柏麗廳

Open Now

Now Closed

朋友生日當然要搵間靚靚Buffet慶祝！最近試咗沙田帝都酒店嘅柏麗廳，因為佢同Mr. Steak Buffet à la minute聯乘，集合咗Mr. Steak最出名嘅料理，CP值極高!🦞 海鮮控的天堂海鮮拼盤：有龍蝦、蟹腳等，肉質鮮甜生蠔：即開日本生蠔，無腥味 刺身：由日本直送的藍鰭吞拿魚，師傅現場即場分割，魚肉鮮嫩，油脂豐富🥩 日本和牛任食！鐵板薄燒日本和牛：我覺得呢個係必食！軟嫩的和牛加上蒜片和蔥花，香氣十足，入口即溶日本和牛漢堡扒：熱辣辣送上鐵板，仲有融化芝士鋪面，係自助餐出現真係第一次見~🦢 其他必試推介鵝肝多士：配上脆卜卜既多士， 多士吸收哂鵝肝既油脂🍨 甜品即焗心太軟：濃郁朱古力流心，暖笠笠超治癒！另外仲有多款口味既Movenpick雪糕及多款蛋糕、甜品一次過有咁多好味既野食真係大滿足~整體性價比高，物超所值！