上海婆婆 (黃大仙中心北館)

Open Now

Now Closed

好耐冇食上海婆婆，今日同FD行黃大仙，咁encore啦。哩間分店都裝修得唔錯，古香古色。川渝小籠包，好有特色嘅小籠包。小籠包係紅白色皮，皮薄湯汁多。食落肉香四溢，湯汁微帶辣味。如果再點埋醋，更加可以食出肉餡鮮甜味。江南小排骨，排骨斬細件，先煎炒再落入糖醋汁。排骨肉厚飽滿，糖醋汁酸甜可口，開胃菜來講唔錯。外婆紅燒肉，唔單落入五花肉，還會加埋板栗，豆腐結等一齊烹飪。味道偏上海家常菜做法，醬香濃郁偏甜少少。五花肉糖色炒得唔錯，食落肉嫩入口即化，肥膏部分也唔會覺得滯。酸菜福花菜炒牛仔肉，哩碟餸炒得好有鑊氣。大火爆炒帶出油脂香味，福菜花香脆帶有肉香。牛仔肉厚切，入口軟嫩唔覺得un。砂鍋醃篤鮮，這品湯最啱春天飲。用咗新鮮春筍落入高湯燉煮，再用少少火腿調味。湯底奶白清澈，飲落鮮甜有回甘。春筍脆爽可口，火腿鹹香惹味，全部食曬TIM。