湘蜀人家

Open Now

Now Closed

六點幾嚟到餐廳，環境舒適，有闊落卡位坐。點咗麥茶，好大壼茶壺，陣陣麥香～跟住睇啱二人套餐，先來前菜，有夫妻肺片同埋涼拌木耳。肚片切得剛剛好，一片片，加埋啲酸辣汁，啱晒送飯。木耳新鮮鮮好彈牙，食完好開胃。老火湯，湯底好多餡料，有豬骨，紅棗，茶樹菇等等，好濃好補又好飲。大大盤嘅水煮麻辣牛，牛肉份量都唔少，大大片。湯底香麻辣，入面仲有唔同蔬菜，例如雞髀菇、萵筍、芹菜等等，配埋薯粉一流！黑醋排骨，一上枱已經有香噴噴嘅黑醋味，外脆內軟，入邊包住彈牙豬肉，又係好啱送飯。糖醋魚塊，又係好大塊，外皮走得好脆，配埋洋蔥同青椒絲一齊炒，味道岩岩好。食飽再嘆吓啲麥茶啱晒。