Video
Read full review
2024-01-22
128 views
我不嬲都鍾意食東南亞嘅美食，尤其是泰國同馬來西亞嘅菜式，因為佢哋通常都能夠用簡單嘅材料變化出視覺同美國都好豐富嘅菜式。今日我見返以前嘅馬來西亞同事，佢介紹我食一間喺海港城開咗冇耐嘅餐廳，連當地人都覺得好嘅餐廳，我當然試試啦！呢間餐廳個名好特別， 安娣瑪萊 Auntie MALAY， 餐廳裝修好靚，好適合影相打卡。餐室大膽運用絢麗色彩，同時融入南洋風格的花磚、五彩玻璃及布藝，搭配出溫馨而具個性的異國情調。除咗裝修靚之外，食物都真心唔錯，今晚食咗幾款都幾特別嘅菜式，由前菜、主菜到甜品，都睇得出餐廳想做到色香味俱全。首先有個好惹味嘅點心，迷你魚醬蝦米春卷，原來係馬來西亞傳統新年食品，啲魚仔辣椒醬同魚鬆炒得好香，香脆惹味。另外嘅焦糖脆魚皮都好出色，將炸魚皮加入乾辣椒同焦糖翻炒至透明，味道微甜帶辣香脆，再搭配檸檬葉、青檸葉同開心果碎，賣相精緻。另一道小食係亞參酸辣大蝦奄列、 班蘭咖椰多士，大蝦嘅香料與奄列蛋的吸湯特性相互融，味道豐富；蝦肉鮮甜爽彈，搭配口感輕盈鬆脆的班蘭咖央多士，令整體層次提升。主菜方面，亞參酸辣沙巴仔 配 黃金油條，調味同用料上以蝦湯為基礎，加入羅望子、薑花、喇沙葉、南薑及馬拉
呢間餐廳個名好特別， 安娣瑪萊 Auntie MALAY， 餐廳裝修好靚，好適合影相打卡。餐室大膽運用絢麗色彩，同時融入南洋風格的花磚、五彩玻璃及布藝，搭配出溫馨而具個性的異國情調。
除咗裝修靚之外，食物都真心唔錯，今晚食咗幾款都幾特別嘅菜式，由前菜、主菜到甜品，都睇得出餐廳想做到色香味俱全。
首先有個好惹味嘅點心，迷你魚醬蝦米春卷，原來係馬來西亞傳統新年食品，啲魚仔辣椒醬同魚鬆炒得好香，香脆惹味。
另外嘅焦糖脆魚皮都好出色，將炸魚皮加入乾辣椒同焦糖翻炒至透明，味道微甜帶辣香脆，再搭配檸檬葉、青檸葉同開心果碎，賣相精緻。
另一道小食係亞參酸辣大蝦奄列、 班蘭咖椰多士，大蝦嘅香料與奄列蛋的吸湯特性相互融，味道豐富；蝦肉鮮甜爽彈，搭配口感輕盈鬆脆的班蘭咖央多士，令整體層次提升。
主菜方面，亞參酸辣沙巴仔 配 黃金油條，調味同用料上以蝦湯為基礎，加入羅望子、薑花、喇沙葉、南薑及馬拉盞蝦醬等香料，特別加入薄荷葉增添清新香氣。搭配上迷你香脆油條，豐富口感和層次。唯獨是對唔太鍾意食魚嘅朋友來講，呢條魚可能比較多骨。
仁當牛面頰肉 配 燒肉鬆糯米飯卷，有別於傳統的嘅牛腩，呢度用嘅和牛面頰膠質比較重，配以自家咖哩醬慢煮，味道嫩滑細膩。夾埋經蕉葉焗過的肉鬆椰香糯米飯卷，係幾特別嘅配搭。
食到呢度其實都開始有啲飽，但千祈唔好錯過海南雞鑊仔飯，呢道菜融合咗馬來西亞唐人街瓦煲雞飯同傳統海南雞飯嘅特色。雞油飯底上舖滿牡丹蝦乾、芋頭及臘味粒，再與香茅、班蘭、南薑、薑 及蒜同蒸，令香料的香氣滲進飯芯；上桌時混入蔥油及無骨海南雞，伴上鑊邊的金黃香脆飯焦，體現出將不同烹調文化融合的理念。
不能不提仲有特色甜品，薑汁焦糖布丁，蛋香融入微辣嘅薑汁，仲有馬來西亞人好鍾意用嘅椰糖，加埋酥脆炸麵包粒，真係為呢餐劃上完美句號。
仲有一款好適合打卡嘅甜品係娘惹七彩香蘭糕，但味道我就覺得比較清。
Post
