南記冰室

Open Now

Now Closed

平日午餐餐廳選擇之一，食品質素唔會太差。款式唔算多，雖然每次都好想試過車仔麵，最後都係覺得比較貴，倒不如叫個炒粉麵或者咖喱飯，仲實際。之前特登食佢個麵包盒咖喱，真係冇得頂，雖然飽到嘔，但係次次都想叫！今日post嘅係早餐，最最基本嘅$30 ，火腿通粉，煙肉炒蛋多士，多士鬆軟，雞蛋份量略少，煙肉唔太肥，通粉份量足，個湯底超熱！最開心係個通粉份量係大家樂嘅2-3倍！之前食過沙嗲牛肉公仔麵，亦都非常不錯。佢哋嘅咖啡奶茶，味道係OK嘅。