Video
Read full review
2025-03-28
388 views
已經係第二次幫襯哩間餐廳。第一次係平日嘅夜晚，今次係Weekend嘅中午，平日夜晚唔多人，但原來Weekend都幾多人。第一次食嘅係烤雞菠蘿漢堡配焗薯。好足料，一淡係唔會咬得落口😂所以都係會拆件食，雞扒煎得好香口，個檸檬醋醬有種好Fresh嘅感覺。第二次食嘅係青醬雞肉長通粉，同虎蝦辣茄汁意粉。個雞肉幾嫩滑，個青醬濃度剛剛好，唔會食到飽飽滯滯。個虎蝦就差啲了，似係冰鮮蝦，唔會好彈牙，雖然未到難食但覺得欠缺誠意。我叫咗杯迷你鮮奶咖啡，好細杯好Cute呀(?)整體味道收貨，驚喜就無，咁嘅價錢你又唔會鬧佢。環境用厚重嘅木做主調，同朋友聚餐一流，水都係自取，有一個角度叫唔怕續杯尷尬，另一角度叫無咩服務。點餐用QR code, 收錢自己去cashier, 諗番其實嗰10%可能只係包咗上餐同餐具⋯
已經係第二次幫襯哩間餐廳。
第一次係平日嘅夜晚，今次係Weekend嘅中午，平日夜晚唔多人，但原來Weekend都幾多人。
第一次食嘅係烤雞菠蘿漢堡配焗薯。
好足料，一淡係唔會咬得落口😂所以都係會拆件食，雞扒煎得好香口，個檸檬醋醬有種好Fresh嘅感覺。
第二次食嘅係青醬雞肉長通粉，同虎蝦辣茄汁意粉。
個雞肉幾嫩滑，個青醬濃度剛剛好，唔會食到飽飽滯滯。
個虎蝦就差啲了，似係冰鮮蝦，唔會好彈牙，雖然未到難食但覺得欠缺誠意。
我叫咗杯迷你鮮奶咖啡，好細杯好Cute呀(?)
整體味道收貨，驚喜就無，咁嘅價錢你又唔會鬧佢。
環境用厚重嘅木做主調，同朋友聚餐一流，水都係自取，有一個角度叫唔怕續杯尷尬，另一角度叫無咩服務。點餐用QR code, 收錢自己去cashier, 諗番其實嗰10%可能只係包咗上餐同餐具⋯
Post
