午市放題時段長，12點食到4點，食咗兩個鐘都飽晒，剩餘時間就飲吓野，食甜品和生果，傾吓計，都幾舒服。
可能新店剛運作，人手不夠，侍應多屬生手，入座緩慢，但態度都算有禮貌，預計熟習運作後會更暢順。
海產有虾蟹貝殼之類，海鮮檔位不算大，初開步個個食客梗係心急，免不了要排隊，若遲20-30分鐘才去揀海鮮，虾蟹反而更新鮮，頭輪的海產似係上場的貨尾，部份已暈暈地。整體上海產品質普通啦！
手機點餐的肉類款式不多，澳洲和牛叫做較佳。紅燒乳鴿應該是餐廳最出色的食物，做到即炸效果，皮脆肉嫩，必食之選。
燒蚝和鵝肝味道合格啦！廣告有燒鱔，但當日話冇貨賣？失望。燒榴槤賣相佳，非我喜好，但同行女士就食咗好多件，話正喎！其次，窩夫和雞蛋仔是即焗制的，香口美味。梳乎里烹製時間長，貪新鮮就排隊攞囉！普通野啫！其他丸類、蔬菜、熟食...都係搭單擺設，粗野冇乜人搶。
整體上，食物質素OK吧！試業初期話有優惠，午市人均約300蚊，比“X海”平少少，是競爭優勢，但若同價比拼，應該輸馬鼻了。
1
1
