四寶食堂 (Closed)

有時啲人好似覺得食茶餐廳好頹，但其實我都幾鍾意港式地道美食！ 旺角既四寶食堂環境靚得黎仲有中西合璧既餐牌！我比較鍾意去到茶餐廳叫常餐！所以我叫咗個沙嗲牛肉麵配炒滑蛋同丹麥多士加埋杯凍奶茶！夠哂地道！沙嗲牛肉麵個沙嗲汁好香好濃味，而且牛肉都幾正！ 炒蛋好滑又蛋香！丹麥多士甜甜地，外脆內軟！朋友就叫咗個龍鬚豉油王炒麵，炒得好有鑊氣同好乾身！真係有一段時間冇食過咁好味嘅炒麵最後叫左個邪惡咸蛋黃黑松露醬雞中翼！即叫即整！熱辣辣好香黑松露味！整體黎講餐廳食物多元化而且質素都幾高