ROYAL INN

一踏入位於銅鑼灣皇室堡嘅 ROYAL INN，即刻俾嗰股濃濃嘅法式宮廷歐陸風打動。裝潢夠晒華麗，中間有座羅馬柱噴水池，配埋天花上嗰座巨型宮廷吊燈，好似置身歐洲古堡！最特別我地座位上有一隻巨型嘅熊啤啤陪食飯，無論大人定小朋友見到都一定會鐘意。忌廉南瓜湯一上枱就聞到陣陣香濃嘅南瓜味，湯嘅質地好滑順，而南瓜嘅天然甜味滲透得好足，飲完暖晒個胃。精選田園沙律菜葉夠新鮮，配埋少少酸酸甜甜嘅沙律醬，係食正餐前一個清新嘅好開始。招牌波士頓龍蝦包配香脆薯條麵包外層烘得超脆，帶少少牛油香，裡面嘅波士頓龍蝦肉夠鮮甜，咬落仲彈牙，配埋青檸蛋黃醬嘅微酸清香，令整體味道更加突出。薯條炸到金黃香脆，每條都保持住脆身。牛油香煎南美紅蝦手工闊條麵紅蝦煎到微微焦香，肉質鮮甜多汁，啲蝦殼帶少少焦香味，仲有濃濃嘅海鮮味滲入個汁度。手工闊條麵煮得啱啱好，吸收咗蝦汁同巴馬臣芝士嘅香味，每一啖都好有層次感。