牛霸王

Open Now

Now Closed

牛霸王⭐️手打和牛漢堡扒丼飯 一上枱就覺得個丼飯賣相幾吸引，漢堡扒放喺香噴噴嘅白飯上面，仲有埋流心蛋黃添。食第一啖覺得漢堡扒嘅肉質比平時食開嘅嫩滑得多。手打漢堡扒經過自家調味，牛肉味突出但唔會太搶口，咬落去嘅時候肉汁慢慢滲出嚟，仲帶有少少烤焦嘅香氣。⭐️招牌牛肉壽喜燒 壽喜燒湯底嘅甜味同鹹味平衡得幾好，唔會過甜。d 配料包括豆腐、青菜等等都吸哂湯底嘅精華，甜甜嘅牛肉配埋生蛋漿一齊食真係令人滿足。餐廳最近做緊個碗底驚喜活動，食完個丼飯之後就會知有冇中獎。我嗰日就冇抽中啦，不過同一round都有幾枱客人都中獎，感覺中獎機會都幾高。