新肥泉海鮮大排檔

Open Now

Now Closed

冬天最啱食大排檔，餐廳位於佐敦熟食中心，主打多款港式小炒，設有室內位置，空間感十足，比起出面嘅大排檔乾淨俐落，而且店員服務態度有禮貌，適合一大班人嚟聚餐🤪除咗可以單點之外呢度亦提供90分鐘任飲任食放題，香港第一次見，有分三款套餐，最平嘅已經包小炒、煲仔同飲品，想食火鍋或海鮮類就要額外加錢、由點餐先開始計時，真好！前菜叫咗三樣，手拍小黃瓜酸甜惹味、酸薑皮蛋冰冰涼涼，爽而不辣、BB鴿就逐隻嗌，賣相一流，可愛迷人，油溫炸得啱啱好，皮香脆， 肉質嫩滑，細細份唔怕食唔到其他嘢～ 肉類方面豬牛雞要咗各一款，黑醋骨好大一碟，厚切啖啖肉，酸甜度適中，配上腰果增添口感，建議多人先好叫、炸子雞有酒樓feel，炸至外脆內嫩，好快清光、菜遠炒牛仔骨牛多過菜，牛肉嫩滑唔嚡口，鹹度都OK，配飯一流🐮炸物十分出色，尤其是係黃金系列，要咗四季豆同涼瓜，上枱時熱辣辣，香氣四溢，外層酥脆，炸皮夠薄身，一定要趁熱食，四季豆鮮甜，涼瓜帶點苦味、七味豆腐粒都唔錯，好大一粒，要分開咬，豆腐好嫩，補充蛋白質！菜品都有唔少選擇，個人喜歡芝士焗西蘭花，西蘭花夠淋，老少咸宜，面頭鋪上超多芝士，邪惡又美味！如果想配飯嘅話會推欖菜肉鬆四季豆