宮景正宗葡國餐廳

🇲🇴🍽️🐟鬧市中的滋味葡國菜✨水要收費，設加一🆗餐包落單後店員會先送上餐包及牛油，牛油有加香草，但係餐包唔係幾夠熱，所以牛油唔溶。✅炸馬介休球 -$88一份有五件，新鮮炸起，外皮好薄好脆，咬落軟綿綿，有薯蓉同埋魚肉絲嘅味道，鹹鹹地又好香，真係幾好味。旁邊有啲黃芥末醬可以點。✅白酒炒蜆 -$138份量都好大，蜆嘅份量好多，新鮮冇沙，幾入味，有兩舊檸檬俾你整啲汁落去，如果落得太多檸檬汁，就會蓋過咗白酒嘅香味，配埋芫荽同埋少少蒜蓉嘅味道，高質，令人食到停唔到口。✅葡式乳豬（例牌） -$295會跟兩項配菜，可以喺沙律、薯條、炒飯中選兩個，我哋選咗沙律同埋薯條。沙律菜新鮮，配左黑醋汁，清新解膩。薯條是粗薯條，新鮮炸起，又熱又脆，但差左d茄汁。主角乳豬有6件，個皮真係好脆，乳豬嘅肉好嫩好濃豬味，就咁食已經好好味，配左黑椒汁又有另一番風味。雖然好味，但係會有啲滯，旁邊有啲香橙俾你解膩。