ChubbyBowtie's Profile

呢日嚟到屯門發掘到呢間街坊小店，主打台式食物，佢嘅水果茶真係超推介🫶🏻蟹肉明太子炒新竹米粉新竹米粉非常幼細，每條都俾明太子同埋蛋包裹住，配埋絲絲蟹肉，入口非常鮮味🦀 同埋幾鍾意佢炒得夠乾身。蔥爆牛肉台式熱炒係呢期新推出嘅Menu，小菜可以配白飯，或者加錢配台式手工麵、新竹米粉或者寬粉。我哋就嗌咗呢個手工麵、湯底用牛骨湯熬製，味道唔會太鹹，配埋爽彈嘅手工麵，都幾夾🍜黑糖蘋果豬軟骨豬軟骨份量都唔少㗎，啱晒同朋友share。用上黑醋同埋蘋果烹煮，所以入口唔會太油膩🍎 豬軟骨夠晒入味同埋腍。海苔肉鬆起司蛋餅見到基本上每枱都會嗌一份蛋餅，蛋餅整得非常飽滿，入面係爆餡㗎，見到佢嘅配料組合已經想像到佢嘅味道有幾夾🥰 木玥黃金水果茶呢度嘅水果茶非常巨型，我哋揀咗鳳梨口味，入面嘅水果主要有西柚、鳳梨、蘋果同埋青檸🍋‍🟩 入口清甜，即使冇嗌少甜，入口都唔會太誇張。黑糖珍珠拿鐵珍珠鮮奶或者奶茶就飲得多，呢度仲有latte可以揀，製作出嚟有點fusion嘅感覺🤣呢間台式小店有唔少街坊支持，唔使飛台灣都食到台式風味啦🇹🇼…Read More

呢日嚟到尖沙咀呢間餐廳食鐵板燒，餐廳有落地玻璃可以望到維港景色，真係非常寫意。仲有得食限時推廣嘅「瀧宴宮崎和牛龍蝦套餐」，一份有齊前菜、刺身、茶碗蒸、湯品、煮物同埋鐵板燒同埋甜品，食完真係大滿足😊前菜有3道前菜作為今餐嘅序幕，有沖繩水雲，海膽豆腐配鱈場蟹肉同埋合桃銀魚仔🥰調咗味嘅魚仔入口都幾脆身。刺身有3款時令刺身，赤海蝦，鰤魚同埋大拖羅，每款都勁厚切，個人特別鍾意佢嘅大拖羅，油花勁靚🫶🏻新鮮象拔蚌刺身呢個我哋用咗優惠價加配，係原條嘅新鮮象拔蚌刺身，象拔蚌入口鮮甜，而且質感幾爽口，有兩種調味，一款用上柚子，另一款就係食象拔蚌嘅原汁原味🤪 兩款都各有特色。瀧宴特色散壽司呢個迷你刺身飯份量啱啱好，刺身多過啲飯，入口幾滿足😹 用上雜錦刺身，夠晒多元化。海鮮茶碗蒸茶碗蒸係勁嫩滑，而且味道唔會太鹹。面頭有勁多蟹肉，都幾正🥚季節吸物今日嘅湯品係大蜆清湯，入口已經飲到蜆肉嘅清甜，蜆肉嘅size都真係好大隻🐚汁煮愛媛縣鰤魚鮫勁推介呢一個嘅煮物，汁煮過後鰤魚鮫嘅肉質非常軟身，一啲都唔腥，依然keep到鰤魚嘅油香🐟 野生生猛龍蝦龍蝦真係勁生猛，每人有半隻，望住師傅烹調真係好賞心悅目🦞 龍蝦鮮煎香再起肉，加埋龍蝦膏嘅醬汁調味，都幾鮮甜。南非鮑魚師傅將鮑魚切片再炒香，厚薄啱啱好，每一片都食到鮑魚嘅爽彈。香煎鵝肝鵝肝幾厚身，有入口即溶嘅感覺，配埋多士同埋黑醋一齊食，唔會太油膩😍 側邊仲有蜜柑可以解膩🍊日本宮崎和牛有兩款主菜可以選擇，身為牛魔王嘅我當然唔可以錯過呢個宮崎和牛啦🐮 見到和牛嘅雪花紋已經好開心😁 烹調過之後，keep住入面有肉汁。煙肉香蒜炒飯呢度嘅鐵板炒飯比較特別，除咗每一類飯都有蛋汁包裹住之外，仲額外多咗隻窿邊太陽蛋🍳 令個飯更加正。炒雜菜師傅推介食呢個炒雜菜一定要配埋佢嘅蒜蓉醬，更加惹味可口🥬紅豆抹茶布丁最後結尾有一人一個甜品，抹茶布丁好嫩滑，而且茶味都幾濃郁🍵 加上有啲蜜餞過嘅紅豆，好有日式風情🫘呢個套餐而家有限時特價，性價比真係幾高，可以話係應有盡有，嚟緊有開心事要慶祝可以嚟食餐好嘅😉…Read More

