晃記餅家

Open Now

Now Closed

官也街是遊客必到的手信點，我喜歡到這些小店買手信，老字號必有原因。 長長的人龍排隊，可見是多麼的受歡迎。我們等了大概5分鐘，老闆都好快手好有效率，問完客人要甚麼，好有效率就取好，然後入袋！我們點了肉切酥（好香南乳味，好脆口，一盒有3條獨立包裝，好方便又唔怕走氣）紫菜肉鬆蛋卷：好多滿滿肉鬆，好香好有口感，脆脆蛋味香的蛋卷，配上紫菜，是最好食的！金錢餅：最愛的金錢餅，之前在潘榮記買，可惜無了，見這裡有，就點了回家食！合桃酥：男朋友要了這個，一排的，細細個剛剛好，鬆化香脆，好正！

講到澳門數一數二的手信 怎可不提起晃記?這家店鋪有百年歷史 只有一間店鋪他們是以全人手製作 工場店鋪集合一身每一次來到澳門 我也必到這裡買手信一年後再來這裡買一點手信回港發現又加價了😂 物價上漲加價在所難免不打緊吧 反正好味道就要買來食而且是小店 我也會支持的·肉切酥(袋裝) MOP$25·椰絲鳳凰卷 MOP$36·雞蛋卷 MOP$36這三款食物也是推介手信之一來的而我就喜歡雞蛋卷和椰絲鳳凰卷🤤🤤你們又喜歡到那一間買手信食呢??

30-12-2018  (Sun )同家人到氹仔手信街,行到晃記,好記得老公o既男友人NT鍾意呢間o既杏仁餅,於是o係o度買一盒俾佢,不過自己都要多一盒.開頭只影相,影完後直接話要兩盒杏粒o既杏仁餅,職員每個盒入3條,計埋MOP192.00,即MOP96.00一盒,好貴呀!睇返5年幾前o既食評(https://www.openrice.com/zh/macau/review/%E7%99%BE%E5%B9%B4%E8%80%81%E8%99%9F%E5%86%87%E6%90%96%E6%99%83%E9%81%8E-e2296512),數量一樣,當年賣MOP69.00一盒,平均每年加MOP5.40.留到7-1-2019(Mon)至打開食,一樣,一包有9件,留到7-1-2019(Mon)至打開食,一樣,一包有9件,每件直徑接近5.5厘米,厚接近1厘米.一食,苦o既? 但我第二日食又唔苦.杏仁味好濃,有炒米餅又實又脆o既口感,冇咁鬆化但好熱氣,對比起大三巴好似冇咁鹹.兩間都係人手做,不過各自盤踞一方,一間係o係氹仔,一間o係澳門市中心,要買齊呢兩間o既杏仁餅,就唔可以懶了.題外話:看的他

主打之一的金桃酥，加價加到45元，包裝縮一半，迫入小盒，扁哂散哂。缩皮縮骨，大忌！二十年老顧客，只見晃記兩蚊四蚊断加價，品質還算尚可保持，包裝縮皮，縮一半，十個金桃酥無膠袋包裝，只有小膠纸放底，迫在一起，扁哂散哂，大掃雅興。客人老遠坐車坐船，排長龍，比貴價，只換來這盒不規則餅食，問店主是否財迷心竅，不顧客户，產品質量。怎可期盼長做長有？其他餅食除肉切酥外，一般。期望穩定價格，回復舊包裝，以客為本，成為真正澳門手信！

美味子每次去氹仔都會到晃記買幾包咸蛋黃杏仁餅俾美味子爸爸同99一家🏡。美味子爸爸每次都自己一個人清左一包杏仁餅，邊食邊話好味道😃。百年老字號果然唔係浪得虛名，老人家一食就食得出係同其他既杏仁餅唔同d鍾意南乳既朋友就要試下佢地首創既肉切酥。外表似牛耳，食落味道好似雞仔餅咁但係脆卜卜好似食緊焦糖脆片咁好惹味，美味子買左包OT既時候食食到唔停口，幾乎當佢薯片咁食！見好幾位同事們都唔知肉切酥係咩嚟，美味子又即係開心share下。杏仁餅嚟講晃記同 「最X」係美味子最愛，特別鍾意佢既蛋黃杏仁餅，佢另外仲有隻一口蛋黃杏仁餅，話晒食一塊都幾heavy下，諗住一口size可以小食多滋味，可惜美味子去到既時候已經賣晒，所以只係買返普通裝。好在都仲叫有得食

