晃記餅家

Open Now

Now Closed

午餐前經過晃記無人龍，即刻入去買左手信，事關尋日下晝見到條龍好長。雖然未食過，但見咁好評，價錢牌都唔睇，買左先算。舖頭有好多選擇，又杏仁餅、香蕉糕、老婆餅…等等，最後買左一盒肉切酥(3包)、兩包雞仔餅、一盒金錢餅，總共$115。都係第一次食肉切酥，似薄身嘅曲奇，好香好脆，好重南乳味，有少少甜，食完第一塊就會好想繼續食，係上癮小食。雞仔餅細細粒但漲卜卜，都好足料下。本人鍾意食較"林"身煙韌的雞仔餅，呢款正合心意，夠煙韌，味道又剛剛好。金錢餅都係第一次食，香脆可口，個樣有啲似蝦餅，但食落似厚身版嘅蛋卷，都幾好味。總結，我個人已經將晃記列入為最值得大手入貨嘅澳門手信之一。