唐坊火鍋私房菜

Open Now

Now Closed

唐坊火鍋私房菜 (油麻地)油麻地彌敦道560號譽發廣場23樓位於油麻地譽發廣場23樓嘅唐坊火鍋私房菜，可以高高在上望出窗外，一路欣賞美景，一路打邊爐，其實都幾正，首先環境嚟講都算係唔錯，氣氛亦都好好，不過燈光有少少昏暗，可能係想製造氣氛。乾番啲嘢食先，三寶丸，確係唔錯，應該係手打，而且都幾新鮮，食落有咬口幾彈牙。椒鹽粟米，第一次食，我覺得普普通通，可能唔係咁啱我口味。雲吞同白菜餃都唔錯，打邊爐會容易散，而且餡料都幾多，外皮都唔算太厚。特長蟹柳，真係好鬼死長好大嚿，紙豆腐就真係幾有特色，就咁望落去真係好似一張紙捲埋左咁，但原來係豆腐，好快咁樣灼幾秒就可以食得，第一次食覺得都幾新奇。最正當然係頂級手切肥牛，脂肪分布嘅比例都唔錯，入口都算易咬。整個環境嘅裝修同埋氣氛都唔錯，格局好有情調，而且主打可以喺23樓望出去，一路睇住夜景一路打邊爐其實都幾唔錯。