呢日應朋友嘅邀請嚟到沙田馬場嘅「天馬驛」，餐廳啱啱新開業，仲要歡迎所有公眾人士同遊客入場，果然係週末休閒嘅好去處😎 呢度集齊美食、嶄新科技、數碼娛樂同埋打卡於一身，真係可以喺度寫意咁過一個下午✌🏻1️⃣雞白湯拉麵係期間限定嘅優惠菜式，每個星期都會有唔同推廣菜式！今次呢個雞白湯底幾濃郁🍜 麵條爽彈有咬口，面頭仲有幾軟腍嘅雞絲🐥2️⃣牛肉漢堡伴薯條Burger非常厚身，入面嘅牛肉漢堡幾有肉汁🍔 側邊配埋扭扭薯條，夠晒熱辣辣🍟3️⃣香辣芝士牛肉炸熱狗係個幾豐富嘅小食，面頭有大量嘅芝士牛肉碎，入面就係一個香脆嘅炸熱狗🌭4️⃣甜品♦️黑芝麻戚風蛋糕卷呢個係必點之選，鬆軟嘅戚風蛋糕包裹住黑芝麻忌廉，真係啖啖滿足🥰♦️青提子雲呢嗱忌廉蛋糕造型幾靚，打卡必備🍰 蛋糕嘅味道唔會好甜，青提子清清甜甜🍇 5️⃣飲品入場費已經包咗一張飲品換領券，可以喺餐廳中央位置嘅「飲勝」度換領，憑券可換領酒精飲品或者非酒精飲品🍸♦️大吉嶺氣泡茶♦️奧之松純米大吟釀氣泡酒我哋喺呢度參加咗不同嘅娛樂體驗，「傳承解馬」係一個密室解碼遊戲，組隊八個人一齊玩，真係幾好嘅體驗，有興趣嘅朋友記住要提前預約定呀😚 「馬上研究所」，真係好適合我哋呢啲賽馬新手啊，仲可以用場内嘅「互動式AI揀馬站」用AI分析每場賽事，令我哋更加精準咁樣揀到心水馬匹🐎…Read More

呢晚嚟咗尖沙咀食呢間酒店嘅自助晚餐，而家餐廳做緊星馬泰海鮮主題自助餐，都有幾多種食物選擇😙凍海鮮回本之選一定係佢嘅凍海鮮，有爆膏麵包蟹、鱈場蟹腳、青口、蜆同埋大蝦🦐 encore咗好多次麵包蟹🦀 另外仲有即開嘅新鮮生蠔，配埋檸檬汁，更加鮮味🍋刺身刺身非常厚切，有三文魚、吞拿魚、希靈魚、八爪魚同埋蟹棒，三文魚都幾肥美🍣爐端燒今日嘅爐端燒種類都有6款，有燒羊架、照燒汁鯖魚、蒜香燒牛肋條、杏鮑菇、翠玉瓜同埋燒汁燒茄子🍆 見到師傅密密手係鐵板上面燒，都有好大浸香味飄出。熟食因為係星馬泰主題，所以都有好多新加坡同埋泰國嘅特色菜，有火山排骨、金沙三文魚頭腩、咖喱燒鴨、芝士焗蠔、仲有個泰式砂鍋翅，連酥皮湯都係冬陰功湯嚟㗎😛甜品差唔多8點嘅時候師傅推咗個火焰雪山出嚟，可以望住師傅即席淋上烈酒，再排隊分享火焰雪山🏔️飲品除咗外面嘅無糖茶同埋汽水嘅飲品之外，餐廳仲做緊promotion紅酒、白酒同埋啤酒任飲🍷而家經網上訂座，三位同行只需$1111，平均$370就食到，真係好抵食啊😄…Read More

