莫義記貓山王

Open Now

Now Closed

以前都聽過佢個名亦睇電視睇過有好多名星都去過於是就去試下啦一去到因為係平日，所以人唔多之後走埋去睇下有咩食睇到之後都O左咀嘩!!!貴到你!!!不過既然嚟到，點都要試下既於是買左幾個，我自己就係榴槤大菜糕，去左另離個到食一打開好失望個兜已經你細佢入面個D野仲要得個4份3唉......好彩，味道方面都還可以榴槤味都幾濃，有少少肉係入面但係一D都唔抵食囉食一次就夠十幾蚊得個幾淡~_~

吃畢咖哩全，也要吃點甜才完全，就走一小段路來到莫義記，這個名字聽真的是聽得夠多了，但多次遊澳門也未曾一嚐，是日終可如願。此店有榴槤的產品，愛此味這必定高興，不過本人屬於第三類怪人，不會太抗拒，但又不愛吃，那麼最後就試了雪糕、木糠布丁及大菜糕各一吧，反正也不是太大碗，二人相信可輕易吃光。雪糕要了特貴的燕窩味，但打開蓋嚐一口，說穿了又其實只不過是是原味的牛奶雪糕，那八元的差價在口味上根本不太存在，但本人不能否認，細心點吃，又真的有非常微細的燕碎，坦言本人也真的覺得不值，因為吃起來無論質感，及味道也跟牛奶雪糕沒兩樣，不過我又不會大喊要回水，畢竟人家真的是下了燕碎，說回雪糕，質感較冰不細滑，不過牛奶味濃而且油度很高，看來脂肪值不少呢。大菜糕要了芒果味，入口爽滑，酸酸甜甜的有陣芒果香，其實真的不錯，這一塊數口吃完的糕，真的是這夜最好吃的一件甜點了。主角木糠布丁來了，也是非常之細盒，此木糠布丁最大的特色就是只有一層木糠，而不是一向吃過的多層相間，吃起來不夠層次感也罷，要數基本功也要看它的木糠及布丁的質素，木糠入口明顯有點嚡，而且部份更黏成一大個球，木糠不夠乾，嚴重影響了口感。那布丁又如何，為何跟剛

不論是書中介紹或網上推介,去到澳門梗要慕名而嚟啦,冰花大菜糕顏色都算晶瑩剔透,但食落口就無咩味道,而且SIZE略為孤寒,價錢收得$12都應該大杯番D啦,雖然物價高漲,但大菜糕成本唔係咁高就好心闊佬D,啦.....

第三次來澳門，再訪莫義記，一樣是木糠布丁，但是已經加價至MOP$15，雖然味道、份量依舊，但MOP$15的確真的很貴。可能下一次不會再吃。

今天乘著週末來澳門玩，到了口碑小店莫義記，門口好多人哦。買了榴槤雪糕（s15）和朱古力雪糕（s14），味道麻麻地，性價比不高。特別是榴槤雪糕，跟超市裡買的差不很多吃完沒什麼感覺，下次應該不會再嘗試。

從喜蓮一直行五至十分鐘，途經正宗車厘哥夫，就會到官也街，右手邊就是那個公園仔，一望已見到莫義記。從前的莫義記，人不多，但今天星期一也人頭湧湧，看來已成澳門氹仔名店。對面的晃記更誇張，人龍排到去後兩間鋪，以前根本唔駛排隊，現在看來大多係遊客，連澳門人都唔知幾時黎買好，唔怪得澳門人咁憎阿蘇。講番莫義記，我一向喜歡吃大菜糕，從小時候的大牌檔小販，到現在的士多街邊檔，很多時見到都會買黎食，莫義記更是每次到氹仔都幫襯，我都算係有義氣。莫義記款式愈來愈多，今次買了一個菠蘿大菜糕 (MOP$13)，佢既大菜糕比一般吃到的實淨，少多餘水份，菠蘿新鮮，無渣也無特殊添架糖份。但正如老婆所講，「$13自己係屋企整都得啦」，的確，以前價錢只係個位數，依家賣到$13蚊，下次再黎又唔知幾錢呢？但我想，我下次黎都仲係會幫襯的。

