Video
Read full review
2023-10-25
203 views
放完重陽長假期，在公司忙到水都唔得閒飲，放工已經八點勁肚餓，同同事去左深水埗一間川菜館度食晚飯，同事話佢食過好食，又開得夠夜唔使急。餐牌上真係九成都係辣菜，愛辣人仕啱晒😆店內食客枱面上都係紅色一片，仲要個個熟客咁款大讚個辣勁，等我地都試下先。🐑清湯羊腩煲 （$398）老闆娘推介羊腩煲，今年都未食過羊腩煲就試一份吧，送生菜一碟。黎到係一大盤嘅，十分足料，羊腩下得很多，仲有枝竹、蘿蔔、馬碲等。味道唔係港式羊腩煲咁濃味，比較像清湯腩，不過唔係牛腩而係羊腩😋湯頭鮮味，飲左幾大碗，煲到後尾個胡椒味越來越勁了。羊腩啖啖肉，仲有彈牙嘅羊皮，好正👍🐸乾鍋田雞 （$138）一個羊腩煲其實已經飽，但獨食一味有啲悶嘛，況且本來就為食辣而來，點都要點份辣菜嘅，叫左田雞，上枱時個辣味撲鼻而來😆乾鍋田雞同樣足料，基本上全盤都係田雞同辣椒，田雞件仲好多添，走過油好香脆，田雞肉鮮味嫩滑，食多幾件個辣勁黎啦，要中辣都十分辣，哈哈，下次叫小辣算啦😆🍎天地壹號 （$38）食咁濃味嘅野本身應該要配啤酒，但聽日要開會就免了，叫了支天地壹號，酸酸甜甜又夠冰凍，一樣好過引🤭飽到上心口，滿足滿足🥰
餐牌上真係九成都係辣菜，愛辣人仕啱晒😆店內食客枱面上都係紅色一片，仲要個個熟客咁款大讚個辣勁，等我地都試下先。
🐑清湯羊腩煲 （$398）
老闆娘推介羊腩煲，今年都未食過羊腩煲就試一份吧，送生菜一碟。
黎到係一大盤嘅，十分足料，羊腩下得很多，仲有枝竹、蘿蔔、馬碲等。
味道唔係港式羊腩煲咁濃味，比較像清湯腩，不過唔係牛腩而係羊腩😋湯頭鮮味，飲左幾大碗，煲到後尾個胡椒味越來越勁了。羊腩啖啖肉，仲有彈牙嘅羊皮，好正👍
🐸乾鍋田雞 （$138）
一個羊腩煲其實已經飽，但獨食一味有啲悶嘛，況且本來就為食辣而來，點都要點份辣菜嘅，叫左田雞，上枱時個辣味撲鼻而來😆
乾鍋田雞同樣足料，基本上全盤都係田雞同辣椒，田雞件仲好多添，走過油好香脆，田雞肉鮮味嫩滑，食多幾件個辣勁黎啦，要中辣都十分辣，哈哈，下次叫小辣算啦😆
🍎天地壹號 （$38）
食咁濃味嘅野本身應該要配啤酒，但聽日要開會就免了，叫了支天地壹號，酸酸甜甜又夠冰凍，一樣好過引🤭
飽到上心口，滿足滿足🥰
Post
