burgers888's Profile

南丫島係幾有異國風情，一場入到去梗係要搵西餐廳食飯飲吓啤酒，呢一間幾Chill幾好Feel，於是就入咗去坐。先黎個生啤先，呢個牌子黎自德國，幾爽口幾好飲，啤酒都係要生啤先至好飲。野食就叫咗個Pizza同埋一份香腸拼盤，個Pizza好薄好crispy，D芝士都真係好香，可能落咗好多芝士，個Pizza有菠蘿嘅，fresh d咁樣law。香腸拼盤D腸仔味道都唔錯，唔係D劣質香腸，煎到少少燶令到D腸仔特別香。…Read More

聽講呢間Airside 7樓嘅新餐廳有德國啤酒飲，所以專登收工落黎試吓，竟然有德國好出名嘅Bitburger，真係非常開心，因為想當年去德國做野成日都飲，不過香港好似真係無乜見過有。另一杯Benediktiner係麥啤黎嘅，個味真幾好，幾易入口，不過我都係鍾情於Bitburger多D。啤酒之外先叫咗個蕃薯條餸吓酒，然後就揀咗德國脆皮豬手同埋岩鹽焗魚黎試吓，兩樣都好食，不過個岩鹽焗魚比較有驚喜。估唔到個岩鹽焗魚入面條魚嘅肉質都幾鮮嫩，有另一番風味，值得試一試。聽講德國脆皮豬手係呢度嘅呢度嘅必點名物，咁飲得德國啤就梗係要食埋個德國脆皮豬手啦，塊豬手皮真係好脆，D肉又唔un，唔會好似乾到柴皮咁，真係好食。…Read More

天氣忽然轉涼，又係打邊爐嘅時間，不過今晚揀咗唔係純打邊爐，而係食椰子雞煲然後先至再落料打邊爐。呢間喺公司樓下嘅雞煲店平日食lunch就幫襯得多，今次終於有機會試下佢嘅雞煲，話曬雞煲先至係主打。因為其中有個同事唔食辣，所以我哋就揀早胡椒豬肚雞煲，啲雞真係好新鮮好靚，呢度係半隻雞，佢啲雞都算幾大隻，半隻都好大碟，睇落性價比高。個湯滾起就可以落雞，滾五分鐘左右就食得，侍應專登攞個漏斗畀我哋計時，都幾過癮。五分鐘後食得喇，d雞真係幾嫩滑，唔會淥到over曬，飲埋個胡椒豬肚雞湯超正，成個人即刻暖曬。因為個雞煲實在份量太大，所以唔係嗌到好多其他配料，淨係嗌咗半份韭菜攪拼半份魚皮餃，我哋三個人都差啲食唔曬。…Read More

真係可能係全香港最抵食嘅長腳蟹，聽過好多朋友話如果食長腳蟹一定要幫襯呢一間連鎖酒樓，不過一路都儲唔夠人腳，始終冇理由兩個人都去食長腳蟹嘅，今日終於機會嚟喇飛雲，雖然星期五係會畀星期一至四貴少少，其實都非常合理嘅，加上佢嘅蟹嘅質素，實在係物超所值。佢啲蟹腳入面真係好多肉，唔會水汪汪，而且差唔多台台都叫所以好新鮮，食落去真係好鮮甜，肉質有彃性，唔係死咗一輪D肉會一pat pat咁，值得一讚嘅係佢唔會有啲古靈精怪收費，例如一蚊一隻雞但係一定要叫碟薑蔥就修理40蚊嗰啲嘢，值得推薦。…Read More

作為一間街坊酒樓，呢間荃灣嘅酒樓裝修都算係幾靚，雖然侍應人數唔夠，不過我覺得服務都ok，而且價錢非常實惠，兩個人飲早茶，叫咗五個點心，連埋茶錢加一，竟然都係每人五十幾蚊，認真誇張。我哋叫咗兩個特價點心孖寶另外再加咗一份煎腸粉，特價孖寶都有兩款，a餐就35蚊，b餐有38蚊，不過望落b餐似乎性價比高少少。除咗煎腸粉之外，我哋叫咗鴨腳扎、雞扎、鯪魚球同埋小籠包，樣樣味道都唔錯。…Read More

你都油麻地搵嘢食，睇openrice搵到呢間中東菜，我直頭懶到跟住啲食評去嗌嘢食，真係幾掂幾好食。呢個咖哩鷹嘴豆配炸餅真係唔錯，嗰兩塊炸餅成個大煎堆咁樣，侍應拎過嚟嗰陣時候好震撼，連隔離枱嗰啲人都裝下裝下咁樣。搣開個餅然後不啲咖哩鷹嘴豆落去夾住一齊食，真係別有一番風味。我哋另外仲叫咗一份蒸雞肉尼泊爾餃子，呢個味道都唔錯，啲餃子好有質感好有份量，所以真係食到好飽，一啲都唔可以睇小。最後仲叫埋呢支德國麥啤，係好飲喎。…Read More

星期五晚上全層爆場，最主要原因係呢度嘢食種類多，質素又唔錯，而且價錢比起其他火鍋放題長平，星期五晚都只係250蚊一位，有白鱔片同脆鯇片，牛都有幾款部為你揀，其他配料款式都多，鵝腸、豬大腸、牛柏葉、鮮魷不在話下，仲有好多款甜品兼且又有雪糕雪條你食，仲有生啤任飲，係1664嚟㗎，唔係爛鬼藍妹嘉士伯生力嗰啲。…Read More

