applecsy的個人專頁

"泰式酸辣雞腳"係成隻雞腳，斬成一件件，方便食用，原先以爲係平時食的酸辣鳳瓜，係白色嘅，但原來唔係，有啲滷水形式，雖然同想像中有啲唔同，但等於解鎖一種新口味，泰式酸辣+中式滷水的結合；“泰式無骨手”亦有滷水成份，鍾意啖啖肉嘅呢個好啱食，同埋好入味。“燒原隻魷魚”唔係好似平時咁成隻燒保持原來咁嘅様，而係用咗啲功夫剪開佢，有啲似八爪魚，但又唔係，總之睇來好特别，配埋啲醬汁好yammy。“海鮮冬陰功媽媽麵”係新品推介，超大碗，2、3個share都仲得，有魷魚頭，有蝦，有2個流流哋心的蛋黃，唔錯唔錯；“水門雞飯”又點可以唔點呢，有汁+湯跟埋，啲雞好嫰滑，唔係又點做招牌呢，幾乎人人檯面都至少一碟，我食個時成間餐廳係full嘅。“洛神花飲品”和“凍泰式奶茶”，大家各有所好，而我本人鍾意洛神花飲品，又一中泰fusion，哈哈😜…查看更多

提前來到“囍帖街”睇燈飾，啲燈飾仲未完全搞掂，咁行行吓肚餓要醫肚，就來到QRE plaza搵食，揀咗10樓呢間居酒屋，有幾個晚市定食可揀，當然亦可散嗌。同朋友商量下揀咗“串燒四式拼盤”定食，有麵豉湯/沙律，有主食（串燒配日式燒飯糰）有飲品，有甜品，幾豐富，都係200零蚊鬆啲，串燒有五花荔枝肉，厚切安格斯牛，厚切牛舌，汁燒雞翼，新鮮熱辣，五花荔枝肉真係食到荔枝肉，牛舌厚切勁有口感；我就想食刺身，見呢個“特盛刺身拼盤”有三文魚，油甘魚，赤身，带子，北寄具，大蝦，拖羅，幾啱心水就點咗，加20蚊仲可以嗌2杯啤酒，不過冇嗌，點解，因為下午茶飲咗太多嘢，刺身件件新鮮肥美，同食放題的刺身不可同日而語，满足😘😘本来一個定食只得一份甜品，但係店員送多一份，是煙煙韌韌的綠茶蕨餅，好正👍…查看更多

朋友住深水埗，今次約咗3個朋友共4個人一齊聚餐，揀咗佢喜歡的位於深水埗大埔道的金豪酒家，睇睇我揀咗啲咩來食。大家都鍾意飲湯，嗌咗個滋補的“姫松茸煲竹絲雞”，個湯好鮮甜，連竹絲雞啲肉都好有鮮味，姫松茸有提高免疫力的功效，好適合呢個季節；嗌咗半隻“金豪和味雞”，離然話半隻，但都好大份，而雞的滑嫰程度亦極高；接住落來就係我最喜歡的海鮮，係個孖寶來㗎，就係沙巴龍躉同埋蟶子，沙巴龍躉蒸到啱啱好，肉質鮮美嫩滑、口感細緻。蟶子好新鮮好鮮甜，幾乎係我呢排吃過的最好蟶子👍👍但其實呢晚所有嘢都好好，包括"魚腐浸豆苗"和“事頭婆炒麵”，唔怪得咁滿座， 提醒大家， 最好預先book位，唔係未必可以即時食到。仲有如果時間允許係有啲優惠嘅，就係有“早鳥優惠”7:30pm前埋單88折同埋“宵夜優惠”9:30pm後小炒78折。…查看更多

來到香港新地標--西沙的go park行吓，本以為未必有好嘢食，要返到馬鞍山先至食嘢，誰不知就發現咗呢間香港有多間分店的PHI Coffee & Pancake，咁就喺度chill吓，配合吓周圍的環境啦。南瓜吃得多，今次試吓個前菜叫做“楓糖烤南瓜沙律”，楓糖另上，烤南瓜配埋新鮮沙律菜，幾好味。“地中海式蕃茄海鮮配吐司”上檯時好驚喜，海鮮有烤大蝦，有蝦仁，有魷魚圈還有好新鮮的青口，非常吸引又好有食欲；仲點咗個"法式鵝肝燴意大利飯"，鵝肝口感細緻，順滑，每一啖入口都係一種享受，成個risotto 都吸收到鵝肝的香氣。“焦糖紅寶石玉桂梳乎厘”好大份，擺盘極吸引，咁就要慢慢嘆啦；而两杯飲品“香芋泥米麻薯鮮奶茶”和 “聖誕老人朱古力泡泡 ”各具特色，好好飲👍…查看更多

