vista0225's Profile

住元朗嘅朋友真係好有口福！今次搵到金輝徑呢間日式小店，門面唔算大，但食物質素同份量真係有驚喜。兩個人叫到成枱都係，埋單七百蚊有找，飽到捧住個肚走，真心推介！🍣 限定廚師發辦12件 ($198) 呢個價錢有12件壽司真係無得輸！唔係整啲普通三文魚俾你就算，有齊深海魚、帶子、拖羅蓉等等。師傅發辦最正係唔使諗，件件都新鮮，飯嘅握力啱啱好，一口一件超滿足。🍲 肥牛雜菜鍋 ($128) ＋ 日式烏冬 ($25) 天氣轉涼叫個鍋最正！佢呢個鍋唔止有肥牛，重點係有埋大蜆（睇圖都知足料），令到個湯底鮮甜好多。牛肉淥一淥就食得，配埋吸曬湯嘅烏冬，暖笠笠好Comfort food。🐟 左口魚裙邊壽司 ($56/2件) 呢個係我嘅All time favorite！火炙過之後啲魚油逼曬出嚟，入口即溶，加上燒過嗰種焦香味，真係忍唔住想叫多兩件！🤤🦐 什錦刺身丼 ($198) 如果你係刺身控，呢個丼飯一定要試。兩隻大蝦勁吸睛，極級鮮甜！仲有帶子同厚切魚生，每一啖都係鮮味，完全無腥味，個飯底仲要有素，撈埋食一流。👉 總結： 雖然舖頭唔大，但勝在有人情味，食物大件夾抵食。無論係同朋友簡單食餐飯，定係兩公婆收工撐枱腳都好適合。唔使Book好貴嘅Omakase都食到好嘢！…Read More

🌿天水圍終於有間值得坐低嘆Brunch嘅Cafe！其實一直以為Wetland Seasons Bay啲商場餐廳應該都好普通，點知「Feel Free To Café」比我預期高質好多！本身都係陪朋友行過順便食，點知個英式早餐賣相好靚之外，炒蛋竟然好滑～三文魚夠新鮮、沙律都清爽，份量又唔小。蜆肉意粉我都幾驚喜，唔會太油，食到最後都仲想食多啖。最推介係個蜜糖雞翼，外脆內嫩真心唔油膩，啱晒我呢啲鍾意食炸物又怕肥嘅人🫣百香果梳打酸酸甜甜好解膩，配雞翼一流！最後仲飲咗壺茉莉花茶，環境真係舒服，玻璃壺上茶儀式感都做足✨…Read More

今次嘅泰菜餐廳係元朗人氣之選「公車泰國餐廳」！最吸睛係佢哋推出嘅$338二人套餐，選擇多元又飽肚～🥢我哋點咗： ✔️ 二人套餐 $338（包兩杯青檸冰＋白飯）青木瓜沙律：酸甜醒胃，開胃一流泰式炒蜆：有鑊氣，香辣惹味泰式豬頸肉：燒得香口，油脂分布啱啱好冬蔭功海鮮湯：湯底夠酸辣，蝦鮮足料！🔥 另加$1升級多半隻海南雞，肉質嫩滑，配上香米飯簡直無得輸！🍨 最後追加芒果糯米飯作結，甜糯清香～超滿足！性價比一流…Read More

呢間隱身喺長沙灣元州街嘅泰國小店真係抵食又有驚喜～全枱叫到滿都唔洗 $450，重點係樣樣都好食！🥢 我哋叫咗：✔️ 泰式青檸蒸魷魚（$179）— 魷魚新鮮彈牙，青檸湯底酸辣過癮，好開胃！✔️ 泰式炒粉絲（$78）— 炒得乾身唔油，蝦仁夠大隻，食完想Encore✔️ 燒豬頸肉飯（$78）— 太陽蛋加埋燒得香口嘅豬頸肉，一啖飯一啖肉好爽～✔️ Pandan椰汁杯糕（$16/2個）— 表層滑滑，入面香蘭味香濃，好驚喜！🥤 飲品方面我叫咗粉紅梳打同龍眼冰，各有特色～📍 Aim Aroi Thaifoods（長沙灣）💰 二人消費 $421🌟 必試青檸蒸魷魚＋Pandan甜品～抵食又有Feel！…Read More

元朗街坊必食！「好到底」果然有底氣，出品實而不華～手工伊麵煙韌彈牙，蝦子撈麵好夠香，拌勻後鹹香撲鼻，食完仲想Encore！ 除咗堂食佢啲面仲有得一盒盒禮品裝咁樣買🍜雲吞麵：雲吞飽滿大粒，湯底清甜唔油膩🍝蝦子撈麵：乾身得嚟好掛汁，層次豐富🥩 牛筋牛腩：超入味！牛筋煮得夠淋，牛腩夠厚身🐟 炸鯪魚球：超香脆，唔油膩，有家鄉味， 鯪魚球超級實淨 同出面輕飄飄嗰啲唔同🥤 凍紅棗豆漿／凍檸水：配撈麵一流！ 紅棗豆漿個紅棗未好濃鬱 大家一定要試！！！…Read More

