四寶食堂 (Closed)

一陣仲要開會，快快走去食飯先，係旺角度度都多人，經過四寶，啱啱對上得一枱等緊，就排個隊先。好，坐低睇下有咩好食先，呢度真係超多選揀。一人前養生燉湯晚餐，有湯飲真心正。燉湯用上蟲草花，好足料，個湯清澈。原煲老壇酸菜鱸魚片，魚肉滑滑無骨，仲要好好多片，魚皮都好乾淨冇鱗，配料雲耳，芽菜，酸菜，個湯底都好好味，可以拌飯。紫薯雪糕拿鐵，雖然天氣凍冰冰，但我呢啲小朋友真係忍唔住要飲呢個，真係好吸引，個紫薯味好重，但又唔會太甜，食埋上面個雪糕，滿滿足！