識食的朋友約我來咗呢間好chill的泰國餐廳，同一般的泰國餐廳唔同，佢沒有平時見到的大象裝飾，而且餐廳播放的係英文歌，被吸引来到的除咗情侣之外，亦有三五成群的朋友仔，而呢度亦有唔同的多人套餐menu，酒的選擇亦唔少。平時食得日式刺身多，咁来到呢度就要試吓128蚊的泰式青醬生蝦(8隻) ，勁新鮮彈牙，青醬好好味，好泰式；泰皇海鮮冬蔭功(半例) 價錢168蚊，雖是半例，但其實好大份，當然有蝦 ，仲有好大隻，除此之外，仲有大青口，魷魚圈還有蜆仔，好豐富。煙燻香茅脆皮燒雞(半隻) ，皮真係好脆，好味到停唔到口；青咖喱和牛面頰的面頰好諗，配埋青咖喱冇得輸；泰北生牛肉船河的湯底好正，再加上甜品椰子焦糖燉蛋配花生醬雪糕 ，雪糕紅豆珍多冰和椰青，完全係完美的一餐。…查看更多

以往食泰國菜，都會去九龍城。但今天來到元朗，亦都食到泰菜，味道都幾好吖，下次可以再encore。咁就要睇吓我食啲乜？首先係"冬蔭功湯"，呢個正唔正宗基本上都可以知道間舖的水準，而且呢度嗰冬蔭功湯有大，細两種選擇，咁様好貼心吖，因為如果冇得揀，只有大size，咁两個人就飲唔到啦，呢度的冬蔭功材料充足，酸辣有度，亦有大大隻蝦分成兩半，一人半隻，新鮮彈牙，合格有多，pass👍“飛天通菜”唔會太淡，又唔會太鹹，有啲啲油，但又唔會過油，緑油油好清新，恰到好處，好滿意；“大頭蝦粉絲煲”係朋友所選，就作為我哋今日的主菜啦， 有3隻切成6件的大頭蝦，真係好大隻，而且隻隻都有膏，非常之香口，粉絲又幹身，唔會太油，本身已經好大兜，但因為太好食，好想再食多啲，咁就留番下次喇。“芒果糯米飯”係我從未試過的5色芒果糯米飯，好特别，有白米飯，黑米飯，還有黃色的芒果飯，綠色的班蘭飯，紫藍色的蝶豆花飯，太靚啦，芒果亦好甜。再加埋厚肉的“椰青”，好完美的一餐。…查看更多

已經唔記得有幾耐冇食越南餐啦，近排多咗朋友去越南，見到啲越南嘢有啲想食，唔去越南有冇得食，當然有啦，呢度係香港喎，有咩食唔到呢，因此今日叠埋心水喺大圍見到呢間餐廳就毫不猶豫地揀咗佢。叫咗個抵食的2人套餐，包2個粉，檬，一個小食，一個蔬菜同埋2杯嘢飲。“扎肉撈檬”是我所選，哋配料一大堆，一睇好地道，嗰汁自己落，酸酸甜甜好好味；“生牛肉湯粉”湯頭極鮮甜，生牛肉仲見到紅色，都係烚熟食好啲，啲湯冚住生牛肉一陣，即刻嘆到最新鮮牛肉。小食“越式香茅雞翼4隻”香香脆脆外脆内嫩，好好食.；“田園灼時蔬”係簡簡單單灼生菜已是好配搭。"酥香軟殼蟹"是散叫，因想食而叫，亦冇令我失望。跟餐的“鮮芒果西米露 ”和“椰汁綠豆冰”好濃椰汁味，好越式，唔錯；叫多咗個甜品“紫糯米芒果酪”，軟軟糯糯，有食西米露的口感，又有乳酪的加持，又有芒果粒粒，好perfect 。…查看更多

香港的食肆原來都仲有好多無限可能性，就好似今日來嘅呢一間，有grilled，有beer，有fish，還有好多好多。餐廳的目的就係以拉斯維加斯娛樂場為設計藍本，呈現五光十色的打卡環境，更不定期安排現場表演（是晚有吉他彈唱），讓你在輕鬆的氣氛下享用川味烤魚、串燒等美食，呢晚所見，有年輕的喜愛熱鬧的情侣，有三五知已來一齊啤一啤，亦有家庭式的一家幾口聚餐，隔離枱的3 litre的blue girl 🍺亦好震撼。哋點咗店長推介的两様餸“秘製胡椒海蝦”和“冰鎮咕噜肉“，大大隻海蝦鮮甜彈牙，個sauce 上有一粒粒胡椒，又靚又特别；咕噜肉整到晶瑩通透之餘，仲有菠蘿，藍莓，提子配搭，色，香，味俱全。“惹味砂鍋椰菜花”熱辣辣上台，小心小心冇咁心急，慢慢來嘆先至係享受；好大份的“燒大茄子”極之惹味，就咁睇好似一條烤魚，又平又好食，建議必點。飲品叫咗一杯“超級水果茶”和一杯cocktail ，水果茶大大杯，有新鮮菠蘿，西瓜，藍莓，超好飲；Cocktail名叫 "Nothing"，但佢唔係nothing吖，佢有靚麗的顔色，亦有藍莓，檸檬和裝飾的“纸菠蘿”，一切都好俾心機，值得來試吓。…查看更多