✨之前已經嚟過呢一間大閘蟹專門店食放題😂 嚟緊就係蟹季，見到佢推出超平嘅蟹粉系列，急不及待要過嚟試吓佢🫶🏻 要食平靚正嘅蟹粉菜式，仲使乜去深圳啊？🙂‍↔️1️⃣瀑布蟹粉黃金撈飯餐廳係大閘蟹專門店，蟹粉嘅質素果然有返咁上下🫨 呢個撈飯有大量嘅蟹粉，蟹粉倒落飯上面嘅畫面勁澎湃💥 入面除咗食到有絲絲蟹肉之外，仲有蟹膏，蟹嘅鮮味非常突出，但係又唔會腥。想再鮮味啲，可以撈埋蟹醋同埋蔥油一齊食。仲可以用優惠價加配蟹粉小食，真係超筍推介🥰2️⃣蟹粉鵝肝煎蛋飯呢個飯嘅擺盤非常精緻，除咗有今期嘅特色蟹粉之外，仲有一隻燶邊太陽蛋同埋兩件厚厚嘅鵝肝🤩 鵝肝入口即溶，勁Creamy，油香十足，撈飯一流👍🏻 有鵝肝食都係呢個價錢咋，超抵。3️⃣爆汁蟹粉小籠包一份四件嘅蟹粉小籠包，上碟嘅時候超級熱辣辣，咬開外皮真係有好多湯汁喺入面啊😙4️⃣蟹粉大灌湯包 我哋一人嗌咗一個，店員仲提供飲管俾我哋先飲裏面嘅湯汁再食個包🤪 係個幾唔錯嘅體驗，入面都食到有蟹膏㗎🦀5️⃣蟹黃佛跳牆 佛跳牆入面有好多滋補嘅配料，例如鮑魚、魚翅、海參，連個湯都係用咗啲好濃郁嘅雞湯嚟整成🐥 入口味道唔會過鹹，加埋蟹黃吊味，令到整個砂鍋嘅鮮味更上一層樓。6️⃣蟹粉香煎墨魚餅 墨魚餅幾彈牙，師傅將佢哋先煎香，再淋上餐廳特製嘅蟹粉🦑7️⃣黑松露薯條呢個係我最愛嘅粗薯條，面頭仲灑上黑松露調味粉🍟8️⃣飲品餐廳嘅飲品都好多元化，有韓國飲品、啤酒或汽水🥤 呢度嘅蟹粉撈飯真係好抵食，午餐或者晚餐過嚟都會食得好滿足 。餐廳每日營業到凌晨兩點，宵夜時間嚟食啲蟹粉小食亦都得啊😎 …Read More

