Video
Read full review
2023-04-17
462 views
銅鑼灣· 一生懸「命」の鐵板燒本命📍銅鑼灣邊寧頓街13號2樓➰好歌推介「一生いっしょう そばにいるから ，一生いっしょう そばにいて一生いっしょう 離はな れないように， 一生懸命いっしょうけんめい に」.#虹 #菅田将暉➰啱啱日本旅行返嚟，就見到有報導表示10月起JR PASS全國版即將加價接近一倍，雖然地區版暫時未有消息跟隨，但恐怕不久將來亦會緊隨步伐，對於筆者依批視日本為鄉下嘅旅客可謂影響深重，但背後亦牽涉日本大多數消費物價以至租金亦甚少加價的經濟因素，環環相扣。.以大觀小，有公司加幅跨張，亦有無數餐廳小店以一生懸命精神拼博，務求將自家手藝發揚光大，滿足每位到訪嘅客人。所談甚遠，而筆者今日同朋友嚟到嘅依間餐廳，亦令人聯想到日本嘅職人精神。.餐廳位於銅鑼灣利園約5分鐘路程，甫進入餐廳，就見到兩邊鐵板燒區，侍應好快安排我地就坐。餐廳以木系裝潢為主調，配合柔和燈光令進食環境氣氛放鬆，而且每個座位亦水平線可以欣賞到師傅即席料理嘅手藝，餐廳晚市設有2種餐單，今日我地揀咗入門版高性價比嘅一款。.➰晚餐鐵板燒·本 💲588/1𖥕前菜 ⭐️4.1/5⭐️侍應好快將沙律奉上，新鮮沙律菜配上柚子酸汁啫喱
本命
📍銅鑼灣邊寧頓街13號2樓
➰好歌推介
「一生いっしょう そばにいるから ，一生いっしょう そばにいて
一生いっしょう 離はな れないように， 一生懸命いっしょうけんめい に」
.
#虹 #菅田将暉
➰
啱啱日本旅行返嚟，就見到有報導表示10月起JR PASS全國版即將加價接近一倍，雖然地區版暫時未有消息跟隨，但恐怕不久將來亦會緊隨步伐，對於筆者依批視日本為鄉下嘅旅客可謂影響深重，但背後亦牽涉日本大多數消費物價以至租金亦甚少加價的經濟因素，環環相扣。
.
以大觀小，有公司加幅跨張，亦有無數餐廳小店以一生懸命精神拼博，務求將自家手藝發揚光大，滿足每位到訪嘅客人。所談甚遠，而筆者今日同朋友嚟到嘅依間餐廳，亦令人聯想到日本嘅職人精神。
.
餐廳位於銅鑼灣利園約5分鐘路程，甫進入餐廳，就見到兩邊鐵板燒區，侍應好快安排我地就坐。餐廳以木系裝潢為主調，配合柔和燈光令進食環境氣氛放鬆，而且每個座位亦水平線可以欣賞到師傅即席料理嘅手藝，餐廳晚市設有2種餐單，今日我地揀咗入門版高性價比嘅一款。
.➰晚餐鐵板燒·本 💲588/1
𖥕前菜 ⭐️4.1/5⭐️侍應好快將沙律奉上，新鮮沙律菜配上柚子酸汁啫喱，開胃之選。
然後再送上一碟蘿蔔牛舌煮，好有驚喜，蘿蔔甘甜入味，吸收湯汁精華，牛舌亦入口軟稔，恰到好處。前菜嘅高水準令人更期待之後菜式嘅水準發揮。
前菜
21 views
0 likes
0 comments
✥甘鯛立鱗燒 ⭐️4.3/5⭐️
師傅將今日嘅食材展現比我地，然後好快埋頭苦幹，進入狀態，首先第一道菜竟然係立鱗燒，實在好驚喜有咁高性價比嘅食材享用，師傅再即席烹調埋魚湯甘荀忌廉汁，將甘鯛立鱗燒放入，整個擺盤鮮艷奪目，立鱗燒入口香脆不在話下，魚肉亦非常滑嫩，配上甘荀汁更加帶出鮮味。
甘鯛
16 views
0 likes
0 comments
甘鯛
52 views
0 likes
0 comments
接住落嚟嘅一道係北海道帆立貝，師傅手法純熟將帆立貝煎至恰到好處，保持鮮嫩，再接住即刻將炮製醬汁，師傅介紹依款係羅勒菠菜香草忌廉牛油汁，顏色鮮豔之外亦散發陣陣香草牛油香氣，鮮嫩帆立貝配上滋味牛油香草汁理所當然嘅絕配，仲有淡淡嘅羅勒香增添層次。
北海道帆立貝
