南屏雅敘

Open Now

Now Closed

呢間餐廳係朋友介紹，話個沙翁好正！特登去搵（澳門啲街好難搵！）去到門面好懷舊，名稱又雅緻！入去就打仗咁！環境好殘，舊冰室格局，燈光昏暗，大家坐到好迫！場內阿叔居多！咁遠來到，無理由唔試下！在店員幫手下，坐到近水吧一張圓枱！餐牌夾在玻璃下，問店員仲有無沙翁，佢話未夠兩點就賣晒（當時四點幾！）無沙翁，見多人食蛋撻，咪叫兩個蛋撻，朋友叫多杯熱奶茶！食物好快到（現成夾上碟）可惜蛋撻凍晒，蛋漿一啲都唔嫩滑，實的的！酥皮已經唔酥！味道唔錯，可惜溫度唔得！熱奶茶：朋友話茶底好味！但墊杯隻碟破爛得好離譜，我好奇個洗碗係洗碗定掟碗！咁都可以攞出來招呼客！唔怕𠝹損手？  （圓週崩嘅多過好嘅）之後又見好多人食叉燒餐包，就叫一個：麵包鬆軟，但又係好凍，叉燒好少，基本上食唔出係乜味，因為已經凍到「擎」晒，有半個包仲係無餡料！ 肥髀加多一杯熱朱古力！佢話好味！但隻碟又係超級破爛！我唔知個沙翁有幾勁好味！但都唔會再來試！因為覺得呢間餐廳好無心做！店員勤快！