六記粥麵

Open Now

Now Closed

1人夜晚9點去到，得兩台客，樓面多過客。《鳳爪雲吞面》鳳爪煲到淋晒又入味，一倫就散，無得頂。雲吞正常貨色，無乜特別，下次可以唔叫。面質些微碱水味，些少爽身（感覺面質同碱水味兩者，介乎香港碱水面同廣州雞蛋面之間，珠記鳳城，祥記，青洲劉記都係大約口感，唔知係咪澳門一貫口味）。湯底唔知用咩淆，只知好飲，正常咸度，飲左一半唔覺得口渴。下次可叫鳳爪面便可。《錦鹵雲吞》錦鹵汁底好杰，味夠濃，酸甜度適中，內有洋蔥青椒紅椒，必點。但雲吞炸漿脆身，但似乎炸好擺左段時間唔太熱，即炸會更好食，加上每粒得1隻蝦，縮左水（雲吞面雲吞有1.5-2隻蝦），感覺一般。