god_azreal's Profile

我媽咪買早餐，紅腸熟蛋、沙爹牛意，冇比紅腸，返到屋企撩下個底發現冇，又要走返落去，原來佢哋打錯咗煎雙蛋，我媽聽到佢哋喺度講：「哎，佢詐型就比佢啦！」，但返到嚟一望，隻蛋都唔係雙蛋啦！咁都係你哋錯啦！…Read More

幫襯咗好多年，嘢食又平味道又唔錯，份量足，但自從裝修完之後，唔知係咪換咗師傅，冇以前咁好味，特別係水吧，買早餐外賣好多甩漏，沙爹牛麵冇沙爹牛、冇咗隻蛋、冇咗麵包、最慘係個湯冇味⋯⋯真係好失望⋯⋯…Read More

一位老人家辛苦經營，一日十二小時，全年無休，已經值得支持，如果想找刺激，找驚天地泣鬼神的味道，請找別處，這裡，我吃到的是家的味道。沒有過分的調味，花巧的款式，但用料實在，炸雞吃得到淡淡料理酒香和甜味，忌廉薯餅的餡料幼滑，便當只是三十元，已經能吃飽。我買了三個可樂餅加一份炸雞才49！哪裡找！明天還想試食三文治！…Read More

尋日唔洗返工，下晝就走左去屋企附近間新開既日式拉麵店試下。其實經過幾次架喇，都冇入過去，因為佢既裝修令我覺得會係好貴既，今日停低望下menu先知原來幾抵！入到去，4點幾冇咩人，都驚唔好食，但冇理由走返出去架，於是叫左個下午茶 - 餃子拉麵，廿五蚊唔洗送罐裝汽水，ok丫！上菜喇，都算快，餃子有4件，同d麵分開上，感謝主，最怕d煎炸野同d湯撈埋一齊！個麵份量都足，冇因為係下午茶而減料，我叫左普通既豬骨湯底，好香啊~d麵都ok彈，冇stick埋一舊、冇一pat pat!咁平既價錢，咁靚既裝修，其實真係好抵，食物都幾好，當然仲可以改善啦！起碼比起同區果間扮正宗既拉麵，一個月都唔知有冇一半時間開門，仲夠膽死收我$50蚊食碗一夾就斷既?水麵.......算幾好啦，如果食物款式再多d仲好！d服務員幾nice! 我會再試架，下次要食第二款湯底！！！…Read More