每次去親澳門都會去官也街搵啖食 每次去官也街都會去幫襯莫義記~~~ 可惜味道已經唔同以前, 愈O黎愈差咁, 唉!!! 價錢就好似一路都有升冇跌, 但味道又保持唔到, 下次真係要放棄啊~$12 蛋花大菜糕, 味道同普通大菜糕好似冇咩分別, 係外貌靚D O者!!! 雖然佢都保持到一貫清甜, 但價錢就偏貴, 早知就食原味啦~ 因為都冇咩分別!!!! 但佢仲有另外一D味道O既大菜糕好似芒果、榴槤... 但我諗我都冇勇氣去試LU!!!$12芒果布甸~~~ LEE個真係要彈, 雖然我知道佢唔係出名做LEE類甜品, 但味道都唔可以差成咁架MA~~~ LEE個布甸完全冇芒果味, 芒果肉就更加唔洗諗!!!! 而且質地好水, 會唔會係失敗之作呢? 唉~~~ 仲有, 若你想加花奶仲要俾多$1, OH~~~好令人失望!!!佢一路都唔進步的話好難再吸引新客源啊~~~ 希望佢地可以做番好D啦~~~

見咁多人都話好食, 一場去到就試下啦, 選了菠蘿大菜糕$12一個. 都幾貴喎, 吃了一口, 點解有陣怪味架, 勁難食糕身就夠實, 口感幾好既, (如果唔夠實就仲恐怖)而菠蘿粒就雪到一咬就有冰碎 呢間店, 無下次!

去到澳門緊係食下澳門流傳落黎既木糠布甸自從上次過澳門食完之後念念不忘 木糠布甸軟身唔似香港有d甜品舖硬身好creamy 雖然佢舖頭簡陋但係好多款甜品選擇仲有自家制榴槤雪糕因為我地take away 仲幫我地用報紙包裝好而且有問有答, take away最好半個鐘內食呀好好服務 good!!!~~

我細細個就去食lu, 成日踩完單車就一齊去莫義記食魚蛋同大菜糕,細細個到現在我依然最中意食都係原味大菜糕, 冇得頂呀!再加多個榴槤雪糕, 正!我媽咪成日話怕肥,但係一去到戈到就忍唔住係咁食lu.

我今次都係獨孤一味! 繼續要左我既雞蛋大菜可能有d人覺得佢既味道淡得滯但係我就係中意佢有大菜糕既口感+淡淡既雞蛋味!!!如果有d朋友同我一樣中意食淡d既野就一定要試呢個雞蛋大菜喇!!極力推介!

離開氹仔舊城準備到大三巴前, 先到呢度食返件大菜糕~友人推介燕窩大菜糕食落清清既, 有些微既燕窩, 感覺清新出發往大三巴去~

食完正餐, 嚟個飯後甜品, 莫義記就响左近, 最出名係大菜糕, 但之前食過覺得只係一般, 所以今次只試布甸1) 蕉糖雞蛋布甸 - 此蕉不是香蕉, 只係澳門o既焦糖, 但甜度唔夠, 感覺比統一布丁差, 又細件, 十幾蚊食唔過2) 木槺布甸 - 同樣十幾蚊, 但就有別於一般布甸, 口感似食雲呢嗱雪糕, 好味, 必試推介後記 : 老闆娘見我哋响度影相, 仲特登走過嚟問我哋食後感, nice !

食物選擇‧焦糖雞蛋布丁 ($10)味道‧布丁浸在焦糖上，賣相很吸引．布丁的質感比較硬身，是我喜歡的類型．食到香濃的蛋味，但如果焦糖再「焦」一點就更好了．布丁的大小適中，吃完很有滿足感

莫義記的大菜糕，是我成長時期的回憶。來到氹仔，在那個小巷子的轉角位，有一小店賣大菜糕、魚蛋、零食與小玩具，我還記得那些連紅色小管子的吹波膠，吹波膠從像牙膏的迷你包裝擠出來，放在管子尾吹大，成了透明的小球。大菜糕側從氹仔帶回澳門的家也不會溶掉，不像啫喱，放在雪櫃又變回冰凍。愛看它表面的晶瑩平滑，總捨不得掘花，只看得出神，還喜用羹子輕掃。用匙掏下第一口，質感結實清爽，舉匙看來像一通透冰山！放入口中冰涼爽滑，含碎後仍留一顆顆的，味道自然，還加了一點香蕉精提味，是其成功之道。媽媽試過在家裡做大菜糕，質感一樣，但味道就差一點點，原來就欠這個劃龍點精。吃完一頓濃味晚餐後，以大菜糕作甜點，解渴又可沖淡口內味道，且輕盈沒負擔，可輕易吃下一整碗。滿足感不下於時下流行的macaroon或精緻巧克力。現發展有多種味道，但我依舊，只愛原味。http://jules-whitekitchen.blogspot.com/