古今

Open Now

Now Closed

上星期同朋友喺銅鑼灣食飯，我哋想食日式料理。朋友知道銅鑼灣有一間出名食特色卷物嘅餐廳，於是就帶我去咗呢間位於銅鑼灣澳門逸園中心的古今二日式料理。位置好方便，就喺崇光百貨隔離。我哋叫咗三款壽司，佢哋嘅壽司名稱都好特別。分別有午夜牛郎、搖滾樂同火山。⭐️午夜牛郎- 飯入面包住三文魚、牛油果同芝士。外面有層脆脆，咬落去口感係外脆內軟。⭐️搖滾樂- 壽司上面鋪左鰻魚，入面有芝士、炸蝦、牛油果，又係有好豐富嘅口感。⭐️火山- 用帶子、青瓜、牛油果、蟹柳製作的壽司。職員會喺碟邊點火。壽司被火包圍，真係好似火山咁。好靚！用火㷫熱之後，壽司飯放入口時，係好溫暖。呢個亦都係餐廳推介嘅食物之一。⭐️龍卷風沙律：自家製嘅沙律醬好好味，有少少微辣味道，同蟹柳、蟹籽、沙律菜撈埋一齊食，味道好好，開胃清新。蟹柳分量多好足料。⭐️三文魚腩刺身同帆立貝刺身都好新鮮。餐廳職員服務態度好好，會細心介紹一些食物俾我哋。好有禮貌。午市時段，餐廳仲有午市套餐同午市便當供應。價錢都好實惠。