“海膽意粉”(辣)用的是豪華的意大利面，配咗奶油海膽醬，有啲酸，有啲辣，又有海膽味，够晒開胃，味道唔錯；“蟹膏甲羅燒”不嬲係我鍾意嘅食物，而呢度竟然有“蟹膏甲羅燒燉飯”，真係估佢唔到，唔叫都對唔住自已啦，來啦来啦，有蟹蓋，蟹膏，蟹籽，蟹肉，全部都有，待應話將所有嘢撈埋燉飯一齊食，味道更佳，貪食的我食咗一啖香口的蟹膏再將蟹蓋，蟹膏，蟹肉和蟹籽撈埋食，美味在口中，好好味吖。至於甜品，都有幾様選擇，有“芒果斑蘭糯米窩夫配椰子雪糕、““焦糖香蕉朱古力竹炭糯米窩夫配朱古力雪糕”、”藍莓提子伯爵茶糯米窩夫配椰子雪糕"。仲有啲齋窝夫沒有雪糕的甜品，最後揀咗“芒果斑斕糯米窩夫配椰子雪糕”加埋一杯椰汁，窩夫外脆內軟， 斑斕顔色奪目，椰子雪糕味道濃郁，朋友將啲椰子淋落窩夫度，而我就將芒果擺落窩夫面，各有各自食得精彩🤓🤓…查看更多

記得好耐之前同朋友食過呢間“古琴雅苑”，印象唔錯。今次朋友带我来話有啲“淮揚風味小炒全包宴”的選擇，2個人只是 296蚊就搞掂，正，今次仲坐到窗口位，望住個海景來食饭。呢個餐可以自由揀一個特式小菜（4揀1），風味小炒（9揀2）同一份主食（2揀1），免茶免加一真係好抵。特式小菜的意大利黑醋骨，微酸，啲骨够諗，好味；“農家醬爆牛肉”够濃味，有不同的椒，番茄，蒜苗配搭，味道豐富；“涼瓜燜鴨架”，今次冇食烤鴨，食埋鴨架當食咗，涼瓜配鸭架的傳統冇得輸；“古琴鹹肉菜炒飯”係主食，飯就粒粒分明又唔會太油，有咁多餸来送飯啱啱好。聽講呢度“古琴酸菜魚”好味，我哋又鍾意，就嗌啲來試吓，酸酸辣辣，魚肉嫰滑真係好；甜品就叫咗朋友喜歡的“高力豆沙香蕉”，大家食得好满足，呢一餐。…查看更多

來到經常拍拖的地方--沙田新城市廣場，發現咗一間新嘅泰國餐廳，出邊的門面有泰國特色，但唔覺得大間，入到去先知好大間，比較少有的咁大間泰式餐廳，檯面相對也大啲，可以好好享受食物。印象中之前係百貨公司的一部分，實體店萎縮，變成餐廳，但相信餐廳做得好就唔會cut，始終食嘢冇可能隔住個Mon食。“海鮮炒闊河粉”，河粉唔係平時食開的河粉，更加Q彈嫩滑，海鮮亦唔少，蝦，魷魚，带子够新鮮，够大件，食到舐舐脷；“燒鰻魚兩串”，即叫即燒，够均匀，唔會燶，味道啱啱好，師傅抵讚。“燒原隻魷魚”也同様地吸引，分開一半再切件，可以用到平均火力，顧客亦食得方便，再讚一個👍“芒果糯米飯”，两件圓型飯團，漂亮够大件，唔同平時食開細細件壽司飯仔，芒果有大半個，落足本；“鮮椰子水”其實係椰青，椰子水一定新鲜，清清甜甜，而椰肉也不放過，食晒九成😁…查看更多

喺wechat朋友圈睇到個朋友喺呢間食咗芋泥，於是記低咗呢件事，好啦，今日入元朗做嘢咁就順便嚟幫襯，鋪頭唔係太大間，數數大約有9至10張檯，但生意真係唔錯，keep住有人，而外賣更加做不停手。首先叫咗個“芋泥肉鬆蛋餅”，再來個“紅燒牛肉湯麵”同埋“酥炸雞扒魯肉飯”，加少少錢就有埋飲品“可樂”和台灣特色的“珍珠奶茶”。“芋泥”一直係我鍾意的食物，如果鍾意食嘅好多都係我同鄉，咁你知唔知係邊度鄉下呢？估吓，但估中冇獎😜新鮮清香芋泥非常吸引，再加埋啲肉鬆，多一重味道，連埋蛋餅，係個極好味的台灣小食；牛肉麵作為主食，有4大件牛肉，好鬆化，麵係刀削麵，好薄的刀削麵，但又好掛汁，本身湯底係清清哋只有牛肉的純味道，非常喜歡，食到後邊連啲湯都差唔多飲曬；“雞扒魯肉飯”的雞扒大大件，係切開嘅，酥香美味，地道魯肉飯連埋珍珠奶茶，感覺去咗一轉台灣。…查看更多