呢晚喺荃灣收工，見時間都比較夜，又想同同事飲返杯，傾訴吓最近不吐不快嘅事，於是就搵咗呢間抵食嘅串燒店😎$10精選串燒呢度嘅串燒最平十蚊就有一串，我哋都叫咗好多款，因為真係好抵食🤑 一定要嗌嚟食呀。♦️燒雞肉串♦️燒雞軟骨♦️燒鵪鶉蛋♦️牛油粟米♦️燒芝士腸♦️焦糖菠蘿牛豚雞類♦️汁燒牛舌尖牛舌尖非常厚切，口感軟腍有牛味 。♦️明太子芝士雞肉串呢個係邪惡之選，加埋上面嘅明太子醬同芝士，真係好好食😋♦️燒雞胸軟骨軟骨嘅部分好爽脆，唔會太乾身 。♦️燒雞皮呢間嘅雞皮係燒到好似薯片咁脆嘅，所以口感唔油膩 。♦️鹽燒豬頸肉豬頸肉嘅油花比較多，所以燒得好香口🐷牛油焗雜菌份量都幾多，啱晒同朋友share，我哋仲另外加咗蒜蓉，更惹味🍄‍🟫蟹肉脆皮沙律有個炸脆咗嘅春卷皮包裹住蟹肉沙律，入口幾清新🥗燒燒賣可以揀有埋蜜糖🍯 不過我比較喜歡乾身嘅質感，魚肉燒賣都幾彈牙。鹽燒倉魚原條燒魚，外皮香脆，入面嘅魚肉結實，唔鬆散🐟 配埋泰式汁，更加清新。佐酒小食飲返杯嘅時候，最好就係有啲小食配搭住嚟飲 。呢度都有唔少款式嘅炸物同小食提供 。♦️炸魷魚鬚份量十足，唔會好油膩。♦️芝士年糕外層煙韌，入面有軟心芝士🧀♦️燒鴨舌個人最愛係呢個鴨舌，回味無窮👅焦糖芝士蛋糕入口綿密，口感細膩🍰飲品餐廳有酒精飲品同無酒精飲品選擇，部分飲品只需10蚊，都幾抵飲😮♦️烏龍燒酎♦️荔枝燒酎♦️凍檸茶♦️凍奶茶呢間餐廳開到凌晨十二點，好啱過嚟食宵夜，荃灣嘅街坊要嚟試吓啦😙…Read More

呢日嚟咗新蒲崗搵間cafe 食個tea，呢間餐廳都有好多特色嘅fusion菜式㗎😎香煎三文魚凱撒沙律呢個係沙律都幾特別，因為煮食方面佢係煎三文魚，並唔係常見嘅煙三文魚🐟 三文魚都煎幾香口。意式番茄肉丸芝士酥皮薄餅勁推介呢個酥皮薄餅，外層真係好酥脆🍕入面包裹住蕃茄肉丸，仲有大量芝士，輕鬆做到拉絲效果🧀 慢煮手撕豬腩窩夫三文治手撕豬腩肉味道帶點辛辣，份量都幾多㗎🥪 要用兩件窩夫三文治夾住食大滿足。香芋椰香煙鴨胸薄撐窩夫呢個係餐廳嘅新出品，從來未食過煙鴨胸配芋蓉嘅組合，底下係薄撐整成嘅窩夫，入面有香蔥煙肉嘅配料，加埋有薄罉較濕潤嘅質感😮 甜品♦️叄重朱古力麻糬窩夫配朱古力雪糕見到門口嘅Menu已經覺得好吸引，朱古力一定會愛上🍫 麻糬窩夫煙煙韌韌，質感幾特別🧇♦️焦糖香蕉法式千層酥配雲呢拿雪糕千層酥有5件，預先製成一口大小，非常方便食用😗 配埋脆脆焦糖同埋香蕉都幾滿足。♦️髒髒提拉米蘇面頭有大量吉士醬，配埋lady finger喺底，比較特別嘅係lady finger冇用espresso 浸濕晒，要點吉士醬令到個甜品更濕潤☕️飲品♦️朱古力鮮奶咖啡朱古力同埋咖啡嘅平衡做得幾好😌♦️凍京都宇治抹茶鮮奶係店員推介嘅飲品，抹茶味道唔會太苦🍵餐廳嘅裝修有少少懷舊風，我就最鍾意食酥皮pizza同甜品，好值得嚟支持呢間小店啊🤨…Read More