來到澳門不少得回程買點手信給同事及朋友，不得不說，只要是觀光景點附近就會有好多間鉅記，幾乎幾步就有一間，但香港都有我就只買少少喜歡杏仁餅，價錢便宜一點🧐🧐而官也街的晃記是澳門數一數二的傳統手信店，店面小小的，但排隊的人卻多到要排到轉角的小巷😆 所以等左15-20分鐘的我掃左不少！迷你杏仁餅果然不錯！不會太硬太實，咬落去好鬆化。同鉅記相比我覺得更有杏仁的香及甜味。大既都係一樣味道既，只係冇得一口食哂，隨個人喜歡啦，我就鍾意細細粒既💓薄荷檸檬王就普通，沒有英記的薄荷，但勝在味不濃，可以當零食多吃幾粒也沒關係😛❤️眼見前面排隊的人都不少人買肉切酥，我亦一試無妨，望落去好似平時食既豬耳，原來食落味道係同雞仔餅一樣，只係切左薄片拎左去焗!!🤩雞仔餅一食就好黏牙，呢個就唔會！所以係幾好既零食

在大年初二，媽咪走到住在附近的舊工友拜年，她那位老朋友有好幾個仔女，其中一個女嫁到澳門去，每年新年都會返香港探親！媽咪去拜年回家，好驚喜見她帶了一盒澳門 <晃記餅家> 的肉切酥返嚟，才得知此事！早前，聽見有位中文名有個『晃』字的好朋友推薦這間小店，我卻從來未幫襯過，亦不知道在哪裡？！有幸嚐到其出品真是有口福嘞！肉切酥一盒有兩包，份量豐足，送禮自用都適合！成份：麵粉、南乳、糖、糕粉、豬肉、香料...等，第一次試晃記出品呀！ 肉切酥都幾好味:好似雞仔餅嘅味道，薄而硬身！亦不失香脆口感！]]]]

My friend liked this egg biscuits a lot, so I known this shops few years before.My friend said his friend wanna have egg biscuits as souvenir, I told him than must means this shop. Many people queue up as it should be. We brought one bag self use. The egg biscuit was soft, big and full of taste of egg. It was very good for breakfast.

钜记食过N次，听讲这家更有名，更有历史，所以专程过来官也街，原来地方好细，非常老式，难怪是百年老店。开始完全冇人的，等我要买的时候就开始排队了。买了两种，一包肉切酥，一盒大装的杏粒迷你杏仁饼，一共60蚊，也不便宜啊。回家过了几天才吃，其实几好的，肉切酥有啲似鸡仔饼，但鸡仔饼广州大把就没必要从澳门带了。杏仁饼还没开，应该不会难食。买饼的阿叔几风趣，比较多嘢讲。如果你叫他推荐又不按他的推荐买，就会话你。而且推荐对面莫义记的雪糕是香精，Dutty那些是正式水果，不知道是真情还是假意了。

自從有次澳門朋友買過晃記俾我做手信之後我就深深愛上左晃記 番唔到轉頭門口永遠有條長長既人龍 我就係鍾意佢既低調 鍾意佢既平實雖有米芝蓮既光環 但仍然保持一貫低調既作風小店屬家庭式經營 鋪頭細細但已有百年歷史 全澳門只此一家不設試食 更顯矜貴我買左杏仁餅 肉切酥 紫菜鳳凰卷 香蕉糕杏仁餅好有綠豆香仲有某龍頭大鋪所缺既炭燒香層次好豐富 加埋粒粒杏仁 味道口感一流肉切酥 果然係首推名物 無得輸一打開個包裝 南乳既鹹香撲鼻而來薄薄既一塊 呈牛耳形狀 食落係脆到不得了好香口 好食到停唔到口值得一提既係每塊肉切酥大細形狀都有所偏差睇得出係全人手製造 唔係其他鋪所能比擬既單係呢份心機都已經值得一推再推啦紫菜鳳凰卷紫菜+肉鬆+蛋卷=必勝組合蛋卷鬆脆 好有蛋香味加埋紫菜同滿滿既肉鬆 正!香蕉糕 店員提醒我食用期限只有3日可見新鮮製造 無落防腐劑 讚!我無食到 俾左呀妹 佢就話幾好食既

2016聖誕節澳門之旅帶住一家人去澳門，第二日去了官也街食早餐，食物種類好多，我哋跟隨自己喜好買食物，而且呢度手信店好多，呢間人氣店好舊式，隨時可以借出拍懷舊片，一早已經好多人排隊，我哋派出表妹一pair做代表排隊，15分鐘後成功買了肉切酥嘅訂單！因為要一個小時後先有得攞（好誇張）同時表妹都買了呢間另一人氣產品雞仔餅！雞仔餅：透明膠袋包裝，入面係象棋子大嘅雞仔餅，金黃色好靚，外金香入面係鹹香南乳味嘅餡！好味！加蛋餅：好似迷你光酥餅嘅味，蛋味濃，無光酥餅咁煙韌，乾蛋餅夠鐘攞到切肉酥：一樣透明包裝，表妹話三條先比盒，好似餅乾薄片，旋風型，中央有南乳味，同雞仔餅嘅煙韌餡唔同，係脆脆嘅南乳片，另一種吃法，好味！澳門懷舊風味，好味但又未至於排長龍兼等成個鐘

