船屋葡國餐廳

Open Now

Now Closed

今晚同事話去一間佢次次黎澳門都食既葡國餐廳, 當然又要留定個肚食好野. 去到門口, 有個保安企係門口, 係餐廳佢除左幫手開門之外就唔知有乜其他功能. 我地訂左位, 直接入去就有位坐.先黎頭盤馬介休沙津, 馬介休係一塊塊好似魚柳, 淡淡肉, 酸酸咸咸. 但係咁樣整馬介休, 對我黎講咸過頭, 食左小小就比晒個同事食.葡式蒜容炒蜆, 蜆雖然比較細隻, 但蜆肉鮮甜, 份量都幾多. 個汁係精髓, 蒜蓉, 芫茜加上橄欖油真係勁香. 用黎送飯至正.葡國雞飯, 葡汁香濃, 雞肉嫩滑, 薯仔夠淋入味, 送飯一流.最後飲杯Sangria生果酒，為呢一餐劃上完美句號.