ASOK THAI CAKE

Open Now

Now Closed

幫朋友慶祝生日，買左Asok Thai Cake 6 “ 開心果忌廉蛋糕🎂，預早訂定，加朱古力生日牌連寫名 +$20。開心果真係近期大熱，個蛋糕幾好味喎，有驚喜喎，開心果碎碎鋪係蛋糕面好多，温柔嘅顏色好靚，影相打卡好有效果，海綿蛋糕配上唔太甜嘅忌廉，每一啖都有清新嘅開心果味，充滿層次感！感覺好輕盈，食完係冇罪惡感，唔肥膩唔會飽飽滯滯。『開心果』蛋糕淨係個名都夠好意頭，用嚟慶祝生日啱晒啦！希望嚟緊呢一年每一日都開開心心！食後感，8個人都滿意👍🏼，下次有朋友生日會再訂購呀！相信回頭率好高呀！去買蛋糕嗰陣呢，見到其他動物蛋糕都好吸引，下次買俾小朋友先。