味，除咗有滿瀉嘅牛油果，食落去每一啖都仲有好香嘅牛油味，不過今次個麵包就韌咗少少，但可以接受。至於杯咖啡，正常發揮，到位。…Read More