今日是在一間質素非常之高嘅餐廳仔，叫佢做餐廳仔唔係睇少佢，而係佢鋪面真係比較細，可能最多坐到20人都唔夠，不過作為一間食肆，啲嘢食好味就最緊要。今日我哋叫咗兩個意粉，估唔到質素咁高，雖然喺呢一區嚟講佢嘅價錢比較高，但係我覺得都係物有所值嘅。慢煮豬頸肉蒜片辣椒扁意粉都幾有誠意，個汁醬仲打埋泡，個豬頸肉經過慢煮之後口感特別唔同，淋得黎仍然保留到少少肉嘅煙韌感覺，佢嘅扁意粉嘅質感都唔錯，少少煙韌有啲彈性，唔會淋到成pat嘢咁。 Classic嘅卡邦尼意粉都整得好好食，芝士好香，應該用真芝士鹽係用嗰啲合成芝士，個汁都幾creamy，絕對但都卡邦尼意粉食咗會覺得好滯full流嘅感覺。…Read More

呢間樓上粵菜館好食，Set Lunch嘅質素好高，物有所值。先來一人一碗例湯，足料又無味精，真係想飲多一碗。3個set，3個餸，蒜蓉粉絲大蝦煲、順德土釀鯪魚、仲有一個印象中好似叫做欖菜排骨嘅餸，三款都好好食，最正係個土釀鯪魚，功夫菜，呢鯪魚肉真係冇骨嗰下先至勁，粉絲大蝦煲嘅蝦都好新鮮，不過佢嘅粉絲仲好食過啲蝦，因為索曬蝦啲味所以好正，個個都爭住食粉絲。個排骨好入味，又煮得夠淋。個set lunch係有一碟菜跟埋嘅。仲有好好味嘅綠豆沙送埋。…Read More

呢間餐廳夜晚嘅任食火鍋超抵，反而lunch都係第一次試，味道唔錯而且性價比高。呢間茶餐廳嘅常餐有咁嘅樣都算犀利，豬扒炒蛋焗豆沙律再加埋份牛油多士，飲品就叫咗玫瑰花茶，成為53蚊都幾抵。跟住仲叫咗碗酸菜魚米線，65蚊，價錢略高，不過都幾多魚，而且魚肉嘅質素都唔錯。第三份餐叫咗蔥油雞飯，凍奶茶少甜少冰，碟雞同白飯分開上，份量都算多，雞嘅肉質都ok。…Read More

低見到有五指毛桃燉排骨即刻每人叫一盅先，細細盅好足料，$48一盅好抵飲。家炆鵝係店長推介嘅，油漆係炆得好入味，幾好食。麻雞就係呢度嘅招牌菜之一，要預訂，留咗半隻，因為想食多啲其他嘢，味道都ok嘅，不過冇想像之中咁出色。鹽鮮魷夠鑊氣，魷魚新鮮彈牙，雖然油炸但係又唔係好多油。得椒鹽鮮魷就梗係要試埋佢個椒鹽九肚魚啦，一樣做得咁好，好夠鑊氣。後仲試埋佢哋嘅乳鴿，肉質夠嫩滑，而且又唔係炸到好勁。呢度整體唔錯，唯一係人手不足，一個阿姐打全場真係超勁。…Read More

想當年呢間餐廳都係非常之出名，而且啲出品味道都唔錯，不過依家已經完全唔同曬，講真，真係有啲失望。招牌擔擔麵點都要叫嘅，而且真係差唔多每一枱都有叫，佢又唔算唔好食，不過個味道都係好普通，價錢方面，以呢度嘅裝修同埋侍應嘅服務水平嚟計算係合理嘅。甜酸魚柳、上海炒年糕、蘿蔔絲酥餅、奶油津白、炸饅頭等等都只屬於普普通通嘅水準。至於甜品就叫咗兩款，諗住多啲款式試下，個豆沙鍋餅比較油，而且一頭一尾嘅豆沙量比較少。…Read More

今日去咗一間傳統粥舖食早餐，味道唔錯，服務都唔錯。艇仔粥多蔥，睇落又唔算好多蔥，味個粥底唔錯，啲配料都全新鮮好味，白粥同埋配料嘅畀你都幾好，唔會太多粥或者太多配料搞到件事好奇怪。炸兩正正常常啦，油炸鬼當然唔會脆，但係唔un已經好好，腸粉皮都算薄。煎堆都ok。…Read More

呢間酒樓嘅點心味道都唔錯，叫幾樣點心幾樣都好食，不過最有驚喜嘅就係呢個石鍋生煎包，熱辣辣好香口，連墊底嗰啲紅洋蔥都好食。燒賣都唔錯，圓碌碌幾大粒。鮮竹卷味道都好。另外佢個薄撐做得幾好，我好鍾意食。…Read More

今晚幫襯咗一間細細間嘅上海麵店，啲嘢食味道唔錯，而且份量都幾大。鎮江排骨上海麵，送同埋個面係分開上嘅，感覺鎮江排骨汁就唔會畀啲棉嘅湯溝到淡曬，另外佢個面叫做灌湯麵，其實就係用一個砂鍋裝住啲麵，入面啲湯係發滾嘅，出曬煙咁樣。另一碗就嗌咗獅子頭上海麵，佢個獅子頭同上海麵都係分開上，一共有三粒獅子頭，個獅子頭都幾好食，啲肉都算新鮮。之後就嗌咗一個上海雲吞share，58蚊有十粒，但係原來嗌咗面之後另外加雲吞只係五蚊一粒，所以感覺上好似畀人搵咗笨。豆漿都幾好飲。…Read More