呢晚約咗幾個朋友嚟食泰菜，人多最好就係叫套餐啦，我哋一行六人叫咗個四人餐同額外嘅燒魷魚同燒牛肉，真係夠晒豐富啊😙泰式明爐酸辣魚 叫四人餐嘅話，$1就可以加配呢個酸辣魚 。有別於其他泰國餐廳，用上肉質較實淨嘅鱸魚🐟 入口唔會太肥膩，配上泰式嘅酸辣嘅醬汁非常開胃🥰 椰子雞湯椰子雞湯椰奶嘅味道好重，入面嘅雞肉都幾嫩滑😎 去埋香茅、草菇、番茄等嘅配料。除咗椰子雞湯，仲可以揀冬陰功湯㗎。泰式青木瓜沙律呢個份量相當多，青木瓜絲非常爽脆，另外調味偏辣，都係個幾開胃嘅前菜🥗黃咖喱雞咖喱項目有相當多嘅選擇，可以揀黃咖喱或者青咖喱，仲可以喺豬、牛同埋雞當中揀一款🐥 我哋揀咗黃咖喱雞，黃咖喱嘅味道唔會太辣，雞肉係啖啖肉嘅雞髀肉🍗泰式燒豬頸肉呢個燒得好乾身，入口唔會肥膩，點埋側邊嘅醬汁就更美味🐷小食拼盤造型精緻，一份有齊炸雞翼、泰式手打炸蝦餅、乾蔥蒜蓉豬肉條同埋炸雲吞福袋😙 幾鍾意佢嘅炸蝦餅同埋蒜蓉豬肉條，相當有泰國特色。泰式燒牛肉呢個係餐廳嘅招牌菜之一，勁推介多人分享必叫😎 燒牛肉呈半生熟，勁juicy又有濃郁嘅牛肉味，牛魔王最愛😻燒魷魚原條嘅燒魷魚幾爽彈🦑 特別中意佢幾厚身，食落幾有質感，仲有點少少醬汁吊翻魷魚嘅鮮味。菠蘿炒飯份量充足，炒飯炒到粒粒分明，唔會太油膩，入面有提子乾、菠蘿粒、腰果、煙肉粒等嘅配料，配埋面頭嘅肉鬆係超正🤩芒果糯米飯糯米飯煙煙韌韌，加埋芒果同椰奶真係食泰菜必備🥭飲品套餐包括泰式飲品，例如泰式奶茶同青檸梳打，更加加錢轉特飲如沙冰同椰青，椰青勁大個，入面嘅椰水都幾甜🥥 菠蘿沙冰入口幾fresh🍍臨走仲可以參加遊戲，擲中一個6就有9折，越多6折扣就越多，擲中6個一樣嘅數字更加可以免單啊🎲…Read More

呢日喺尖沙咀同班同事搵餐廳食個late lunch，我哋嚟咗呢個台式便當嘅專門店，叫咗啲便當同台灣小食share嚟食🍱台灣鐵路大排骨滷肉便當呢個係餐廳嘅其中一款招牌菜，面頭有超大塊嘅酥脆大排骨🐷 入面仲有半肥瘦嘅滷肉，超好餸飯，真係好有台式風味。麻辣鴨血滷肉湯寬粉個人幾鍾意食鴨血，呢度嘅鴨血絕對冇令我失望，入口嫩滑，而且麻辣嘅味道同寬粉好夾，入口都幾爽彈🍜台南花枝卷滷肉便當係期間限定嘅新品，面頭有台南嘅花枝卷，中間嘅花枝餡幾彈牙。側邊同樣係有滷肉同埋滷蛋🥚小食♦️鹽酥炸大腸每一件炸大腸都非常厚身，而且外層好酥脆，入口唔會太肥膩，重點係佢完全冇內臟味，清洗得好乾淨🥰♦️小食拼盤入面有四款小食，包括九層塔雞翼、夜市鹽酥雞、鹽蒜四季豆同埋梅香脆地瓜😙 啱晒三心兩意嘅我哋。♦️芋泥肉鬆蛋餅呢個係餐廳另一款招牌菜，蛋餅入面有好綿密嘅芋泥同埋幾惹味嘅肉鬆🍳 芋泥略帶點甜味，同帶鹹味嘅肉鬆相映成趣。飲品呢度有幾款台式飲品，款款都好吸引。我哋嗌咗招牌嘅珍珠奶茶，珍珠煙煙韌韌🧋 另外仲有冷泡茶，鳳梨綠茶有淡淡嘅鳳梨後勁🍵呢間餐廳真係幾抵食，每碟嘅份量都好大，一定會夠飽，仲可以食啖啖經典嘅台灣滋味 。喺尖沙咀返工嘅朋友好值得嚟食吓😄…Read More

