蒸廬

Open Now

Now Closed

屯馬綫開通首日(~真的很興奮😆)去左黃埔好出名嘅點心店 - 蒸蘆！本身擔心星期日假期會排隊，好彩12點45左右去到仲有位。由於想試多啲款式但得2個人食，所以叫咗點心拼盤。燒賣好大粒好食，中間件馬蹄糕唔會太甜夠彈牙。但係唔鐘意綠茶包同埋粉果，呢隻綠茶味配叉燒餡唔係好夾，粉果個皮好厚同埋啲餡唔係潮州粉果果種，所以唔係expect嘅口感同味道🥺。最想食嘅紫金流沙包售罄，叫咗雲石芝麻包，點知有驚喜！🥳呢個雲石芝麻包嘅芝麻餡有好香嘅芝麻味之餘仲有沙沙嘅口感，少少黏住口腔但唔會感到膩，亦都無食到砂糖果種死甜。因為我好鐘意食麻蓉包而一般都要去啲舊式酒樓先食到，呢個雲石芝麻包喚起我食麻蓉包嘅幸福感覺💞~飲品方面，叫左熱咖啡 (味道非常似阿發白咖啡)。