Video
Read full review
2016-11-18
7839 views
今日嚟到澳門去左永利皇宮，本來係想試一下入面的永利扒房，鮨又或者係逸蝶軒，但原來全部都係開夜晚。。真係甘高級？開個夜晚都夠做？好疑惑。。無得選之下嚟左呢到，經過見到門口個餐牌268加一，都好合理，最重要仰望入去靚，入口直衝就係個金龍水池。裝修有如公主的宮殿，用色吸引，華麗，二話不說的衝左入去。定時都會有噴泉表演，我坐左2個中左右，就表演左一次。歷時5分鐘左右。冷盤有超大隻蜆肉，蟹腳，蝦，青口。成坐山甘放係到，前面仲有幾款不同味的調味料可選。蜆好大隻，未試過有甘大，但味道就中規中舉。蝦肉爽口，鮮味。日式刺身有三款，唔算多。三文魚，吞拿魚，八爪魚。味道質素幾好。巴拿馬火腿--高質素，肥瘦均勻，入口味香，留香持久。正！燒肉同燒鵝--燒肉皮脆，燒鵝略覺得有d蘇味，但入口食得出均係酒店出品，不一樣。熟食我唔多好，所以都不作推薦。唯一係個湯麵我中意，有清湯同担担麵湯底選。麵我選了拉麵，中國拉麵，粗條煙un，麵粉味重。配料可選，雲吞，牛腩，菜同菇等等。牛腩勁正，炆到好淋好入味，我估撈飯的話簡直可以食幾碗。又到亮點時間，今日的亮點係甜品，呢到甜品多到嚇人，起碼佔一半位置。由蛋糕，杯子蛋糕，雪巴吧，到拒
無得選之下嚟左呢到，經過見到門口個餐牌268加一，都好合理，最重要仰望入去靚，入口直衝就係個金龍水池。裝修有如公主的宮殿，用色吸引，華麗，二話不說的衝左入去。
定時都會有噴泉表演，我坐左2個中左右，就表演左一次。歷時5分鐘左右。
冷盤有超大隻蜆肉，蟹腳，蝦，青口。成坐山甘放係到，前面仲有幾款不同味的調味料可選。蜆好大隻，未試過有甘大，但味道就中規中舉。蝦肉爽口，鮮味。
日式刺身有三款，唔算多。三文魚，吞拿魚，八爪魚。味道質素幾好。
巴拿馬火腿--高質素，肥瘦均勻，入口味香，留香持久。正！
燒肉同燒鵝--燒肉皮脆，燒鵝略覺得有d蘇味，但入口食得出均係酒店出品，不一樣。熟食我唔多好，所以都不作推薦。唯一係個湯麵我中意，有清湯同担担麵湯底選。麵我選了拉麵，中國拉麵，粗條煙un，麵粉味重。配料可選，雲吞，牛腩，菜同菇等等。牛腩勁正，炆到好淋好入味，我估撈飯的話簡直可以食幾碗。
又到亮點時間，今日的亮點係甜品，呢到甜品多到嚇人，起碼佔一半位置。由蛋糕，杯子蛋糕，雪巴吧，到拒特有的朱古力吧。各式其式的。呢到嘅甜品質素高，起碼感覺係餐廳中40.50蚊一件嘅靚嘢。
特別喜愛朱古力吧的nuts朱古力，朱古力脆脆同朱古力蛋白餅。相信係每一個朱古力愛好者的必需之選。
呢到嘅食品有質素，特別以甜品為最。講真平時食兩件靚小小嘅餅都要一百幾十，呢到任食喎。仲要有新鮮果汁或一般的餐飲任飲，果然抵。
唯一覺得有d唔夠好嘅係服務，太小人手喇，叫左好多次都無人應，要親自行過去叫拒。收嘢食就成日收埋人支叉，又唔補番。。甘搞笑嘅。
Post