之前已經好想食呢一間西班牙私房菜，成間餐廳都好有神秘感，位置雖然隱蔽，但係非常近上環站㗎😙 餐廳嘅設計好似入咗防空洞穴用餐，非常有時代感😍 Chicken liver pâté第一道菜就係呢一個雞肝醬，加埋用砵酒煮嘅紫洋蔥同埋蔥花，好似牛油咁樣搽上麵包上食，味道略帶點鹹香🥪Pardon pepper呢種係西班牙嘅甜椒，加埋海鹽同埋巴馬臣芝士🧀 炸到透晒，成隻由頭到尾都食得🫑 Grilled cuttlefish with allioli espuma呢碟好似分子料理咁非常有驚喜，首先有用海鹽同埋黑椒炒過嘅墨魚粒，店員唧上好似cream嘅醬，係用蒜蓉同埋蛋黃醬調味，墨魚粒點埋呢個咁有空氣咁嘅醬真係超正🦑Garlic shrimp 呢個菜式一上碟就勁香，用上砵仔裝住彈牙嘅蝦仁，配上橄欖油，蒜香十足🦐 Roasted apricot flower chicken 呢隻杏花雞係我最期待嘅菜式，先淋上威士忌再焗，真係睇得又食得，更加有風味🥃 雞胸都係超嫩滑㗎，再食埋側邊有皮有骨嘅雞鎚雞翼，都係好Juicy🐥 Crispy chicken skin oil杏花雞嘅另一碟主菜就係呢一個飯，超級香雞油味，仲有炸香咗嘅雞皮同埋好嫩滑嘅雞肉🍗 每一粒米都俾雞油同埋餐廳秘製嘅醬汁包裹住，味道略帶甜甜地，所以唔會太油膩💛Catalonia cream 係加泰隆尼亞傳統嘅甜品，有少少似cream brûlée，但係質地比較稀，同埋味道主要有蛋香同清新嘅檸檬味🍋 仲有西班牙油條，可以點朱古力醬食🥰Sangria 我地嗌咗兩杯西班牙水果酒，餐廳用咗傳統浸制方法，足足兩日先製成，可以高興吓🍹餐廳每道菜都好有特色，招牌杏花雞真係呢餐嘅一大亮點，加上環境氛圍超特別，真係好難忘嘅一餐😙…Read More

秋風起，到咗食大閘蟹嘅季節，就連酒店下午茶都用大閘蟹做主題，推出「秋日蟹逅」下午茶，鹹點同埋甜品都各有特色🫖鹹點♦️原隻鎮江薑醋蒸大閘蟹勁開心可以食到原隻大閘蟹，一人一隻，入面都有幾多鮮甜嘅蟹膏🦀 側邊仲有手套，拆蟹嘅工具，咁就唔怕食得好狼狽啦🥰♦️大閘蟹蟹粉小籠包皮薄餡靚，入面嘅餡全部都係大閘蟹嘅蟹粉😍♦️蟹肉竹笙魚翅羹呢個幾鮮味嘅魚翅羹入面見到絲絲蟹肉。♦️蟹粉拌麵呢個面嘅質地幾爽口，因為蟹粉一齊食，真係超正🍜♦️大閘蟹蟹粉芋角個人最鍾意呢一個芋角，外層酥脆包裹住軟綿綿嘅芋泥，入面就係滿滿嘅蟹粉✌🏻 非常有特色。甜點♦️螃蟹造型朱古力外層係朱古力包裹住酥皮絲、花生醬、鹹蛋黃同煉奶🤣 螃蟹造型真係勁cute啊。♦️桂花香梨慕斯蛋糕呢個係香梨造型嘅蛋糕，外層係朱古力，入面就有桂花口味嘅mousse，同埋蜜餞過嘅梨肉🍐♦️佛手柑法式千層酥呢個法式千層酥幾酥脆，入面仲有佛手柑嘅味道，都幾fresh㗎🍊♦️陳皮曲奇中間有4件曲奇，味道好特別，用上陳皮同埋薑調味🍪♦️紅豆湯係一碗幾足料，有百合同埋蓮子等嘅配料。自助小食區除咗套餐嘅鹹點同埋甜點之外，仲有自助區，無限供應甜品 。♦️黑芝麻雞蛋仔有即叫即製嘅雞蛋仔，外脆內軟都幾正🥚♦️限定雪糕今日有六款口味，我就揀咗黑芝麻同埋花生醬味，仲有八款配料可以自己加添喺雪糕嚟食呀🍦氣泡酒呢個下午茶餐有兩杯嘅氣泡酒，如果唔想飲酒嘅朋友亦都可以揀茶或者咖啡類嘅飲品🥂呢餐望住個海景食得好愉快，食物有特色又好啱打卡，店員會主動問我哋要唔要同個tea set合照，非常服務殷勤啊😎…Read More

