紫玉蘭

Open Now

Now Closed

發現紫玉蘭weekend午市有任點任食放題，款式都好似幾多，又有烤鴨食，所以同屋企人嚟試下。一坐低侍應就問我哋飲咩茶，轉個頭就開咗茶，好有效率。任點任食放題係自己寫點心紙，由前菜、點心、小菜、炒飯炒粉麵都有，選擇都算多。寫好點心紙之後等咗十幾分鐘先開始有嘢食，可能因為即點即製嘅關係，所以等得比較耐。第一樣上枱嘅係蔥油餅，原來係厚厚一塊炸嘅。食落好酥脆，唔算油膩炸得好靚。女兒紅醉雞原來係切片嘅醉雞卷，無骨好方便食。花雕酒味突出好味到我食咗好多件估唔到烤夫都幾大碟，係正宗嘅上海味雞絲粉皮無乜特別，麻醬香濃，但粉皮似係超市貨色唔算滑溜。估唔到糖醋小排骨咁多，糖醋味夠酸夠甜，應該好適合送飯賣相一流嘅黑魚子煙燻初生蛋，橙色蛋黃半凝固，食落煙燻味濃郁，淡淡茶香。黃金蝦球超大舊，食落爽口彈牙，咸蛋黃味濃，惹味到想嗌碗白飯送飯。呢個黃金蝦球真係質素好高，覺得食幾隻已經回本用上半肥瘦豬肉嘅咕嚕肉酥香多汁，醬汁酸酸甜甜唔會有醋酸嘅嗆口。等咗一陣點心終於上枱，可以因為即點即蒸，所以等得比較耐。小籠包新鮮蒸起熱辣辣，但皮唔算好薄，湯汁亦唔算多，有進步空間！燒賣食落爽口彈牙，有蝦嘅鮮味同肥豬肉嘅甜味，但稍嫌胡椒