最近發現銅鑼灣新開左間以「輕養生活」為理念既健康茶啡店。小店主打「低糖養生系」茶啡、甜品，仲有養生饅頭！店內外都有好多熊貓公仔，打卡一流！試左招牌奶茶、低糖甜品同養生饅頭幾有驚喜👍
芒圓星凝
配料超豐富！芋圓煙韌，豆乳布丁奶香十足，口感滑溜，搭配鮮甜多汁芒果，爆脆馬蹄珍珠，浸泡係椰奶中，低糖配方但香濃不膩～
招牌茉莉繡雪
茉莉茶底清香，頂層奶霜輕盈不厚重 ，奶香茶濃，輕甜無負擔😋
招牌手作黑榶珍珠
採用鮮萃原葉茶湯，茶底順滑濃郁，黑糖香不會過甜，加上煙韌Q彈珍珠，絕配！
除左甜品同茶啡，竟然仲有養生饅頭！
莓莓椰椰花卷
花卷裡面捲入椰絲，淡淡椰香，包體揉入莓果製成，口感扎實帶微酸甜，配茶飲啱啱好。