喺銅鑼灣搵到呢間街坊人氣店，餐廳食物份量多，大件夾抵食嘅餐廳，主打各式炒粉麵飯，幾有鑊氣㗎😋古法焦糖炒牛河呢個係餐廳呢招牌菜之一，餐牌上面特別註明用咗李錦記特選生抽 。牛河唔算太油膩，比起坊間嘅炒牛河係偏甜少少，呢種焦香令到個牛河更加有特色🐮 牛肉唔會過分醃製，面頭仲附上一隻燶邊蘭王太陽蛋，蛋汁撈埋牛河更加正😗厚切牛脷咖喱焗飯焗飯嘅主菜都有幾個種類可以選擇，我哋嗌咗厚切牛脷，每片牛脷都整得好軟腍，配埋咖喱汁真係一流👅 底下嘅飯當然係餐廳嘅拿手，炒飯底，夠晒粒粒分明。整個飯焗完出嚟，唔會太燶，面頭嘅芝士輕鬆做到拉絲效果🧀慢煮瑞士雞翼一份有五隻雞翼，每隻都非常飽滿，而且咬開入面仲有好多肉汁🐥 入口都唔會覺得太肥膩。飲品各式嘅樽裝飲品都係統一價錢，我哋嗌咗一枝津路烏龍茶同埋懷舊玻璃樽裝嘅可口可樂🥤 比起平日飲嘅可樂更加有風味。如果唔想嗌飲品嘅話餐廳仲提供自助斟水區🫖呢度嘅食物份量真係大，我估計三個人叫兩碟都會夠飽，兩碟入面必定要叫一碟炒飯或者焗飯，佢嘅炒飯真係十分出色👍🏻…Read More

呢間嚟自台灣嘅仙草甜品店最近推出咗新品，八時紅心芭樂系列 。呢日下午茶時段嚟咗食啲清涼嘅甜品降吓溫😋米麻糬紅心芭樂甘露盛盤呢個係期間限定嘅新品，用上紅心芭樂整成嘅甘露，酸酸甜甜幾開胃。另外中心仲有米麻糬，除咗煙韌嘅口感，入面仲食到有軟化咗嘅米粒，都幾特別🍚 抹茶雙重奏雪花盛盤呢個係餐廳招牌甜品之一，用上仙草絲製成嘅雪花冰❄️ 雪花冰整得好綿密，配埋頂頭嘅抹茶同埋焙茶奶蓋真係好正✌🏻 最頂頭仲有球抹茶雪糕🍦每份甜品都有一個盛盤，有芋圓、薯圓、珍珠、紫米同埋紅豆，芋圓同埋薯圓兩款都非常煙韌🥰芒椰椰絲原味蕨餅餐廳仲推出咗加配優惠，惠顧任何甜品/刨冰，加5蚊就可以換購一份八時手工蕨餅，仲有兩種口味可以選擇。我哋就試咗幾開胃嘅芒果味，仲有椰絲包裹住蕨餅🥥 底下仲有好多芒果粒粒，$5真係幾抵。仙草凍奶茶另外呢度飲品嘅選擇都幾多，我哋揀咗呢一個奶茶，入面已經有仙草凍，仲可以免費加配白珍珠，一啖可以飲到兩個口感真係唔錯🧋呢間嘅甜品幾消暑，趁而家有期間限定嘅$5蕨餅優惠，優惠去到31/10咋，得閒過嚟食返個tea就啱晒🥰…Read More

