上海姥姥 (馬鞍山廣場)

Open Now

Now Closed

今日晚餐選擇咗上海菜。夜晚八點左右到，四個人唔使等位即入，最近佢做緊一個夏日美食嘅推廣。我哋叫咗夏日特飲：鮮果茉莉茶配荔枝味爆爆珠，而家有買一送一嘅優惠，都幾抵幾好飲。食物方面叫咗兩籠小籠包，醉雞，酸辣湯，上海雲吞拉麵。佢最近賣緊一個$500嘅coupon，我哋買咗，所以即場送返一個蟹肉蘑菇炒時蔬俾我哋。呢個雖然係送嘅菜式，但係味道唔錯，個芡汁做得好出色，蟹肉都唔少。比較清淡嘅拉麵，但係佢幾粒雲吞都幾好食。啖啖肉，花雕酒係嚟到先淋喺面，唔算太入味，不過唔太鍾意酒味嘅，我反而覺得啱啱好。皮薄多汁，新鮮出爐。整體嘅調味/味道/份量都適中，唔會難食，小籠包嘅水準同其他知名連鎖上海菜差唔多，覺得亦都對得住佢哋嘅價錢。