Video
Read full review
2021-06-16
874 views
見到ufood推介，話啲嘢食質素普通，但份量算夠，個環境又正，所以就想朝聖一下，實際上，環境真係正又舒服 但食物質素真係唔敢恭維，唔會再想去。點左 雞肉腸茄汁意粉同紅豆冰 $55首先個姨姨雖然幾親切，但佢直接放啲餐具係張抬上面，無紙墊，希望佢張抬真係乾淨嘎啦…...餐牌有兩種腸，雞肉腸同脆皮腸，見到有幾個評論話脆皮腸其實係廚師腸，但好笑既係，雞肉腸都係廚師腸，所以其實佢將同一品種既腸，變成兩種唔同既選擇比人揀，即係唔老實啦。如果係因為咁岩無客人叫既腸，所以先搵兩條廚師腸搭救既話，點解唔一開始同個客講明呢?因為一開始無lumm到會寫食評，所以意粉食曬，無相，紅豆冰就真係飲唔落去，所以有相。個茄汁意粉真心難食，茄子得個甜字，就係將一pac茄子求其淋上個到意粉，唔好lum住佢撈埋比你，你係要自己將果pac茄子撈勻佢嘎，就算食條最多汁包住既，都可以係無乜味，學校飯商都比佢好食，而且個分量又少，我懷疑連一碗都無。我點左紅豆冰走冰，所以唔存在啲冰融左所以淡左。見到杯野咁淡都知道唔對路，張相已經係美化左佢，實際杯野睇得到既淡，佢個餐牌寫住milk, 但我飲到既就係白色既水，我好懷疑佢係加一羹奶落去一
點左 雞肉腸茄汁意粉同紅豆冰 $55
首先個姨姨雖然幾親切，但佢直接放啲餐具係張抬上面，無紙墊，希望佢張抬真係乾淨嘎啦…...
餐牌有兩種腸，雞肉腸同脆皮腸，見到有幾個評論話脆皮腸其實係廚師腸，但好笑既係，雞肉腸都係廚師腸，所以其實佢將同一品種既腸，變成兩種唔同既選擇比人揀，即係唔老實啦。如果係因為咁岩無客人叫既腸，所以先搵兩條廚師腸搭救既話，點解唔一開始同個客講明呢?
因為一開始無lumm到會寫食評，所以意粉食曬，無相，紅豆冰就真係飲唔落去，所以有相。
個茄汁意粉真心難食，茄子得個甜字，就係將一pac茄子求其淋上個到意粉，唔好lum住佢撈埋比你，你係要自己將果pac茄子撈勻佢嘎，就算食條最多汁包住既，都可以係無乜味，學校飯商都比佢好食，而且個分量又少，我懷疑連一碗都無。
我點左紅豆冰走冰，所以唔存在啲冰融左所以淡左。見到杯野咁淡都知道唔對路，張相已經係美化左佢，實際杯野睇得到既淡，佢個餐牌寫住milk, 但我飲到既就係白色既水，我好懷疑佢係加一羹奶落去一大杯水當係奶。紅豆分量就幾多既，但就結成一舊舊，仲有啲係未煮冧，都唔好lum住啲紅豆幾好食，普通質素啦。
其實黎呢度都係為左個裝修，舒舒服服睇下書姐，咁不如直接去圖書館，書店好過啦，再唔係拎本書去比錢既自修室都好過咁樣。
我都認為去得呢啲店，好應該買啲嘢支持下小店既收入，但啲食物質素真係好恐怖，已經偏離左普通既程度，強烈建議填飽個肚再入去，淨係漏空個甜品胃，點個芝士蛋糕食下算，我未試過，但見啲評論好似話佢係比較正常既，起碼無咁嬲先，至於野飲同正餐就算啦，食完都係一肚氣又唔太飽，求其去tuck shop/7仔買都好食過佢。
Post