今次嚟元朗食呢間「Zoe韓式便當」，真係冇失望！主食揀咗： 🍜 忌廉雞肉烏冬：超creamy，烏冬夠彈牙，配料足料，好似食緊Fusion Pasta咁～ 🌶 辣豬肉炒年糕：甜辣啱啱好，年糕煙韌入味，豬肉份量足！🥢 小食方面：✔️ 明太子蛋捲：滑到不得了，明太子味香濃，有驚喜✔️ 辣炒魷魚：又辣又惹味，仲有冬菇，好足料！🥤 飲品方面點咗2款：手打檸檬茶 + 黑糖珍珠奶茶，解辣一流～📍 Zoe韓式便當（元朗嘉城廣場G20-G21）💰 4款食物＋2杯飲品🌟 私心推薦蛋卷＋炒年糕，韓迷必試！…Read More

【天水圍｜幸運海南雞｜甜品控同海南雞粉絲都唔可以錯過🍗🍨】最近天水圍真係愈嚟愈多高質餐廳，呢間「幸運海南雞」就真係超級驚喜！主打星馬菜式加埋靚甜品，無論鹹食定甜食都表現出色～🍽 今次我哋兩個人叫咗： ✔️ 幸運海南雞（肉嫩多汁，雞皮滑滑～） ✔️ 麻辣手撕香雞（夠香夠辣，口感豐富） ✔️ 蝦醬炒飯（炒得乾身夠鑊氣！） ✔️ 幸運碳香豬頸肉（微焦香脆，超正！） ✔️ 參巴火辣脆雞（外脆內嫩，辣味過癮） ✔️ D24榴槤麻糬（榴槤控必試，入口爆漿！） ✔️ 芒果雪山（芒果超甜，配珍珠超滿足）🍹 飲品方面都有得升級凍檸蜜／冷泡茶，杯杯都係金色不鏽鋼杯，打卡感滿分！整體感覺好似喺香港食緊新加坡街頭菜，CP值高、選擇多，坐得又舒服，店員態度都好親切🥰💰 兩人總價：$368，飽到行唔郁！ 🌟 芒果雪山＋榴槤麻糬＋海南雞必試三寶！…Read More

呢間位於元朗嘅「多多雞大排檔」真係好有街坊風味！主打炭燒燒雞，食落皮脆肉嫩，仲有淡淡炭香味，唔洗點醬都好入味，係成晚嘅焦點✨！🍗 我哋叫咗： ✔️ 炭燒燒雞（推介！） ✔️ 豬潤啫啫煲（超惹味，熱辣辣送飯一流） ✔️ 豉油皇炒麵（夠鑊氣、配料足） ✔️ 椒絲腐乳 炒通菜（清爽唔油膩）燒雞首先會成隻拎上枱， 可以打曬卡之後畀師傅剪或者原隻食個價錢四百幾蚊，抵食又夠飽，仲有得慢慢坐住傾偈～成個感覺好似返咗去童年街坊大牌檔嗰種熱鬧感覺🧡…Read More

好耐冇試過咁有驚喜嘅韓式麵店～今次喺元朗發現呢間「自家製韓國刀削麵」，真係每一口都暖入心！我哋叫咗人氣嘅雞髀刀削麵同花蛤刀削麵，仲加咗一份手工蒸餃。先講個花蛤湯，真係太正！湯底飲得出用足料熬成，唔會有腥味，反而好清甜鮮香，蜆肉肥美，飲晒都唔夠喉～而且佢哋嘅刀削麵有咬口，掛湯力一流！雞髀嗰碗都唔輸蝕，足料到整隻雞脾直頭落晒碗，湯頭濃厚，雞肉嫩滑，最啱最近轉天氣想滋補一下。蒸餃亦都好值得一試，餡料飽滿，皮薄唔黐牙，幾款口味都有層次。配埋餐廳免費提供嘅韓式泡菜，更加有feel～…Read More

元朗嘅朋友又有新丼飯店可以Bookmark啦～今次去咗米樂丼，主打各式燒肉丼飯，定價親民，份量又夠飽。我哋叫咗溫泉蛋大滿足丼+牛五花香蔥豚肉丼，可以一次過食到兩款主菜，超抵食～牛五花炙香濃郁，肉質唔鞋；豚肉則有微微甜味，配上滑嘟嘟溫泉蛋，撈飯一流。溏心蛋一拌開就流晒出嚟，黏住啲醬汁，成碗飯都食到最後一啖都唔會膩 🤤另外加咗吉列蝦做配菜，外脆內嫩，好香口，唔會炸到太乾。餐廳環境乾淨企理，坐得舒服。個人覺得唔一定要追求打卡靚景，實而不華、專注出品都好值得推薦！…Read More