喺觀塘返工嘅友人話佢最近食咗間隱世餃子店，雖然叫隱世，但係舖面就十分高調，用鮮紅色做主題，由外到內打造紅色嘅世界❤️ 特賞六味手工餃子拉麵餐廳提供六種自家製嘅餃子，有京蔥黑椒豚肉餃、虎蝦豚肉餃、香菇豚肉餃、芝士粟米豚肉餃、白菜豚肉餃同埋韭菜豚肉餃🥟 每隻餃子都皮薄餡靚，餃子係老闆親手包嘅嚟🥰湯底我哋揀咗番茄豚骨湯，味道幾清甜，配埋爽彈嘅拉麵都幾夾🍅特賞六味手工煎餃子配湯除咗湯餃之外，我哋仲試埋呢度嘅煎餃，煎餃仲keep住入面有肉汁🤤 同樣係試晒餐廳有嘅六款餃子。個人就最鍾意虎蝦豚肉餃，真係食到彈牙嘅蝦肉㗎🦐 另外仲會配一款湯，食煎餃都唔會太dry✌🏻 呢個我哋揀咗招牌胡椒湯，見到餐廳有介紹寫話佢用咗72個鐘嚟熬製，味道真係好濃郁，而且胡椒嘅味道唔會太嗆喉，飲完好暖胃🥰甜品♦️黃皮燉桃膠酸酸甜甜幾開胃。♦️3.6牛乳燉桃膠滋補養顏之選😍♦️手工水磨合桃露合桃露非常稠杰，飲得出非常真材實料。♦️手工水磨花生露花生露味道都唔錯🥜餐廳而家仲推出限時優惠，即日至10月12號，只要追蹤餐廳嘅社交平台帳戶，就可以獲得一款一口小食。有時會係非常養生嘅甜品、紅糖糍粑、芝士年糕、雪糕泡芙等等，每日唔同㗎😗😗 快啲把握機會過嚟支持呢間小店啦…Read More

嚟緊10月有德國啤酒節，飛唔到去德國就梗係要搵返間德國餐廳，感受吓節日暢飲嘅氣氛啦🤪 呢間德國餐廳推出咗期間限定嘅慕尼黑盛宴menu，我哋就食咗佢哋嘅三款菜式 。威靈頓牛柳半價！$118就食到高質素嘅威靈頓牛柳啦🤩 上碟時已經切開咗，見到牛柳都幾粉嫩，咬落口質地實淨，亦都有好多肉汁🐮 香脆嘅酥皮包裹住蘑菇醬同埋牛柳，一啖食落口勁滿足🙈 德國啤酒節慕尼黑盛宴Platter勁豐富，啱晒飲住啤酒，同朋友share😋 最矚目嘅當然係原隻嘅德國鹹豬手啦，師傅已經幫我哋將香脆嘅豬手起骨再加切件，勁方便食啊🐷 紐倫堡蛇餅腸都係個人比較喜歡嘅德國食物，紐倫堡腸味道唔會太鹹。德式芥末籽香腸鹼水麵包棒 ，入面嘅脆皮腸配埋麵包味道唔錯，最有特色就係麵包嘅內層有一層芥末籽，更有風味🌭 另外有兩件德國傳統扭結包，麥味好香濃㗎🌾 拼盤仲有巴馬臣芝士粒、酸菜及薯仔沙律、酸瓜及橄欖🫒 2L德國生啤塔話明係德國啤酒節，梗係要嗌返啲生啤嚟慶祝啦🍻 呢個生啤塔有成2L，最特別嘅係裝啤酒嘅容器，係用碗裝㗎，有德國傳統文化特色🥣呢個份量夠晒3-4個人食，飲住啤酒大吃大喝就啱晒 。一齊投入德國啤酒節嘅狂歡氣氛啦🥳…Read More