Potluck Eatery

香煎法式鵝肝 大大塊鵝肝喺面，外皮焦脆，食落入口即化。油脂香氣濃郁醇厚，加埋酸甜果醬解膩得嚟食落有啲層次，唔會太單調忌廉茄蓉蟹肉龍蝦意大利飯意大利飯嗦曬啲龍蝦湯嘅鮮味同埋cream嘅香味，加咗茄蓉酸酸哋咁，越食越開胃。蟹肉同龍蝦肉彈牙鮮嫩，淨係半隻龍蝦都好多肉同膏，每一啖飯都有唔少蟹肉，好滿足！！羅勒青醬野菌粗管意粉 粗管意粉食落好有咬口，羅勒青醬好fresh，加埋與野菌嘅風味，口感同味道都好豐富自家製巴斯克芝士蛋糕估唔到咧個價錢可以食到咁大個Basque cheesecake，佢表面微焦，但內裡好幼滑，芝士味濃郁醇厚，甜度適中，唔會覺得好甜膩，奶香再加埋巴斯克特有嘅焦香簡直一流！