三才魚蛋粉麵

Open Now

Now Closed

今晚同老公去咗銅鑼灣渣甸坊，望見一間港式雲吞麵小店坐滿人，相信係好嘢，否則唔會咁多人，即管試下，等了一陣好快有位坐低點了2碗麵加油菜share。魚蛋魚片米$41個湯底我要求加了腩汁，好惹味。白魚蛋彈牙，有魚味。魚片幾大片，爽口好味，幾好味。雙拼： 鮮蝦水餃拼西洋菜餃粗麵$392款餃都皮薄，鮮蝦水餃嘅蝦新鮮，連同木耳，水餃餡料食落好爽。西洋菜夠綠夠新鮮，每款3隻，粗麵口感好爽好味。油菜$17係一大碗，可以腩汁或蠔油，新鮮生菜加埋蠔油，又多又好味。2個人食了唔駛$100，不論份量、味道、價錢都好吸引，非常值。