聽說這家小食很有名，來到官也街，看到這家餅店排長龍，水準應該有保證。再細看店內張貼米芝蓮介紹，原來是名小食店，難怪人龍超長，就連杏仁餅連鎖店都望塵莫及。難得今次全家來到澳門，一於買几款來試試吧！餐牌有不同款式的小食，但發現很多客人都會購買＜肉切酥＞。光聽名字就覺得：是否酥內釀有肉餡？　　回到酒店，先打開包裝，嚐嚐有名的肉切酥　　肉切酥　　　牛耳形狀，肥肉就在中間，但變得乾身。肉切酥有雞仔餅的南乳香味，但比雞仔餅更脆口，咬落是卜卜聲。個人覺得是雞仔餅以牛耳的薄脆形式呈現出來。這就是首次嚐肉切酥了。

多年後，重遊氹仔，只換來串串失望。逗留了未夠一小時，決定離開。走至官也街，想買點手信帶回家。熙來攘往的街道，盡是賣杏仁餅、豬肉乾等店舖，該光顧哪一家呢？突然，見到一間小店，大排長龍，小妹也加入排隊行列了。「晃記餅家」以百年老號作招徠，乃全條街唯一沒有提供試食的店舖。古舊的小店，對著門面光鮮的「鉅記」，毫無失色之餘，更顯出獨有光芒。據說，晃記以慢工出細貨，純手工的製餅技術贏得口碑。其出品的老婆餅、肉切酥、雞仔餅、鮑魚餅等道地粵式餅食，更是頗具名氣的。加蛋餅圓圓的，口怠鬆酥，吃起來雞蛋香還挺明顯的。杏仁餅用紙盒包裝，更見一點懷舊風味。一盒有三包杏仁餅。晃記的杏仁餅吃起來滲出濃濃的綠豆香，夾雜著一粒粒香脆的杏仁粒，且不太甜膩，真的好吃！

每次來都要買老婆餅，今天是星期二，人龍己短，等不多1O分鐘便排到。對面鋪丶樓上工場都在做餅，人龍旁就入袋，非常忙碌，我們三人各人買1一2盒老婆餅。這裡的老婆餅，比平時的小，大慨3口就可以消滅1個老婆餅，餅㡳不會太厚，不會食到一嚿粉，而且餅皮有層次，咬落薄薄數層微甜鬆化餅皮，餡料不知道是什麼，總之不似一般冬瓜蓉，咬落軟綿綿的、味道微甜清新，極之討好，一盒約有1O個，好味到一打開就忍吾到口，食到底。帶回香港，放入微波爐叮1O秒或烤箱焗數分鐘，香噴噴熱辣辣，同樣好味。

去澳門，買手信成指定動作，通常都係杏仁餅。細細個的時候，爸爸媽媽、親朋戚友推介【X香園】。大概十多年前開始，多了一個新品牌【X記】，近年越做越大、分店越開越多，加上國內自由行的推動，以及凌厲的廣告宣傳，甚至有一齣電視劇的配合，已經成為澳門手信的龍頭大哥，更加是自由行必到的購物景點，除了杏仁餅之外，更推出了很多花款的手信食品。唯獨有一些老字號餅家，依然堅持傳統人手店內制作，既沒有中央工場，又只得一間總店，維持傳統之餘，也可以保證質素。當中最出名的就是【晃記餅家】這間創業已超過百年的老字號，尤其是登上了「2016年香港澳門米芝蓮指南」的街頭美食推介之後，更加越來越火紅。當然，部份本地中式食肆及專業食評人對於「米芝蓮指南」一向嗤之以鼻，認為「指南」所聘請的美食密探以西方人士為主，根本不懂得品評何謂美味及高質素的中式菜餚，但近年已有所改善，多了一些本地的食評人參與。姑勿論如何，獲得「米芝蓮」這頂冠冕，對於食肆肯定只有好處。去到【晃記】門口，已經有一條小小的人龍，整條官也街也只有這店子有人排隊。說實在話，講客人數量，可能及不上同街的【X記】、【X香園】，但由於店舖細小，即制造了排隊效應。店舖門口