Video
Telephone
21119799
Opening Hours
Today
07:30 - 21:30
Mon - Sun
07:30 - 21:30
Above information is for reference only. Please check details with the restaurant.
今晚來到了位於大埔海寶花園的「型點特色點心專門店」吃晚飯。顧名思義，型點特色點心專門店主打特色價廉的點心美食，每款點心平均大約二三十元，價錢親民。餐廳間隔寬敞，座位舒適。今次點了幾款美食︰1.型點蝦餃皇 ($37)蝦餃燒賣都係茶樓主打的招牌點心。"型點"的蝦餃皮薄餡靚，餡係彈牙鮮嫩的蝦肉，咬下去鮮味四溢，絕對是開胃點的打頭炮。2. 荷葉籠仔原條鹹魚腩肉飯 ($39)以荷葉包裹原條鹹魚和腩肉蒸製，米飯充分吸收了鹹魚和腩肉的香氣，再配上甜豉油後，每一口都充滿濃郁的風味，令人食指大動。3. 蒜香芋頭蒸排骨 ($36)芋頭綿密細膩，與蒜香味濃的排骨一同蒸製，兩者相得益彰，口感豐富，令人回味無窮。5. 脆皮鮮奶卷 ($27)外皮炸至金黃酥脆，內裡是香滑的鮮奶餡，甜而不膩，是飯後甜點的理想選擇。5. 姬松茸燉螺頭瘦肉湯 ($43)這款燉湯選用了珍貴的姬松茸，搭配螺頭和瘦肉，經長時間慢火燉煮，湯頭鮮甜濃郁，啖啖真材實料，營養豐富，是滋補養生的佳品。
continue reading
又再幫襯呢間食開既街坊小店（10分為滿分：🌕）味道：🌕🌕🌕🌕🌕🌕🌕🌑🌑🌑姬松茸燉螺頭瘦肉湯($43)呢個湯一上枱打開已經出曬煙，飲落第一啖已經feel到佢好足料，再用匙羹一畢就睇到有好多湯渣，大大粒螺頭仲有乾瑤柱，飲完即刻覺得勁滋潤💕💕荷葉籠仔原條鹹魚腩肉飯($39)荷葉飯係呢到應該都幾出名，見到其他好多枱都有叫，一個荷葉飯已經夠2個人分，鹹魚呢啲平時就唔好食咁多，但用黎撈飯就真係一流，再加上啲飯蒸完勁香荷葉味，真係好快就食到見底🫨🤣形點蝦餃皇($37)蝦餃一定係飲茶必食，呢到既蝦餃皇大大粒，皮夠薄亦夠煙韌，入面仲要有勁足料既蝦，啖啖肉，食完直情想叫多乘食呀😎蒜香芋頭蒸排骨($36)蒜蓉落得一啲都唔慳皮，一上枱就好香既蒜蓉味，排骨都好多肉，最好味係佢墊係底既芋頭，索曬上面既精華，不過食得多就有啲邪惡😈脆皮鮮奶卷($27)呢個幾有驚喜，唔係好多地方都會叫到，上枱夠曬新鮮，即刻炸起，入面既炸鮮奶夠滑又唔會過甜，惟一係得3舊食得唔夠喉🤣🤣價錢：🌕🌕🌕🌕🌕🌕🌕🌕🌑🌑街坊平民價既點心好抵食，而家出去酒樓飲茶叫個蝦餃皇都一定$40幾$50，呢到平得黎又足料大份，同樣價錢可以叫多幾碟點心🤪交通：🌕🌕🌕🌕🌕🌕🌑🌑🌑🌑位於大埔同太和中間既位置，如果唔係大埔街坊應該未必搵到黎呢個位，但就勝在唔會好多人，容易搵位，搭巴士係巴士總站行過去都係幾分鐘🤪不過如果揸車就相對麻煩啲，附近無咩停車場🅿️選擇🙈環境：🌕🌕🌕🌕🌕🌕🌕🌕🌑🌑環境乾淨企理，坐得舒服，通常啲人都唔會話食好耐先走，所以等位又唔使等好耐，點心又即叫即蒸，新鮮熱辣😍性價比：🌕🌕🌕🌕🌕🌕🌕🌑🌑🌑而家好多時食點心都未必一定去大酒樓，等位耐，價錢又貴，呢啲小店式經營有品質保證又有特色點心叫下，要多啲支持呢啲小店呀😎#hkfoodie #hkfood #美食 #香港美食 #香港好去處 #holiday #chillandrelax #大埔美食 #大埔好去處 ##型點蝦王 #手工點心 #型點特色點心專門店 #大埔美食 #大埔餐廳 #飲茶 #點心 #香港點心 #大埔探店 #大埔必食 #大埔人