39 views
0 likes
0 comments
北海道帆立貝
20 views
0 likes
0 comments
師傅將原隻大蝦表演去殼，然後將蝦頭嘅蝦膏混和香草牛油汁，再撈勻蝦肉香煎，整體鮮甜惹味，相當有水準。
大蝦
12 views
0 likes
0 comments
大蝦
15 views
0 likes
0 comments
✥黑豚薄餅燒 ⭐️4.2/5⭐️
師傅拎出豚肉及和牛展示，首先處理黑豚肉，加上洋蔥爆炒之後香氣迫人，師傅再變出花樣，將炒黑豚肉放上薄餅皮捲成捲餅，令到整體味道層次更富豐，係少見嘅鐵板燒菜式。
鹿兒島野崎和牛薄燒
17 views
0 likes
0 comments
黑豚薄餅燒
18 views
0 likes
0 comments
❀薩摩赤雞 ⭐️4.1/5⭐️
接住係厚切赤雞扒，師傅將佢煎至金黃，然後切粒，方便我地入口，再調配咗一碟蜜糖芥末汁比我地點醬享用，赤雞外脆肉嫩，加上伴醬更為可口。
薩摩赤雞
29 views
0 likes
0 comments
𖥕鹿兒島野崎和牛薄燒 ⭐️4.2/5⭐️
師傅首先將蔥花及蒜片排成長條狀煎香，再將和牛薄燒捲上，過程賞心悅目一氣呵成，和牛入口即溶，蔥花及蒜片包裹一齊進食增添咬口，令人欲罷不能。
鹿兒島野崎和牛薄燒
18 views
0 likes
0 comments
✥炒飯 ⭐️4.1/5⭐️
係我地進食嘅同時，師傅繼續默默埋頭苦幹，將白飯加入各項配料，雞蛋，牛肉粒，整塊鐵板都係師傅嘅表演範圍，難得炒飯軟硬適中，因為鐵板燒好易令飯粒過濕或過硬嘅情況發生，今日依個炒飯好滿意。
炒飯
15 views
0 likes
0 comments
❀吸物 & 炒野菜 ⭐️4/5⭐️
接住差不多嚟到尾聲，紛紛奉上味噌魚湯及炒野菜，正常水準發揮，平衝一下剛才菜式嘅油膩感。
吸物
14 views
0 likes
0 comments
炒野菜
22 views
0 likes
0 comments
𖥕甘味 ⭐️4.2/5⭐️
最後甜品環節亦好有驚喜，師傳最後一次出場為我地炮製焦糖西多士，然後仲有得揀兩款口味嘅雪糕，係筆者好鐘意嘅開心果味，而朋友就揀咗白桃味，提議我地可以將兩者混合一齊食，冰與火之間嘅交融更加滿足，為今餐劃上完美句號。
甘味
13 views
0 likes
0 comments
甘味
22 views
0 likes
0 comments
菠蘿可爾必思💲28/1 ⭐️4.1/5⭐️
百香果梳打💲28/1⭐️4.1/5⭐️
筆者今日揸車，所以無緣把酒盡興，叫左兩杯無酒精飲品亦唔錯，份量非常大杯，百香果梳打清新解膩，朋友點嘅菠羅可爾必思表示仲有菠蘿粒，亦好豐富。
菠蘿可爾必思
19 views
0 likes
0 comments
餐廳新張不久，價格定位係銅鑼灣嚟講算係非常親民，性價比極高，入門版菜式已經可以試到立鱗燒，而且每道菜式亦亳不馬虎認真對待，另外師傅亦好貼心問到客人有無任何食物敏感或食材方面需要更改，而筆者朋友唔鐘意食蔥，師傅亦將所有菜式都為佢處理一份走蔥版，貼心抵讚。筆者非常推薦依間高性價比優質鐵板燒比大家，相信絕對唔會令大家失望。
➿➿➿#本命 #TeppanyakiHonmei
#銅鑼灣美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger
#食好西 #相機食先 #香港美食
#甘鯛立鱗燒 #北海道帆立貝
#黑豚薄餅燒 #薩摩赤雞 #鹿兒島野崎和牛薄燒
.
➿
Post
