濟州燒肉食堂

Open Now

Now Closed

‼️雅韻濟州饗宴三心兩意，樣樣都想試，可以考慮套餐有🐽濟州黑毛豬梅花肉，🐽一級五花肉；🐮和牛牛五花，🐮牛小排，🐙大八爪魚，🐔蘋果梨汁雞肉及大醬湯，非常豐富！豬肉爽甜，配生菜大醬食減膩又潻口感；牛五花油脂分布平均，入口油香有肉味，牛小排更係肉質結實有嚼勁，肉味濃厚！大醬湯有驚喜，足料牛肉加海鮮，仲有豆腐及蔬菜，本身以為好濃味，但入口啖啖鮮甜，反而清走口腔嘅燒肉味。‼️石頭鍋飯配料滿滿，加上熱鍋 “滋滋”聲，熱辣辣隨著香氣撲鼻。拌飯醬慢慢加入攪拌均勻，米飯有軟糯又有些焦脆，啖啖都有滿滿牛肉及配料！如果唔想牛肉太熟透，記住攪拌完快啲食。‼️泡菜煎餅啖啖都有爽口泡菜，但一啲都唔辣，保留咗泡菜嘅酸甜，所以食落都幾開胃。煎餅外層焦脆，但中間又有軟綿煙靭嘅口感，特製醬汁亦非常惹味，少少甜辣帶麻香。🍹荔枝梳打、橘子梳打，夠哂大杯，仲有果肉，冰凍又多氣泡，爽口又非常解渴。