continue reading
呢幾年香港多咗點心專門店啱晒我呢啲放工想食高質創意點心嘅人除咗傳統茶葉 呢度仲有各種花茶選擇 好特別點心都係精心製作新鮮出爐而且不設加一 平民街坊價錢 值得再訪🔸 人蔘烏龍茶 烏龍茶香氣濃郁 帶有人蔘嘅微苦味飲落口感清新解膩🔹 型點蝦餃王 蝦餃絕對係飲茶必叫🦐 晶瑩剔透 皮薄餡靚嘅水晶皮包住大大隻鮮蝦鮮蝦咬落特別爽彈 蝦肉嘅鮮甜味上枱嘅時候仲出緊煙 夠哂熱辣辣！🔸 蒜香芋頭蒸排骨 排骨嫩滑多肉汁 蒜香調味令排骨更入味肉汁慘落綿密嘅芋頭 入口即化！🔸荷葉籠仔原條鹹魚腩肉飯呢度嘅鹹魚係原條咸鮮 無普通鹹魚嘅死咸味 仲食到魚嘅鮮味 誠意之作！腩肉嘅油香慘落米飯 再伴隨住鹹魚鹹香用荷葉蒸令米飯都吸晒荷葉嘅清香加埋甜豉油更加好味！🔹 脆皮鮮奶卷 好難搵到嘅鮮奶卷呢度都有！外層炸到金黃香脆 內層係滑溜鮮奶餡脆同滑嘅雙重口感 食到停唔到口😋🔸松茸燉螺頭瘦肉湯原盅燉湯 每一啖都有料 真係超足料而且湯清甜 每啖都係精華！🚩 型點特色點心專門店 (大埔)大埔安慈路1號海寶花園地下15號舖
continue reading
《型點特色點心專門店 - 大埔》作為一個土生土長既大埔人，如果你問我食蝦餃去邊食的話，我心目中有兩間可以推介你的，一間就係喺海寶花園既型點啦😘佢呢度除左有新式點心之外，仲有不少比較傳統而而家又少見既點心😬平時我同屋企人想飲茶好多時都會黎呢度架🙆🏻♀️今次我朋友特登入黎大埔搵我食飯，就帶左佢去我家飯堂食下一盅兩件💁🏻♀️姬松茸燉螺頭瘦肉湯好滋潤既一個湯水，當日涼涼地，飲個燉湯後個人暖暖地好舒服😌湯入面既材料都好足，姫松茸食落濃菇味又爽口，入面仲有好多龍眼肉同杞子，飲完唔油膩👍🏻推介💁🏻♀️荷葉籠仔原條鹹魚腩肉飯平時好少見到呢款飯，真係得呢度先食到，入面有原條咸鮮，配上已經醃好左既豬腩肉，唔落豉油個飯都已經好夠味，而且大大碗，兩個人食剛剛好💁🏻♀️型點蝦餃皇個皮係煙煙韌韌的，包住大大粒蝦同埋豬肉餡料，基本上每枱都會叫的，我就覺得佢呢度既蝦餃食落有陣陣既豬油香，特別香口💁🏻♀️蒜香芋頭蒸排骨識食一定係食佢墊底既芋頭，蒸到淋曬又入曬味，又香又粉👍🏻排骨當然都好好食啦，不過食落就肥少少同埋較濃味💁🏻♀️脆皮鮮奶卷平時好少叫嘅炸嘢，不過呢個鮮奶卷間中食又的確幾唔錯，入面嘅鮮奶混入咗煉奶，所以食落好香甜，出面嘅麵包卷炸到好香脆，最尾當做甜品好滿足
continue reading
大埔係比較少踏足嘅社區，今次經過感覺唔錯幾舒服。去海寶花園探朋友，下午一聚由佢帶路嚟食即叫即蒸嘅點心呢處地方幾乾淨，侍應姐姐們有笑容和和氣氣見餐牌價錢親民亦無加一食得過，嗌咗壺人蔘烏龍茶清新味甜♤型點蝦餃皇 ▪︎蝦餃屬於飽滿大大粒、皮嘅厚度適中，蝦幾爽脆♤酥皮焗叉燒餐包▪︎不嬲都鍾意食蒸叉燒包，今次試呢款個皮夠酥鬆，叉燒餡份量不俗味道正路♤荷葉籠仔海味臘腸排骨飯▪︎用荷葉嚟蒸嘅飯帶點清香，飯粒呈細長型。排骨容易咬開骨肉分離，伴隨有甜嘅臘腸幾豐富♤脆皮紅米蝦腸▪︎紅麴米皮帶點煙韌爽滑，中間包著酥脆嘅春卷皮，配合爽脆蝦肉，多重口感一次過嚐到♤鮮魷土豆粉▪︎魷魚用上蒜蓉嚟蒸、鮮嫩Q彈又帶啲辣十分惹味，唔覺唔覺好快清碟，墊底嘅土豆粉撈埋啲汁，煙韌滑溜雪雪聲咁又KO晒
continue reading