春宵

前排聽朋友講有間火鍋店係灣仔新開，今晚趁去左港島順便去試下，原來餐廳5月先開始試業，不過感覺已經好上軌，服務員好充足，又好熟餐廳運作唔會有甩漏，要比個讚。用QR code落單，有好多湯底選擇，主打無味精，我哋揀左個鮑魚蟲草猴頭菇湯底，猴頭菇仲大過我個拳頭，仲有兩隻大大隻鮮鮑魚，我地淥嘢食之前就每人飲咗碗湯，好似媽媽過節煲出既黎濃湯味道，十分足料。老闆娘好友善，同我地傾左陣計，原來呢到可以包房唱k，下次一定會約班朋友黎。