火薈中日火鍋

Open Now

Now Closed

本身見個價錢唔平，都知係食質素的，食材真係新鮮之餘，原來而家9點前入座火鍋配料（唔計牛同海鮮）有85折，9點後入座仲抵，全單8折。🤑*以下價錢係未折扣🥥海南椰子雞鍋（$238）第一趟係真椰子水，加入雞肉、椰子、粟米、紅蘿白等等滾起的第一煲湯，超好飲，我同朋友就咁飲，差唔多飲哂，之後再加入湯打邊爐，成個湯底都唔錯，雞肉亦嫩滑。🦐鬼馬雙星（$68）呢個係蝦滑油炸鬼，上枱係新鮮炸起熱辣辣，食落香脆又滿滿蝦肉香，好適合在要等個湯滾起之前又有D肚餓食的小食。🐚桂花蚌（$178）一碟的份量都唔少，咬落好爽口，而且好鮮味，唔錯🐃頂級安格斯牛頸（$238）花紋好靚，肥瘦適中，好香牛味之餘，又唔會軔。