麵尊

Open Now

Now Closed

麵尊太耐都冇去食麵尊了，今日決定咗去登龍街食一食！☺️其實佢裝修好唔似車仔麵鋪頭！但係，佢同車仔麵都冇咩分別，一樣係填紙仔，揀自己想要嘅餸同埋麵。我揀咗貢丸，雞翼，芝士腸，生根！雞翼整得好入味！有時車仔麵嘅雞翼會皮肉分離，但係面磚嘅雞翼就冇，仲係一隻好完整無缺嘅雞翼😂😂😂芝士腸入邊真係有芝士，車仔麵好普遍都會用脆皮腸代替芝士腸🤣足料嘅車仔麵檔!份量來講，作為下午茶應該有啲多😂😂😂但係如果係午餐來講，應該好足夠。我仲叫咗腩汁同麻辣，好香口😍😍😍差啲飲晒成碗湯。其實佢可以揀淨餸，但係又自己口痕想食啲麵😂😂😂下次再食下午茶嘅話可以唔叫麵！車仔麵嚟講，呢間算坐得好舒！而且啲職員又好好態度。而且佢個辣汁真係好有誠意，應該係自家製😍真係好好食！