Video
Read full review
2024-08-13
1469 views
台式火鍋中式火鍋食得多，但泰式火鍋香港好少見，同朋友喺沙田搵到間泰式火鍋，裝修簡約舒服，座位闊落，好適合同一大班朋友聚會打邊爐。一落座，店員會上一盤蝦片同一碟醬汁，分別青檸汁、椒麻豉油同泰式辣醬，亦會提醒俾咗15蚊嘅醬料費，而且泰式蝦片係無限任續，我同朋友都食咗三兜😂呢間餐廳火鍋加湯，會加翻原湯，就算食到最後，湯底味道依然濃郁。湯底方面最鐘意冬陰功火鍋湯底，唔會過酸或者過鹹，味道都正宗，湯底仲附有四隻大大隻嘅鮮蝦，爽口彈牙，正。牛板腱湯底，裏面都有牛肉，湯頭比較清淡，有少少似越南河粉嘅湯底味道，拎嚟淥船麵河粉好正，想食得fresh啲，可以加青檸醬入個湯度撈河粉食。鮮香椰汁雞腿肉，覺得呢款好特別，好少見用椰汁去醃肉，雖然唔係好食到椰汁味，但係雞肉質好嫩滑，睇嚟呢個就係椰汁嘅作用。四面拼盤，分別系牛丸、蝦丸、豬肉丸同墨魚丸，除咗牛丸，其他都係現打，大大粒，新鮮彈牙，最鍾意系蝦丸同墨魚丸。小食叫咗碳烤豬頸肉，表面少少焦香，肉質爽彈，點上配醬，味道更濃郁，但個人喜歡自己用青檸汁點。鮮芒芝士奶蓋，好飲，芒果汁裏面有果肉，味道係清甜嘅泰國水仙芒果汁，芝士奶蓋比較特別，唔係平時喺街度飲嗰種鹹味道芝士
一落座，店員會上一盤蝦片同一碟醬汁，分別青檸汁、椒麻豉油同泰式辣醬，亦會提醒俾咗15蚊嘅醬料費，而且泰式蝦片係無限任續，我同朋友都食咗三兜😂
呢間餐廳火鍋加湯，會加翻原湯，就算食到最後，湯底味道依然濃郁。
湯底方面最鐘意冬陰功火鍋湯底，唔會過酸或者過鹹，味道都正宗，湯底仲附有四隻大大隻嘅鮮蝦，爽口彈牙，正。
牛板腱湯底，裏面都有牛肉，湯頭比較清淡，有少少似越南河粉嘅湯底味道，拎嚟淥船麵河粉好正，想食得fresh啲，可以加青檸醬入個湯度撈河粉食。
鮮香椰汁雞腿肉，覺得呢款好特別，好少見用椰汁去醃肉，雖然唔係好食到椰汁味，但係雞肉質好嫩滑，睇嚟呢個就係椰汁嘅作用。
四面拼盤，分別系牛丸、蝦丸、豬肉丸同墨魚丸，除咗牛丸，其他都係現打，大大粒，新鮮彈牙，最鍾意系蝦丸同墨魚丸。
小食叫咗碳烤豬頸肉，表面少少焦香，肉質爽彈，點上配醬，味道更濃郁，但個人喜歡自己用青檸汁點。
鮮芒芝士奶蓋，好飲，芒果汁裏面有果肉，味道係清甜嘅泰國水仙芒果汁，芝士奶蓋比較特別，唔係平時喺街度飲嗰種鹹味道芝士味比較濃嘅，淡淡嘅芝士味，有少少感覺似飲緊芒果糯米飯。好飲唔會覺得漏。
如果想試吓泰式火鍋不妨考慮吓。
Post
