點點心

Open Now

Now Closed

約左朋友去旺角，諗住搵啲可以慢慢坐無限時又可以傾下計既舖頭，加上大家平時都約開都食中菜多，佢地亦都黎過呢間，所以佢地推薦完就決定揀試下👍🏻。平日去到6點幾，得1、2枱人所以坐咩位任揀😂。4人枱都算大，唔會手肘撞手肘。點心就好大路，基本上同平時酒樓啲點心都無咩分別。都係叫蝦餃、燒賣、馬拉糕、腸粉呢啲。奶黃包通常每間酒樓都差幾遠，但呢間算唔錯，流心既奶黃，包亦都唔厚，造型都可愛🐷。鳳爪排骨飯🍚都幾大籠，都算多肉。坐左都最少2個鐘先走🙈，不過餐廳當時都唔算多人，toilet🚽都乾淨，下次可以encore同屋企人去飲個茶🍵。