火夫

Open Now

Now Closed

日式居酒屋的裝潢，餐廳外面有企位，類似小吧枱的感覺。餐廳內冷氣偏大，服務不錯，為確保食物質素，餐廳會限定每轉最多下單8串串燒，等廚房燒完再落下轉。《麥粒味噌青瓜》⭐⭐餐廳送的前菜，麵豉麥粒濃味偏咸，配上清新清新青瓜條，岩岩好中和到，開胃醒神《$48雞肝醬多士》⭐⭐雞肝醬濃結、易推，厚厚地放滿一塊麵包先用得晒雞肝醬，但略嚴有少少腥，喜歡吃雞肝醬的朋友不要錯過《$48 薯蓉半熟卵》⭐⭐⭐⭐賣相唔算好靚，薯蓉應該混合左牛奶，入口即溶，香軟到好似食緊雪糕咁，加上烤過既煙肉碎，口感好豐富《$46 雞白湯關東煮》⭐⭐⭐⭐奶白色既雞白湯，作為關東煮既湯底，比起傳統關東煮湯少左一種清甜，多左一種香濃。雞油既香味入哂餸入面，加上羅白清甜冇渣，非常好吃。《$26 蟹肉牡蠣》⭐⭐⭐炸物串燒，皮衣包裹住滿滿蟹肉和牡蠣，但牡蠣味道唔出，比較似係蟹肉炸物《$24 葡提鴨卷》《$24 蜜瓜牛卷》⭐⭐⭐⭐⭐兩者其實有點相似，所以放埋一齊講，都是香甜生果配肉，生果烤到入口即溶，甜甜的剛好中和肉類的油膩感，百吃不厭《$26 生蒜牛肉》 ⭐⭐相比其他串燒來說生蒜牛肉比較普通，薄薄炸皮包住牛肉，蒜味不重《$24 沖繩燻肉卷》