今次嚟到銅鑼灣瀛豐食午餐，意外地有驚喜！💥 放題套餐只係$200左右，性價比真心唔錯～ 除咗放題仲有唔試午市定食都好抵我哋叫咗午市定食＋放題升級版，加咗$148就可以任食奄仔蟹🦀！蟹膏好足，味道鮮甜～鍾意食蟹嘅朋友必加！除咗奄仔蟹，仲有原隻鮑魚、海螺、北寄貝、松葉蟹腳、魚生、魚子醬等一大堆海鮮，啲花都擺得好靚，好打卡📸呢度嘅熱食都係冇得輸，尤其嗰個美極大蝦 同埋黃金炸薯條 ，呢樣兩樣嘢真係可以無限encore😍定食方面有唔同主菜可以揀，配湯同小食，唔想只食放題都可以試吓佢哋嘅定食，份量唔欺場👍🏻 午市時間唔多人，坐得舒服，啱晒想hea住嘆個靚lunch嘅你～…Read More

主打日式家庭風定食，平日下午人流唔多，環境舒服靜靜哋，非常適合想慢慢嘆一餐嘅朋友。今次我哋兩個人揀咗三樣唔同嘅野食：🍱燒三文魚腩定食：三文魚腩燒得剛剛好，魚油脂豐富，皮脆肉嫩，調味偏甜口但唔會膩，配埋椰菜絲同白飯，完全唔單調。🍛咖喱吉列豬扒定食：咖喱汁味道濃郁偏甜，豬扒炸得夠脆唔過火，肉質唔鞋，飯上仲有撒上香鬆，好加分！🍡燒甜薯串：外皮燒得微焦，甜薯內裡綿密香甜，有啲似日本街邊小食feel，鍾意食蕃薯一定會鍾意。每份定食都附送小食＋湯，整體份量啱啱好，食完唔會太飽但滿足。唯一小小建議係可以加返一杯飲品就完美～…Read More

成日都話雞煲要夠鑊氣先正，今次真係俾我喺屯門搵到一間抵食又夠風味嘅雞煲店 — 住家飯 Home Food！即炒雞煲香噴噴，一坐低就聞到濃濃嘅麻辣香，好吸引🤤雞件夠滑、入晒味，重點係啲蔥蒜超香，帶少少微辣，超開胃！啤酒無限任飲（🍺飲得開心啲），仲可以再加配料打邊爐，變成火鍋模式，勁有 Feel～除咗雞煲，其他配料都新鮮，仲有爽口金菇、煙韌烏冬、滑滑豆腐，每樣都吸得湯底精華，忍唔住一碗接一碗！環境係大排檔風格，但係整潔乾淨，坐得舒服，員工都好親切，見我影相拍片仲主動介紹招牌菜，整體體驗好滿意😍…Read More

🥢最近同朋友去咗山見台式火鍋（葵芳新都會廣場），食咗佢哋Lv4特選澳洲和牛海鮮放題，120分鐘食到飽真係食到好滿足！🍲一坐低就見到枱面超整齊，海鮮拼盤即刻上枱，有鮑魚、青口、蝦同扇貝，全部都夠新鮮，落湯即食啖啖肉！和牛方面真係唔得了，油花分布靚，輕輕一燙就入口即化，鍾意食牛嘅朋友一定要試！🫕湯底我揀咗麻辣同藥膳，辣得嚟好香，配和牛一流。配菜款式都多，魚腐、丸類、蔬菜樣樣齊。職員上菜超快，服務態度一流，仲有自助區任你拎飲品、醬料，仲有小甜品收尾，飽到上心口！…Read More

今次去咗安平燒肉食吓佢哋嘅全新日本A4和牛套餐，餐廳位於荃灣大鴻輝中心，裝修寬敞舒服，啱晒打卡同聚餐。套餐內容真係幾豐富，最有驚喜係檸檬牛舌，唔止上枱有沙漏，仲有店員幫手切片教你點樣燒，服務好貼心。A4和牛拼盤就包括咗肩胛位同三角牛，油花靚，肉質細緻，輕輕燒香已經好夠味。仲試咗鰻魚、巨蝦、生蠔同帆立貝等海鮮，全部都新鮮彈牙，特別鍾意黑蒜油燒巨蝦，香氣十足。迎客清雞湯都有驚喜，用蠟燭保溫上枱，味道清甜夠晒暖胃。整體嚟講食材質素高，上菜快，員工有禮又主動。今次真係食得滿意，下次會再帶朋友一齊嚟慢慢燒返餐！…Read More