Odelice! (海之戀商場)

今日DuckGor🦆 係荃灣行完Donki，諗住喺附近醫肚，見到間充滿法國🇫🇷風格嘅餐廳，以藍白色為主，樓底又夠高，第一個感覺已經好舒服，見到個brunch set最平$95起，一於去試下🥰。🌟Brunch Set 以主菜價錢計已包頭盤及飲品🌟頭盤法式三文魚配酸種包 +$25多士烘得勁香脆，三文魚蓉份量十足，魚味突出，配搭多士一齊食，口感豐富，香味倍增😋。炸黑松露蘑菇球蘑菇🍄‍🟫球外層十分香脆，內層薯蓉極幼滑，松露香氣濃郁，有創意又好味😍。主菜阿根廷安格斯肉眼牛扒 $205肉眼扒🥩烤得十分出色，表面焦脆香口，5️⃣成熟成度剛好，肉色呈鮮紅色，內質軟嫩多汁，牛味香濃🥰。粗薯🍟條口感香脆，薯味十足😋。烤龍蝦燴飯 $225意大利飯🍛煮至軟滑中帶點點硬，口感濕潤又creamy，燴汁充滿香甜嘅茄味又鮮味。龍蝦🦞放上芝士🧀一齊焗，蝦肉爽彈細膩，肉味鮮香又juicy，加上芝士嘅鹹味奶香，真係勁好味😋。飲品Cappuccino蜜糖生薑特飲(熱) +$18薑茶味道香甜，除咗微微嘅薑味，仲有陣陣嘅柑橘香氣，飲完感覺勁舒服又暖胃🤤。