我表姐好喜歡韓國，但呢排佢要返工，請唔到假去，咁我就自告奮勇带佢來到東涌呢間韓式餐廳食韓國嘢，一解相思之情。“芝士和牛漢堡蛋包飯”是首選，蛋包飯就最鍾意切開時流心蛋液的流動，同埋滑嫩的蛋，和牛漢堡好厚好實，份量足夠，還有芝士點綴，成件事好完满 ；“無骨韓式炸雞”半份，两個人絕對足够有多， 柑橘味比較少見，表姐話非常滿意吖，又唔使𦧲骨，既方便又好味👍"明太子蟹肉紫菜包飯"成份嘢加埋調味亦好令人回味；開心果麵包，蛋糕宜家好hit，叫咗一份“開心果芝士蛋糕”，芝士味濃，正。飲品點咗“青檸梳打”和“朱古力咖啡”，尤其青檸梳打送炸雞都唔輸啤酒😜…查看更多

同朋友喺深圳某個商場見到“西塔老太太”，想食時已經冇位，後來朋友話我知原來我哋香港都有嘅，所以係個好特別嘅經驗，竟然係喺深圳睇到，香港食到😜上openrice睇到證實香港有2間西塔老太太，一間喺尖咀，另一間喺將軍澳，呢日入將軍澳做嘢，咁就順便喺將軍澳食吧，慳番車錢✌️✌️“西塔熱銷二人餐”，話得熱銷，肯定多人食，應該唔會差啩，就等我哋來試一試，個餐有“老太太特色肥牛”，“香甕鳳梨牛肋條”，“三筋肉”，“烤杏鮑菇”，“秘製豬頸肉”，“秘製雞腿肉”，“海帶湯”，甜品“喜沛多多”，可謂材料豐富，肉類多多，喜歡喜歡。特色肥牛薄切，好易燒熟，配埋特製醬汁或特製芝蔴醬，随你鍾意，yammy。等待過程中，啲前菜亦可以食吓，個薯仔球零舍好味，唔知有冇得免費添加，因要留肚食主食，就冇再問。"香甕鳳梨牛肋條” ，造型特獨，增加食欲，自已燒的鳳梨，多汁鮮甜美味，牛肋條油脂豐腴，味道濃郁；而秘製雞腿肉亦都好好味好滑嫩，係食材本身好，或者係我燒得好呢？两者皆有吧👍至於杏鮑菇，最初唔係太識，燒得太耐燒老咗，後尾係咁易燒一燒，就好好食啦；甜品造型似柿子，寓意“柿柿如意”，祝睇到呢篇食評嘅你，你，你，大家都事事如意吧。1…查看更多

見到咁嘅價錢你覺得點呢？係唔係同你平時睇嘅好唔同㗎。我朋友發現咗呢一間新嘅麵包鋪，種類多不勝數，價錢亦好合理。所以呢一日我哋就一齊來揀啲自己鍾意嘅麵包嚟食，“麻糬蛋撻”係我嘅至愛吖，見得到的一層層酥脆的外皮，內餡滑捋捋，麻糬的特别QQ彈彈口感令我感覺好正；“開心果扭紋包”酥酥的外皮同埋香濃的開心果餡料，啖啖好滋味，身心都體會同埋領會到開心；“Strawberry忌廉可頌”牛角酥皮可頌內包裹著濃郁的芝士同埋新鮮的士多啤梨食嗰陣bit出來的鮮味同軟滑口感，幾時食都咁正👍“荔枝红豆皇冠”，佢有似皇冠的外型，食落軟淋淋，好鬆軟，有紅豆蓉，間中又食到荔枝肉，有新意。“開心果菠蘿包”外皮酥脆，內餡流心的開心果醬，畀到我幸福，歡喜的感覺，細心的朋友應該留意到我點嘅係開心果，麻糬居多，鬼叫我鍾意咩🤪🤪呢個係“麻薯菠蘿包”，冇錯，又係麻薯，一来那鍾意，二來呢度的麻薯的口感真係符合我的口味💯朋友買嘅"宇治抺茶紅豆包"，"蝶豆花包"，"紫薯包"和"菠蘿麻糧QQ"，佢都同我話好好食，今次無缘，下次過來飲茶時再幫襯。…查看更多