倫記軟滑腸粉

Open Now

Now Closed

今次黎澳門，純粹係為左食一黎到就先去食個腸粉先！之前都未黎過架，係見有幾個朋友介紹，就黎試一試啦！地點都算易揾，喺十六浦附近。舖頭唔大，只係有兩三張枱。我地一黎到，就叫左個葱花雞蛋腸粉，係我地今次嘅其中一項必食食品。老闆現場即做，先落個腸粉漿，蒸一陣，再加蛋同葱花落去，蒸多一陣就可以卷喇！完成品！薄薄嘅蛋同腸粉交疊住，賣相不錯。先試下個原味先，個腸粉真係幾滑，又有葱嘅香氣，不過蛋嘅香同味道唔係好突出。食腸粉通常都要整色整水，加d豉油，加埋麻醬同甜醬，個麻醬都幾香。依間腸粉店原來仲有賣烤鴨架，下次叫多幾個人一齊黎試下先！